Yasaqya 47:8 - NABUWWA KEE MALIKWA

⁸ «Hay, tut-baaqid-maleelay tut-carra-maleelay, siinih warisu waak, yok ankacisa. Isin, buxal farcatat yaniih ‹Tu nee maxagta› iyya maraw, ‹Nanu nanih; nek sa tu matan› bagul intaanaah ‹Baqolti nek marabta; xaylo nek qunxih macabaaritta› intan.

Yasaqya 47:8 ပူးပေါင်းရင်းမြစ်များ

Yasaqya 14:14

Qamburrek daga ciggiileyyooh, kulliimik daga raaqa Dageltah innah gaceyyo› 'yaanam inte'mmay,

Yasaqya 32:11

A saaku farcaanak yan agabow, meysita! A saaku nagay yanim isik yakkale agabow, gadaamitettoonum ixiga! Sara isinnik kalay *qabuudut gaca.

Yasaqya 32:9

Isin cisab sinniih kulli way farcatat tan sayyoy, siinik axcem ankacisa.

Yasaqya 45:18

Macaay inteenik, YALLAY qaran gineh baaxo kaadu gineh, tet bicseeh tet daabiseeh, foyya tet maabinnay sahda dabaaqah elle gacta arac tet abehiyya isih iyyamaa: «Anu YALLA kinniyo; yok sah yalli mayana.

Yasaqya 45:5

YALLI dibuk yooy; yook sah yalli mayana. Atu yoo mataaxiga'mmay, qande kot heeyyo.

Yasaqya 45:6

Toh akah aba sabab liyo. Toh macaay intek, addunyak ayrô-mawqaay ayrô-culma takke baaxol yan mari Yalli dibuk yoo kinnim yaaxige'gidiiy, yok sa Yalli ane waam yaaxige'gidi.

Yasaqya 47:10

Isinni makari kee uma-taamat kaxxam takkaleeniih, ‹Nanu abnam tablem matan› 'yaanam intan. Litoonum takkalen kas kee ixxiga makot sin beyteeh, ‹Nanu nanih; nek sa tu matan› 'yaanam intan.

Ermiyaas 49:31

Yoo YALLI kaadu Nabkadnessarak iyyaamah, ‹Caxor-maray isi baaxo kaxxa amaanah xiinahiyyat qeebi aba. Ken mandarwa akak culan afay alfintahiyya maliiy; sinam lih kaadu hebeltô-qalla mahaysitinnoonuk, qeebi keenit aba.

Ermiyaas 50:11

YALLI kaadu iyyemii, «Baabelon maraw, yi mara wararteeniih; toh siinit temqeh. Ruffu edde inten. Qaysok cayya iyyeh xobbaaqa gaalih innah xobbaqten. Canak cayye mooyuh innah kaqitten.

Ermiyaas 51:53

Baabelon mari qaran yawqeemih, wokkel qande le megdeb xisaanamah, tohim keenik bayisu waa mara keenit ruubeyyo. Tahat yabtam yoo YALLA» keenik iyye.

Yacedkel 16:49

Tet kee tet xaylo ken dudda maaqo geyyaay amaanah gacca iyyen waqdi, kaxxa kaxxiina xagarat keenik gacte. Takkay immay masaakiina kee tu sinni marah cato abak masuginnon.

Yacedkel 28:2

«Bani-adantow, Suur magaalah malikik intaamah: YALLAY Mulki lehiyya kok iyyaamah, ‹Kaxxiinah qaffuddaah yalla is takkale. «Yalla kinniyooh bad maroh edde yan korsil an» 'yaanam inta. «Kasah Yallih innah an» intaah, Yalla is celsissa'mmay, sahdaytu kinnito ikkal Yalla hinnito.

Yacedkel 30:9

Too ayroy Masri finqa yakku waahiyyal, amaanah xiinak suge Kuus marat cube waak sugen cunxo qidu waa farmoytit markabat ruubeyyo. Too ayro xayyowteh taniih; xayuk amaateleeh; cunxo keenit heele.

Daaniyel 11:36

« ‹Suuriyah malik isih faxxa heem abak sugele. Yallitte akak inxicci 'yaanamak nabiyoh axcuk tirtirisele. Yallittek naba Dagelta kinni way, uma'nnal xaafele. Yalli kaa digaalla haam fan toh abak sugele'mmay, Yalli hununuh abeyyo inxicca 'yem abele.

Daaniyel 4:22

Malikow, too caxa koo kinni. Atu naba malikiy kaxxa qande le tekke. Kaxxam tembeeh, abbootan kok qaran gufeeh, qande kok addunyâ-bagul fixixxeh.

Daaniyel 4:27

Hay, tonnal malikow, ku maganak anu koh acee fayu oobbey. Dambi lem maabinaay gitah tanim ab. Umaane cabaay, xukkot yan marah xuwaw. Tonnal gaddaliino koo cabe waytam takkeh» kaak iyye.

Daaniyel 4:30

iyyeemih, «Baabelon magaala manxu nabaah! Anu inaytâ-magaalah tet akah xisem, inni qande kee inni caylaay; inni nabna kee inni hayba elle aybulle'gidi»

Daaniyel 4:4

«Anu buxah addal tu wee'kal innih elle faxe'nnal suge.

Daaniyel 5:23

qaraanal yan Goytak giddih tan taamah taamitteeh; kay qarik dannabah orbisen kobbaayiy kee sacnittel, koo kee ku xintoh miracwaay ku agabu kee caggô-gubbih caggoh ginnaaqot lito agabu, qinabak bicsen kamri tooqoben. Too waqdi yalla axcuk dahab kee lakqooy nacaas kee biriitaay coox kee xeetik bicissen duyyey tu aabbe waytah tu able waytah tu aaxige waytahiyya faylisse. Yallay koo wadaah koo qidaah atu abba haytem inkih gabat lehiyya massakaxxinnito.

Daaniyel 5:30

Malik isih, too barat edde, marin gabat rabe.

Naacum 1:10

Isin yiskire maraw, kafte qayso kee ittat culah yan keenaanit gexxa girah innah cararetton.

Naacum 3:4

Qamal akak yoome Nanawe diggalsinteh. Qax maqaanet sinam baysakaay, sicrit sinam aylahisak sugteeh; too taamat mango mara naqoosa abte.

Cabakkuk 1:7

Sahdat cunxo kee meysi qideloonuuh; sarrak isinnih meqe madqay ken fayya haytahiyya mudelon.

Xafanya 2:15

Tet addal yan mari kaxxam isit yakkaleeh, tu ken xage waytam yakkaleeni'mmay, takku waytam tamaha. Ken magaalah bis le magaala addunyâ-bagul matanam keenit celta. Tohu immay ken magaala abuuruy alluwwa dabqah lehiyya akkele. Xaqu akak gaceh gexa mari tah yable waqdi, abah yan wariggak gexxaamah hagga axcelon» iyye.

Makaabon 18:27

Sarrak Daan-mari, Miika luk suge duyyey yaqbudeenihiyya kee buxal luk suge sek gabat hayya heeniih, abak sugen safarah Laysa gaaduh gexen. Tokke gufen waqdi Laysâ-maray amaanah yaniih toobbe kee tublek tu-xaagu sinnihiyyat qeebi aben. Magaalal suggu 'ye mara qideeniih, sarrak magaala carriseenih.

Makaabon 18:7

Toh keenik inxicca 'ye waqdi, woo koona num Laysâ-magaala fanah safarte. Too magaala gufen waqdi, magaala yubleeniih; magaalal yan mari hammi sinnim amaanah elle xiinan inna keenik yismiteenih. Saydâ-marak kaxxih, a magaalal yan mari amaanah yeneeniih; ken xagtam mananna. Oson kaadu xagtan mara luk manannon. Mano keenil muquk teneeh; faxxa haanam inkih luk yenen. Laysâ-magaala, Saydâ marih magaalak xeeruk raaqak teneeh; hebeltô-mara luk heen bica kee qalla luk manannon.