Yasaqya 45:7 - NABUWWA KEE MALIKWA

⁷ Dite kee ifu bicissem yoo. Barkat sinaamat haytaah, bala sinaamal rubtam yoo. Ah abtam yoo YALLA.

Yasaqya 45:7 ပူးပေါင်းရင်းမြစ်များ

2 Malikwa 19:25

«Anu aham dumaak takku waytaamal malseh sugem maabbito'nnaa? Away woh absissem yoo. Woo gasoosa maroh edde tan magaalooli riira edde abte qande koh teceem yoo.

Yasaqya 31:2

YALLI kas leeh; bala oobissem kaa. Usuk iyyem aba. Tonna-leemiik sarri-leelal gaba qideleeh, umaane aba marah cato yakke maral kaadu gaba heele.

Yasaqya 42:16

Inti maleela duma edde gexe wayte gitat beeyyo; duma aaxige waak sugen gitat ken beeyyo. Diteh sugte baaxo ifu keenih bahsiiseyyo; umuk suge gita saytun-gita abeyyo. Abu waam tamahaay; duuduse'kkal fanat ken macaba.

Yasaqya 44:24

YALLAY qimbol sin gineeh sin wadehiyya kaadu iyyemii: «YALLI yooy; kullim tuklukem yoo. Mango qaran fidissem dibuk yoo. Baaxo gine saaku num yo'lih masuginna.

Yasaqya 47:11

Bala siinil oobele'mmay, too bala isinnik akah kaltan inna mageytan. Masiibat sin abbixele'mmay, faxe sicri siinik mawaasa. Cube waak sugten bala kee qaasir-umaane sin abbixele.

Ermiyaas 10:16

Yaqkuub doore Dagelti woo duyyeh bis le Dagelta hinna. Kullim gintem kaa; Israayil ummat ikoytah lem kaa; Kay migaq YALLAY Nabaamak Nabahiyya.

Ermiyaas 13:16

Laqô-bar siinil radaah dite elle radde qaleelah bagul tandafoofoleenimik dumal, YALLAY sin Dagelta kinnihiyya eyneba! Isin faxxan ifih aftok baaxo kaxxa dite siinil takkeemik dumal, kaa eyneba.

Ermiyaas 31:35

Ayro laqo ifissa'gidiiy alsa kee cutuuka bar ifissa'gidih haytem YALLA. Bad sabo baaha'gidih tasgayyem kaa. Kay migaq YALLAY Nabaamak Nabahiyya.

Ermiyaas 51:20

Yalli iyyemii, «Baabelon maraw, qeebi edde absiisa silaacah sin luk suge. Qeebi edde aba birtah luk sugem siini. Doolat sin gabat bayisak suge.

Yacedkel 32:8

Qaraanal yan ifu bayissa heeh, baaxo dite kol akah takke innah abeyyo. Tahat yabtam yoo YALLAY Mulki lehiyya» iyye.

Daaniyel 2:22

Qellittaah sirrik tanim qaddossam kaa. Diteh addat qellittam tablem kaa. Ifi maroh edde yanim Yalla.

Ayyuqel 2:2

Too ayro baaxol data qamburreey gaanibiy kaxxa dite le radele. Casri sinni qanaytuy baaxol oobehiyyak gexxaamah, qaleeli amballayuk maraaqa. Tah duma akke wayteeh, sarra akke waytu waytam kinni.

Qaamus 3:6

Carbi yaniimih warsah kaayisan baanta magaalah addal kaayisan waqdi, ah yaabbeh meysite waa num maay yan? Mayan. Yallih amri maleh magaalat umam takkem bictaa? Mabicta.

Qaamus 4:13

Qaleela tuklukeeh, silaytu gintem, YALLAY Nabaamak Naba Dagelta kinnihiyya. Sahdayti rooci ginteeh; abu waam sahdaytuh warissam kaa. Ayrô-diifuk ditel korissam kaa. Baadal inkih mulki lem kaa. YALLAY Nabaamak Naba Dagelta kinni abam cubbusa!

Qaamus 5:6

Qaamus iyyemii, «Maabinay YALLAL uduura. YALLAL tuduureenik, mano geetton. Toh cinteenik, Israayil ummatal Yalli, giray sahda takmehiyya siinil akkele. Beetal magaalal yan mari girat laqlaqimele. Woo gira keenih bargusa mara mageyan.

Naacum 1:8

Isi naqboytit kaxxa weeqih duufut ruuba. Kaa niqba mara inkitanuuk bayisah.