Yasaqya 45:3 - NABUWWA KEE MALIKWA

³ YALLA kinniyom yok taaxige'gidih, dite le aracat daanah yan maaluy sinam elle yan arac akak aaxige waytahiyya koh aceeyyo. YALLAY Israayil doore Dagelta kinnihiyya, migaaqal-koh-seecem taaxiguh, toh abeyyo.

Yasaqya 45:3 ပူးပေါင်းရင်းမြစ်များ

2 Aydaad 6:17

Tonna kinnuk, Israayil ummatta doore Dageltaw, atu inxicca 'teeh yi abba Dawuduy ku naqasuh sugehiyyah culte xagni ku gabat dudda geyay.

Qedra 1:2

Too warkat axcuk yeneemih, «A warkatal yan amri taceem, yooy Kooris migaq leeh, Fursi-malik kinnihiyya. YALLAY qaraanal yan Dagelta kinnihiyya inkih yan baadak abba yoo abeeh; Yuudâ-rasuk Yarusalaam magaalal kay Qibaadah-Qari xisaamih abbootan yoh yecee.

Yasaqya 41:23

Hay, yalla kinnitoonum siinik elle naaxaguh, ‹Sarra takku waytam neh warisa› keenik inxicay. Umam takkuu, meqem takku, siinik meysinna'gidih, ‹Tuk teena abay› keenik inxicay.

Yasaqya 43:1

Tonna'mmay ta saaku hay, YALLI siinik iyyam le; Israayiley, sin yuklukeeh inki mara sin abe Dagelti siinik iyyam le. Toh macaay inteenik, «Sin waddem yook, mameysitina. Migaaqal siinih seeceeh; yi mara kinniton.

Yasaqya 48:15

Kaah secteeh kaa'lih yabtem yoo. Ah aba inteeh, kay gabat absissem yoo.

Yasaqya 49:1

Xer baaxol geytima maraw, allahî-baaxoh ayyuntaw, ayti yoh 'cuya, yoo oobbeya. Aabukeemik dumal elle, YALLI yoo dooreeh, yoo meexe; inâ-bagut elle suge way yoo muggaaqisak yoo doore.

Ermiyaas 41:8

Takkay immay ken addak tabna num Ismaaqil kallacteeh, «Ku maganah nee maqidin. Buqreh addal kamadi kee gabru deqsitta darooy, *daytuun kee malab uqurat nabbixeh koh aceennok, nee wad» kaak iyyen. Too waqdi ken cabeh.

Ermiyaas 50:26

Kulli gambik tet fanah ama. Tet addal tan riigitte faka. Orobte daro inki aracal elle gaaboysan innah, tet addal tanim inki aracal gaaboysak tittak bagul haay, bayisa. Tu tet bagul macabinay inkih bayisaay abuuruh caba.

Ermiyaas 50:37

Oson edde gexan faaris kee faras-gaari selaanama! Marin baaxok qeebih baahen qaskar keenik baysaanama! Too qaskar qeebih gaba marubtaay, agbi innah amuggurelon. Ken gadda selaanama! Luk sugeenim keenik beelon.

Ermiyaas 51:13

Weeqayti xaqul dabaaqah yaniih mango maalu kee duyye le Baabelon maraw, sin baati xayyowteh; edde rabtan wakti xayyooweh.

Ermiyaas 51:53

Baabelon mari qaran yawqeemih, wokkel qande le megdeb xisaanamah, tohim keenik bayisu waa mara keenit ruubeyyo. Tahat yabtam yoo YALLA» keenik iyye.