Yasaqya 47:4 - NABUWWA KEE MALIKWA

⁴ Ni wadeeni, YALLAY Nabaamak Nabahiyyah yaniih, Israayil doore Dageltay *kudduusuk yanihiyyah yan.

Yasaqya 47:4 ပူးပေါင်းရင်းမြစ်များ

Yasaqya 41:14

Yalli iyyemii: «Israayil ummatey, qunxaah boola le marah tantoonum siinik aaxigeh immay cato akak geytaanam, yooy kudduusuk yan sin Dagelta kinnihiyya kinnuk, mameysitina. Sin wadeeni, yooy kudduusuk yan sin Dagelta kinni.

Yasaqya 43:14

YALLAY sin wadahiyya iyyam le. Israayil doore Dageltay *Kudduusuk yani siinik iyyamaa: «Sin taagah, Baabelon fan amri ruubeh an. Oson inkih dabbô-mara akkeloonuh, ken maraakibiy kaxxam edde yakkaleenihiyyat kudelon.

Yasaqya 43:15

Israayil ummatey, anu YALLAY *kudduusuk yan sin Dagelta kinniyo. Inkittu sin abeeh, sin malik kinniyo» iyya.

Yasaqya 43:3

Macaay inteenik, YALLAY sin Dagelta kinniih sin wadahiyya yoo. Israayil doore Dageltay *Kudduusuk yanihiyya yoo. Isin currih tawqeeni'gidih, Masri-mara sin gidyatah ecee. Kuus kee Saba sin aftok ecee.

Yasaqya 44:6

YALLAY Nabaamak Nabaah Israayil ummat wade malikik yanihiyya iyyamaa: «Qimbo yooy ellecabo yoo; yok sah Yalli mayan.

Yasaqya 49:26

Siinit xukkuta mari titta akmeloonuuh; sittak caxen qabala yaaquboonu waan waqdi, kamri yooqobe marih innah askirelon. Too waqdi baadal eneyya 'ya mari, anu YALLA kinniyom aaxigele. Sin wadaah xixxibaanek sin yeyyeeqe Dagelta kinniyom aaxigelon. Yaqkuub-Dageltay cayla le kinniyom aaxigelon.»

Yasaqya 51:15

Yoh tu gactek, anu YALLAAY; sin Dagelta kinniyo. Bad abah yan haffoh kaxxa xongoloh xongolissam yoo. Yi migaq YALLAY Nabaamak Nabahiyya.

Yasaqya 54:5

Macaay intek, baqli innah koo dacrissam, koo gine Dagelta; YALLAY Nabaamak Nabahiyyah tanim kaa. Koo waddam, Israayil doore Dageltay kudduusuk yanihiyya; inkih tan addunya xiinissam kaa.

Ermiyaas 31:11

YALLI, Israayil-mari away edde yan xixxibaanek ayyaaqele. Caylaleelâ-gabak ken ayyaaqele.

Qaamus 4:13

Qaleela tuklukeeh, silaytu gintem, YALLAY Nabaamak Naba Dagelta kinnihiyya. Sahdayti rooci ginteeh; abu waam sahdaytuh warissam kaa. Ayrô-diifuk ditel korissam kaa. Baadal inkih mulki lem kaa. YALLAY Nabaamak Naba Dagelta kinni abam cubbusa!