Yasaqya 46:7 - NABUWWA KEE MALIKWA

⁷ Gexan ikke yelleenik, quukah sunkul beyan. Aracak teenal oobissa haanaah sooliseenih caban. Elle soolisen ikkek tangayyeeh rooci lem hinnaay, gaba tet esgeyya haytam fanah, elle soolisen ikkel elle sugta. Too waqdi, ‹Yoo cateey yoo wadeey! Koo aleelitek› axcuk dooqa foocal akak aban! Too duyye taabbeeh tuk teena elle gacissam hinna.

Yasaqya 46:7 ပူးပေါင်းရင်းမြစ်များ

1 Malikwa 18:26

Oson too awur beeniih usgudday niyyassa heenih, maacak xabba haanamaay dohri tikka 'yam fan dooqa abak sugen. Anay fayya haak, «Baqalow, innam nek oobbey, innam nek oobbey» iyyeeniih; toh lih kaadu, woo kaah sadgat elle abaana'gidih xisen aracat meekitak, way kaqitakaay way kaadu argaduk aseeni'mmay, keenil gacsem matan.

1 Malikwa 18:29

Carri barih sadgat edde aban waktih fanah waxxaq axcukuuy goroorocitak sugen. Takkay immay tu keenil gacissam magennoonuuy; hebeltoh anay mantabbinna.

1 Malikwa 18:40

Eliyyas too waqdi, «Baqal-nabuwwa ibbixaay baaha. Num keenik gexe kalay ken baaha» iyye. Ummatta woo nabuwwa inkih tibbixeeh; too waqdi Eliyyas, Kisyon-weeqaytu fan beyya ken heeh, weeqayti-garil ken qidsiise.

Yasaqya 37:38

Ayrok teena yalla iyyeh yaqbude duyyey Nisrok deqsittahiyya, wohuh bicsen qarih addal aqbuduk suge waqdi, kay xaylo nammayay migaaqah Adrammelek kee Sarxer deqsitta amma 'teh seefit kaa qiden. Sarrak Araarat deqsita rasu fan yoowwen. Kay aracal Isar-Caddon deqsita kay baxi malik yekke.

Yasaqya 40:20

Lakqo kee dahab gee wee num bokoke waa coox doorita; yaqbude ceelo akak bicsa. Bicisu yaaxige naggaar baahak, «Akak bicis» iyya. «Qibaadah daabisen ceeloy baaxô bagul rade wayta aqbuduh yoh bicis» iyya. Yalli woo bis malim digga.

Yasaqya 41:28

Yallah lon duyyey xeet kee cooxuk bicseenihiyya tuk teenat yabta'gidih ken wagteh immay tut yabtaamak masuginna. Ken essereemik yol gacseenim matan.

Yasaqya 41:29

Cubbussa hayteenik, tah deedala'kkal tanim hinna. Too duyye abtam mali. Deedalaay baditi'kkal tuxxiq lem hinna.»

Yasaqya 41:7

Gaba naggaarinna le num dahab bicsa numuh aytikuma yecee. Yaqbuden ceelo gabah orra heeh yaysororooce num, bismaarat aatakuk tittat xakbisa numuk, ‹Meqe'nnal abtah tanik tama'nnal ab› 'yaanam iyya. Woo yaqbuden ceelo rade wayta'gidih, soolisaanaah bismaarat xakbisan.

Yasaqya 44:12

Birtak-duyye-bicsa-mari birta beyya haah girat diyaayisa. Too waqdi too-diyaayise-birta, kay-gaba-le-qandek, maatakat yaatukeeh missoysaah yaqbuden ceelo akak bicsa. Too ceeloh bicsat bakar kee qulul kaa yabbixe waqdi, cawalah qande kaak gexxa.

Yasaqya 45:20

YALLI iyyamaa: Baadal tan ummattak saaboh raaqe maraw, titta fanah gacaay inki aracal gaaboowa; inkih yoo fanah amay. Cooxuk bicsen duyyey yaqbudeenihiyya ukkuqqa heeh baaxo meksiisa mari, kas cabe mara. Oson too duyyey hebeltô-tu'xiq sinnihiyya yaqbudeeniih ta duyyek, ‹Nee wada› iyyan.

Yasaqya 46:1

Beel kee Naboy, Baabelon mari yalla axcuk yaqbudehiyya bokokteeh, raddeh tan. Ken ceelo a saaku quukah merrayti illel beyan. Merraytuy isih yeclehiyyal quuka yekken.

Yasaqya 47:15

Sin cutuk-beyah maqaanek ellecabo toh teeti. Qunxaaneey akke maalu akah acayuk, edde taqabak sugten sicri-abaa kee cutuk-beyah qaada toh teeti. Gira siinit gexxu wayta saaku, sin wadu duuda num keenit mayanaay; too saaku, sin cabba heeh isinni gexoh gexu waa mara akkelon» 'yaanam iyye.

Ermiyaas 10:5

Too cooxuy yalla akak iyyaanahiyya cabcab elle yooboke aracal, woo cabcab kimbir yakmeemik kimbir akak meysita'gidih, sartan edde hayya heenih sahdayti gurral soolisen caxxih bis le. Afak mayaaba; mayangayyaay magexa. Aracak arac ken beyaanam faxan waqdi, sunkul hayya ken heenih quukah beyan. Hay, siinil baaham maliiy siinih xiqam malik, akak mameysitina» siinik iyyah yan.

Ermiyaas 11:12

Anu too bala keenil ruubu waa waqdi, Yuuda kee Yarusalaam mari, ‹Ni rabbi› axcuk sadgat akah abakaay qaydarus elle ruubak sugen duyyeeya ken mawadda.

Ermiyaas 2:28

Anu siinik axceemih: Yalla akak intan duyyey isinni gabak bicisseenihiyya ankel tan? Ta duyyey yalla akak intaanahiyya mangah sin magaaloolik madagok, gadaamittaanaah caalat siinil uma waqdi, sin akah cate waytam macaay? Sin edde wadan dudda maay lon?

Daaniyel 3:1

Malik Nabkadnessar dahabak bicsen ceeloy xexxaarah lactam cusul takkeeh, baguh kaadu lica cusul takkehiyya bicseh, Baabelon rasuk Duura deqsitta booxal soolise.

Yoonas 1:5

Baddi mari wariggiteh kulli numuuy isih le yallal cato essere. Sarrak doonik sutimik cattinta'gidih, amol teetik suge quuka badal qiden. Oson tohut yanin waqdi, Yoonas doonikik addah culla 'yeh kaxxa xiinih xiineh yen.

1 Samuwel 5:3

Maaca dibroh yemeeten waqdi, oson Daagon akak iyyaanamay yaqbudeenihiyya, YALLIH Qahdi addat akak yan Sanduguk foocal gommoh raddeh keenih sugte. Ugussa heenih, elle suge ikkel akah suge innah, soolissa heenih caben.