Yasaqya 45:13 - NABUWWA KEE MALIKWA

¹³ Kooris ugussem yooy; akah ugsem, gital tanim aba'gidi. Innih faxam kay gabat absiisa'gidih kaa ugse. Usuk edde gexxa 'ya gita missoyseyyo; yi maray seewah beenihiyya usuk gacsele. Yarusalaamay yi magaala kinnihiyya nammay haak xisele. Tah aba'gidih, tu kaah maacinniyooy; ah aba iyyeh guqul kaah yecee mari mayan. Tahat yabtam yoo YALLAY Nabaamak Nabahiyya» 'yaanam iyyah yan.

Yasaqya 45:13 ပူးပေါင်းရင်းမြစ်များ

Qedra 1:3

Kay ummattak, Yalli sin lih yanay! Tonna'mmay Yarusalaam fan gexxa xicay, YALLAY Israayil doore Dagelta kinnihiyyay Yarusalaam magaalal yanihiyya luk suge qari nammeyhaak xissaanamah idni siinih acee.

Yasaqya 13:17

YALLI kaadu iyyeemih, «Baabelon yabbixeeni'gidih, Meediyah-maray lakqot tu wee waah dahab yeceenimih ayra oggole waahiyya keenit ruubeyyo.

Yasaqya 14:17

Aham magaalooli bayisak sugeeh inkih tan baaxo abuur abe num hinnaa? Aham yoxen mara casbik awqe kalak sugeeh buxa gexe kalak suge num hinnaa?› axcuk sitta esserelon.

Yasaqya 41:2

«Qeebil yaysu waa num ayrô-mawqa le kabuk bahtem iyyaay? Isi taama aba'gidih, qadaalatat kaa bahtem iyyaay? Amoytit kee ummatak iisa kaa geysissem Yalla. Qeebil seefit ken selele. Caaco caffa duufut elle beyta'nnal, siisa ken abeleeh; gaysê-baxat ken selele.

Yasaqya 41:25

Tonna'mmay kilbatak num ugseh aniih; too num amaatele. Ayrô-mawqa le kabuk, yi migaq fayya haa'gidih, amaatele. Too num baaxok abbobtih yan marat, kalla arqusan waqdi kallat elle yaaqiten innal, keenit aaqitele. Buuti kallak bicsa num woo kalla arqusa waqdi elle yaaqite'nnah, keenit aaqitele.

Yasaqya 42:6

Yoo YALLA koh sectam; kooy yi naqasuh yanihiyyah qadaalatat seecah an. Ko'lih aneyyooh; koo dacriseyyooh; ummat lih qahdi koo le kabuk heeyyo. Baadal tan ummattah ifu koo abeyyo.

Yasaqya 44:28

Kooris deqsita numih giddinaamak, ‹Usuk yi aftok baaxo xiinisele› 'yaanam axce. ‹Anu aba kaak axcem abele. Yarusalaam magaala nammayhaak akah xissinta innah amri aceele. Yallih Qibaadah-Qarih-rakiibo xisele› 'yaanam axce» iyye.

Yasaqya 45:2

YALLI Koorisik iyyamaa, «Gita anu innih koh bicseyyo; qaleela booxa koh abeyyo. Nacaasak bicsen afoofih alif butukku koh heeyyo; oson alifit tabtabbih heen biriita butukku koh heeyyo.

Yasaqya 46:11

Ayrô-mawqa le kabuk qawita ceela numuh seecah an. Too num xer baaxok kaxxa dadah abak amaatele. Anu abam faxam kay gabat bicseyyo. Taham akkeleemit yaabeh ani'mmay fanat mayseeda.

Yasaqya 49:25

Takkay immay YALLI, «Toh tekkeemi» 'yaanam iyya. «Sin lih aaminnaan mara lih anu aameyyo. Qaskar gabat yan casbi mari asillimele. Racmatta sinni malik seewah orbisem gabak kaak kalelon. Sin xaylo umaanek anu cateyyo.

Yasaqya 52:5

A saaku kaadu tonnah tanim siinit tekke. Seewah been marah tantoonuuh, wohul yeexegen lakqo matana. Sin amol reedah yan mari yol tirtirisaah, ‹Nanu abnu waynaamow› iyyan. Inkih tan ayro yoo xaafak assan.

Miika 4:10

Yarusalaam maraw, iihisa. Xalay edde xayyoowe barrah innah emreqeeqeda. Ahaysa magaalak awqettoonuuh, booxak bagul dabaaqah gacetton. Baabelon rasu sin beeloonuuh; tokkel cattiimetton. YALLI too rasul naqboytiitik sin wadele.