Yasaqya 48:12 - NABUWWA KEE MALIKWA

¹² YALLI kaadu qagseh iyyemii, «Isin Israayil maray anu akah seecehiyyak, yoo ankacisa. Anu inki anyoh; Qimbo yooy ellecabo yoo.

Yasaqya 48:12 ပူးပေါင်းရင်းမြစ်များ

Yasaqya 34:1

Baaxol enna 'ta doolatway, inkih yoo fanah ama! Xayyoowaay, axcem yok ankacisa! Baadal tan ummatey, yi yaabah ayti ucuya! Baaxo axcem yok taabbay; baaxô-bagul yan mari yi yab cubbusay. Addunya kee addunyak eweqqa 'tam yi yaabah ayti tacaay.

Yasaqya 40:26

Qaran fan gubaak wagitay; qaraanal tablen cutuuka, gintem iyya siinit celta? Cutuk beytaah, miraacissam ken gine Dagelta kinni. Loowo keenik takkeh gide yaaxigeeh, keenik diggi haa. Migaq keenik tiya-tiyah yaaxigeeh, keenik digga haa. Migaq keenik tiya-tiyah yaaxigeeh, ken mawaagisa; too migaaqal keenih seeca. Yallih qande waado mali. Cayla-li kinnuk Dagelti qaran cutuk faxeh gide, loowo kee mangah yakke way, ken yaaxige; tiyah-tiyah. Kaak mabayan; digga ken haa.

Yasaqya 41:4

Taham inkih abteeh absissem iyyay? Sahdayti abto tamlikem iyyay? Toh yoo YALLA. Anu inki anyoh; qimbo yooy, ellecabol kaadu aneyyo.

Yasaqya 43:10

YALLI iyyemii, «Yoo taaxigeeni'gidiiy yol taamineeni'gidiiy Yalli dibuk yoo kinniimih sumaq takkeeni'gidih, sin dooreeh inni naqoosa sin abe. Qimbooy ellecabo mayyuuy, tohoysa yok sa Yalli mayan.

Yasaqya 43:11

YALLI dibuk yooy; yok kalah Yalli mayan; yok sah wadoot akak geytan Yalli mayan.

Yasaqya 44:1

«Tonna'mmay Yaqkuubuk rade maraw, yi naqoosay! Israayil ummatey, anu innih doore maraw!»

Yasaqya 44:6

YALLAY Nabaamak Nabaah Israayil ummat wade malikik yanihiyya iyyamaa: «Qimbo yooy ellecabo yoo; yok sah Yalli mayan.

Yasaqya 46:3

Yalli iyyamaa: «Yaqkuubuk rade maraw! Yi marak saaboh raaqe mara kinnitoonuk, yoo oobbeya! Tooboken saakuuy akke, sin akkuquk amo siinik wagitak suge.

Yasaqya 46:4

Anu anyooh; idoolitta 'teenih amô qidi bahtaanam fanah, sin dacrissam yoo. Sin tuklukem yooy; sin takkuqem yoo; umaanek sin cateyyooh sin dacriseyyo.

Yasaqya 49:1

Xer baaxol geytima maraw, allahî-baaxoh ayyuntaw, ayti yoh 'cuya, yoo oobbeya. Aabukeemik dumal elle, YALLI yoo dooreeh, yoo meexe; inâ-bagut elle suge way yoo muggaaqisak yoo doore.

Yasaqya 51:1

YALLI iyyemii, «Isin yoo faxaah cakkih taniimih abtok kore waa maraw, yi yab ankacisa. Akak tewqen xixxaq baguh kassa haa; akak temeeten raceyna kassa haa.

Yasaqya 51:4

«Yi ummatey, yoo ankacisa; yi maraw, anu axcem oobbeya. Ummattah inni xinto warseh an; yi cakki baadal tan ummattah ifu akkele.

Yasaqya 51:7

Qadaalat kinnim yaaxige maraw, yoo ankacisa. Yi xinto afqadoh addat kutbeh akak tan maraw, yi yab oobbeya. Sinam siinil qangaasaltaah sin ilaqtaamah, keenik mameysitinay hagga maxcina.

Yasaqya 55:3

Yi ummatey anu axcem ankacisaay yi fan ama; rooci siinik waara'gidih ankacisa. Waara xagana sin lih heeyyooh, Dawuduh qahdi akah cule kacanuy digga lehiyya siinit heeyyo.