Yasaqya 45:25 - NABUWWA KEE MALIKWA

²⁵ Yoo YALLI, Israayil ummat wadu waa Dagelta kinniyo. Tohuk gexxaamah too mari yoo faylisele» 'yaanam iyye.

Yasaqya 45:25 ပူးပေါင်းရင်းမြစ်များ

1 Malikwa 8:32

too waqdi, yi Dageltaw, qaraanak ken ankacisaay, cakki le num uybulluy. Qellat le numul celta digaala kaat abaay; qellat baahe wee num currih rub.

Yasaqya 26:2

Numma le mari cula'gidih tet gasoh afa faka, ummatey. Imaan le mari akak cula'gid tet gasoh afa faka, ummatey. Kibaal Yallal digga le mari cula'gid gasoh afa faka.

Yasaqya 28:5

Too ayro, YALLAY Nabaamak Nabahiyya kay maray baatik saaboh raaqeh qaxa kee bilqaay nabna akkele.

Yasaqya 41:16

Qaraanal siisah innah ken fikiikisetton; silayti qaraanal ken beele. Caaco baaxol ken fuluulukusele. Toh tabloonu waytan waqdi, YALLAT ruffa axcetton. Israayil doore Dageltay *Kudduusuk yanihiyya assakootetton. Tahat yabtam yoo YALLA» 'yaanam iyye.

Yasaqya 45:17

Israayil ummat YALLI wadeh yan! Israayil ummat tahaysa wadu mawaytaay, qaybi wadiriik ken mayabbixa.

Yasaqya 45:19

Anu dibuk tan ikkel sin lih mayaabinniyo; abam faxam siinik maaqurinniyo. Yaqkuubuk rade marak, ‹Yoo akah gorrisa› excem foyya hinna. Anu YALLAAY; edde yaabam, numma le yaaba. Cakki baxxaqqa haa Dagelta kinniyo» 'yaanam iyyah yan.

Yasaqya 45:24

‹Cakkik tan maqaane kee cayla YALLAL geytimta› 'yaanam axceloonuh; YALLA fan amma axcelon. Yallal saduh yan mara kaxxa qaybi abbixele.

Yasaqya 50:8

Anu Yalla xaqut liyooh; umaamat ase wee numuy qellat baahe wee kinniyom, Yalli isih yok aybulleele. Tu yok waytam sugay iyya? Yok tu waytah, tastikiyem, maa maraay? Talliilem iyyaay? Wayto yok waa mari yenek, nee beyoonay cokmi-buxah.

Yasaqya 53:11

Ganditeh biyaakite'mmay a biyak kaat akah yekkem, foyya hinnam aaxigele. Toh aaxaguk ruffa axcele. Yi naqasuy qadaalat le isi ixxigat mango marah cakki geeleh bahsiisele. Woo mari abeh suge umaane isil akkuqeleeh, beele.

Yasaqya 60:19

Ahaysa laqo ayroh ifut faxxu waytam mantu; bari kaadu alsah ifut faxu waam mali. Yoo YALLI way-baruge-sinni-ifu koh akkele; nabna ku Dageltak geetto.

Yasaqya 60:21

Ummatta cakkik-tan-taamah taamitele; baaxo kulli way kenim akkele. Liyoh an qax-maqaane keenil elle tambulle'gidih, ken bicisseeh ken daabissem yoo.

Yasaqya 61:9

Baadal tan ummattah addal, migaq le mara akkelon. Ken yable mari YALLIH barkat gee mara kinnoonum keenik aaxigelon.

Yasaqya 65:23

Cawal keenik mafoyyaata; abeenim foyya matakka. Macabaaritta, ken xaylo; anu barkat keenit heeyyo. Ken samad barkattoyseyyo.

Yasaqya 65:9

Yaqkuubuk rade yi marat, Yuudâ-kedok rade marat niqmat heeyyo; xaylo aceeyyo. Qaleela mango yi rasu ikoytah keenih aceeyyo. Inni maray innih doore dabqih too rasul hee liyo. Yi naqoosa elle sugele.

Ermiyaas 33:16

Too saaku Yuudâ-mari waddiimeleeh, Yarusalaam magaalal yan mari amaanah xiinele. Yarusalaam magaala migaaqah too saaku, ‹YALLAY Cakki neh Yekke› 'yaanam deqsitele.

Ermiyaas 4:2

gitah tanim taamitak, baguuk YALLAY waarahiyyah migaaqal xiibitteenik, tonnal ummatta inkih, ‹Yallaw, barkat net hay› yok axceloonuuh; yoo fayliselon» iyyah yan.