Yasaqya 48:17 - NABUWWA KEE MALIKWA

¹⁷ YALLAY sin wadahiyya iyyam le. Israayil doore Dageltay *Kudduusuk yani siinik iyyamaa: «Anu YALLAAY; sin Dagelta kinniyo; Sin taagah meqe gita sin yaybulleeh, edde gexxan gita siinih ascasse.

Yasaqya 48:17 ပူးပေါင်းရင်းမြစ်များ

1 Malikwa 8:36

too dooqa elle tan qaraanaak keenik raabit. Israayil ummattay ku naqoosah tanihiyya abte dambik qafu keenih ab. Edde gexan meqe-gita ken baris. A baaxo, ku baaxoy ku marah ikoytah teceehiyya kinnuk, rob tet mawaysiisin.

Yasaqya 2:3

Mango baaxol yan mari too saaku iyyu waamah, «Qibaadâ-Qari elle yan YALLIH-Qale fan nee beya» tittak axcelon. «Israayil ummat doore Dageltih-Qibaadah-Qari elle yan arac nawaqu wayna. Yalli tokkel isih faxem nee barsele. Usuk faxe gitat gexenno» 'yaanam axcelon. YALLIH-baritto elle tanim, Yarusalaam magaalaay; Siyon qalek isi ummat lih yaaba.

Yasaqya 28:9

A mari anqaasah yok iyyaamah: «Usuk iyyaay? Iyya is yakkaleeh? A farmo iyyah warsam yakkale? Anguk molla 'yeh yan qunxa urruh warsitaamaay ken geysiisaama» 'yaanam axcuk yok wayto yaceen.

Yasaqya 30:20

Yalli gadaama kee gibdaabina siinil ruubele'mmay, isih siinik mabaxsimaay; nagay kaa aaxigetton.

Yasaqya 30:21

Edde gexxan gitak guri kabul afkune kee, migdi kabul afkune takken waqdi, kay xongolo aabbettoonuuh, «Giti ah kaak; akkek gacay gexa» 'yaanam axcih aabbetton.

Yasaqya 41:14

Yalli iyyemii: «Israayil ummatey, qunxaah boola le marah tantoonum siinik aaxigeh immay cato akak geytaanam, yooy kudduusuk yan sin Dagelta kinnihiyya kinnuk, mameysitina. Sin wadeeni, yooy kudduusuk yan sin Dagelta kinni.

Yasaqya 43:14

YALLAY sin wadahiyya iyyam le. Israayil doore Dageltay *Kudduusuk yani siinik iyyamaa: «Sin taagah, Baabelon fan amri ruubeh an. Oson inkih dabbô-mara akkeloonuh, ken maraakibiy kaxxam edde yakkaleenihiyyat kudelon.

Yasaqya 43:16

Dumî dabaanal YALLI badak gudek gita bicse; haffita badak gita siinih yeyyeeqe.

Yasaqya 45:11

YALLAY sin gine siinik iyyam le. Israayil doore Dageltay kudduusuk yani iyyamaa: «Sarra takku waytam elle takke inna kee yi xayloh giddinaamak, num tu yoo essere waay. ‹Ah abaay woh ab› yok maxcina.

Yasaqya 48:20

Tonna'mmay Baabeloonuk amaanah eweqa; Baabelon marak isillima. Ifricay qililisaay a xaagu kulli ikke iysixxiga. YALLI Yaqkuubuk rade maray kay naqoosah yanihiyya wadem baaxô-maggaraqa fanah gexay warisa.

Yasaqya 49:26

Siinit xukkuta mari titta akmeloonuuh; sittak caxen qabala yaaquboonu waan waqdi, kamri yooqobe marih innah askirelon. Too waqdi baadal eneyya 'ya mari, anu YALLA kinniyom aaxigele. Sin wadaah xixxibaanek sin yeyyeeqe Dagelta kinniyom aaxigelon. Yaqkuub-Dageltay cayla le kinniyom aaxigelon.»

Yasaqya 49:7

Israayil ummatta wade Dageltay *kudduusuk yanihiyya, sinam intit bura leeh baadal tan ummat niqba numuy abbobtih yan marah naqasu yekkehiyyak iyyamaa: «Amoytit koo tabalu wayta waqdi, aracak ku assakaxxah ugtele. Baaxoh abbobti koo table way gomboh radele. Ta mari ta assakaxxiyya akah abu waam, YALLAY digga lehiyya isi farmoytah koo dooreemih sabbata. Yeey, ta mari ta assakaxxiyya akah abu waam, Israayil doore Dageltay kudduusuk yani isi farmoytah koo dooreemih sabbata» iyya.

Yasaqya 54:13

Ku addal tan ummatta abtu waytam innih ken barseyyooh, meqe manooy amaanah ken xiiniseyyo.

Yasaqya 54:5

Macaay intek, baqli innah koo dacrissam, koo gine Dagelta; YALLAY Nabaamak Nabahiyyah tanim kaa. Koo waddam, Israayil doore Dageltay kudduusuk yanihiyya; inkih tan addunya xiinissam kaa.

Yasaqya 54:8

Dago waktih gide kaxxam kot bagcarriteeh darre kot cabeh suge'mmay, ahak wadir way koh maamay, koh nacruureyyooh, kulli way koo akcineyyo» 'yaanam kok iyyah yan. YALLAY koo wadahiyya tama'nnah kok iyya.

Ermiyaas 6:16

YALLI isi marak iyyeemih, «Giti elle yangale maglallal solla inxicay baaxo wagitay! Dumî dabaanal sugte gititte cubbusa. Yayse gitay siinih yascassoonu waanahiyyat gexa. Too gitat gexxeenik, amaan geetton» iyye. Takkay immay toh keenih warse waqdi kaal gacseenimih, «Aleeyyah yayse gitat magenna» iyyen.

Miika 4:2

Baadal tan ummat too saaku intu waytaamah: «Qibaadâ-Qari elle yan YALLIH Qale fan nee beya» tittak axcelon. «Israayil ummat doore Dageltih Qari elle yan arac nawaqu wayna. YALLI tokkel isih faxem nee barsele. Usuk faxe gitat gexenno» 'yaanam axcelon. YALLIH baritto elle tanim, Yarusalaam magaalaay; Siyon qalek isi ummat lih yaaba.

Yoosuwa 3:4

Isin a baaxo mataaxigaanaay gita oson sin aybulleelon. Takkay immay gexxan waqdi woo qahdih sandugul maxayyoowina. Woo sanduguk salaf le kabuk inki kiilomitrih gide akak exxeeray gexa» iyyen.