Yasaqya 45:11 - NABUWWA KEE MALIKWA

¹¹ YALLAY sin gine siinik iyyam le. Israayil doore Dageltay kudduusuk yani iyyamaa: «Sarra takku waytam elle takke inna kee yi xayloh giddinaamak, num tu yoo essere waay. ‹Ah abaay woh ab› yok maxcina.

Yasaqya 45:11 ပူးပေါင်းရင်းမြစ်များ

Yasaqya 19:25

YALLAY Nabaamak Nabahiyya barkat keenit heeleeh, keenik iyyu waamah, «Masri maraw, yi mara kinnitoonuuh; Assuuriyah maraw, yi gabah taama kinniton. Israayil maraw, isin kaadu yi ikoyta kinniton» keenik axceleeh, barkat keenit heele.

Yasaqya 29:23

Macaay inteenik, anu siinih acee xaylo tabloonu waytan waqdi yoo aqbudetton. Yaqkuub doore Dageltay kudduusuk-yani kinniyom yok aaxigetton. Yi migaq aynabetton. Yi meysi xagarat siinik culele.

Yasaqya 43:1

Tonna'mmay ta saaku hay, YALLI siinik iyyam le; Israayiley, sin yuklukeeh inki mara sin abe Dagelti siinik iyyam le. Toh macaay inteenik, «Sin waddem yook, mameysitina. Migaaqal siinih seeceeh; yi mara kinniton.

Yasaqya 43:15

Israayil ummatey, anu YALLAY *kudduusuk yan sin Dagelta kinniyo. Inkittu sin abeeh, sin malik kinniyo» iyya.

Yasaqya 43:21

Ta mara anu inni caagidih gine. Yi fayla abu waa mara yakkeeni'gidih, ken gine» iyyah yan.

Yasaqya 43:3

Macaay inteenik, YALLAY sin Dagelta kinniih sin wadahiyya yoo. Israayil doore Dageltay *Kudduusuk yanihiyya yoo. Isin currih tawqeeni'gidih, Masri-mara sin gidyatah ecee. Kuus kee Saba sin aftok ecee.

Yasaqya 43:7

Yi migaaqal yaaxigen maray anu uklukeeh yoo yaynabeeni'gidih akah ginehiyya inkih gacseyyo» iyye.

Yasaqya 44:2

YALLAY sin yuklukeeh ina bagut sin giney sin catahiyya siinik iyyam le. Siinik iyyamaa: «Yaqkuubuk rade maraw, mameysitinaay, yi naqoosa kinniton. Kiciyyo maray anu doorehiyya kinniton.

Yasaqya 45:10

Abbak baxi, «Annal macah yoo xalte» iyyam bictam kinnii? Hay, inak woh iyyam kaadu bictam maay kinni? Bictam hinna. Isi xaleenak toh iyya numow, kum tekkem ixig.

Yasaqya 48:17

YALLAY sin wadahiyya iyyam le. Israayil doore Dageltay *Kudduusuk yani siinik iyyamaa: «Anu YALLAAY; sin Dagelta kinniyo; Sin taagah meqe gita sin yaybulleeh, edde gexxan gita siinih ascasse.

Yasaqya 54:5

Macaay intek, baqli innah koo dacrissam, koo gine Dagelta; YALLAY Nabaamak Nabahiyyah tanim kaa. Koo waddam, Israayil doore Dageltay kudduusuk yanihiyya; inkih tan addunya xiinissam kaa.

Yasaqya 60:21

Ummatta cakkik-tan-taamah taamitele; baaxo kulli way kenim akkele. Liyoh an qax-maqaane keenil elle tambulle'gidih, ken bicisseeh ken daabissem yoo.

Yasaqya 63:16

Ni abba koo. Ni kaxxa abbobti Abraahim kee Israayil nee maaxaginna. Takkay immay YALLAW, ni abbay kulli way nee wada kinnito.

Yasaqya 64:8

Takkay immay YALLAW, atu nek abba kinnito. Nanu kallaay; atu kallak buuti bicsa numih bis lito; nakkeemik ku gabah taama kinnino.

Yasaqya 8:19

Takkay immay sahda, «Ramli qida mara kee kalluwalley tutuc intak xaagu aba» siinik intu wayta waqdi, isin, «Xaagu kalluwallek abtaanamak, Yallak macah abe waytan? Yan marih xaagu rabe marih roocik macah abtan?» 'yaanam keenik axcetton.

Ermiyaas 3:19

«Israayil-maraw, anu inni bagul, baxi gurrah sin loowitam faxak suge. Addunyal inkih qaxah tayse baaxoy ruffa sin haytahiyya siinih aceem faxak suge. Abbâ-gurrah yoo loowittaanam siinik faxe. Yot darre cabe waytaanam siinik faxe.

Ermiyaas 31:1

YALLI iyyemii, «Too dabaanal Israayilik radde kedooda yi mara akkeloonuuh, anu amo keenik wagta Dagelta keenih akkeyyo. Tah intam yoo YALLA» 'yaanam iyye.

Ermiyaas 31:9

Namma intik ximo keenik amaatuk aduurelon. Anu ken miraacisa way dooqa abak amaatelon. Gitah darah gexxa leek xaqut-xaqut ken beeyyo. Saytun gitay adaf sinnihiyyat ken beeyyo. Toh keenih akah abu waam, Israayil marak abba kinniyooh; Efrayim yol naharsi-baxih gide» 'yaanam iyye.

Ermiyaas 33:3

Yoh sec. Yoh secta way, seeco kok aabbeyyo. Kaxxa assakat leemiy aaxige waytay qagabah tanihiyya koo aybulleeyyo.

Yacedkel 36:37

YALLAY Mulki lehiyya iyyeemih, «Israayil mari ahak sarra cato yol essereleeh, too waqdi illi innah ken aymaggeyyo.

Yacedkel 39:7

Yi migaaqay taahirik yani Israayil ummatay yi ummatah tanihiyyah addal akah yamixxige'nnah abeyyo. Tahak wadir ceele-waa migaq yoh abaanam maqansiisa. Tohuk wadir gersi baaxol yan mari inkih, anu Israayil rasul taahirik yan Dagelta kinniyom yok aaxigelon.

Daaniyel 2:18

Keenik iyyeemih, «Nee kee kalah tan tu-taaxago cattimna'gidih, Yalli a soonoh maqna nee yayballayuh, qaraanal yan Yalla kallaca» keenik iyye.

Hosiqa 1:10

YALLI iyyeemih, «Takkay immay Israayil mari loowo akak duudume waytah gide akkeloonuuh; mangah baddi-afih qiddeh gide akkelon. Anu, ‹Yi mara hinniton› keenik elle exce ikkel, wadir inni mara ken abeyyooh, Yallay waarahiyyah xaylo akkelon.

Hosiqa 12:4

Malaykattu lih abe giclol malaykattuk yeyseh. Tohuk lakal weeqeeh, barkat kaal essere. Beetalal deqsita aracal, YALLI ni kaxxa abba Yaqkuubul yemeeteeh, kaa'lih yaabe.

Yoosuwa 10:12

Too ayro YALLI Israayil mara Amoorâ-marak yiysiise waqdi, Yoosuwa YALLA lih yaabeeh; Israayil mari elle yani'kkel iyyemii, «Ayroy, Gibqon magaalah amol idiy. Alsay, Ayyaalon dorrih amol idiy» iyye.

Makaabon 16:23

Filistiin malikwa yallah loonumuy migaaqah Dagon akak iyyaanahiyyah kaxxa sadgat abaana'gidiiy woo ayro yassakaxxeeni'gidih, inkih aracal gaaboowen. Too waqdi qadar abeeniih woo qadarah iyyeenimih, «Ni yalli naqboytah suge numuk nee yiysiiseh» iyyen.