Yasaqya 44:8 - NABUWWA KEE MALIKWA

⁸ Takkay immay yi ummatey, isin mameysitinaay cunxo sin abbixe waytay. Dumaak siinih warseeh, sin oysoobbeemil yi sumaq siini. Yok sa Yalli maay yan? Mayan. Anu aabbe wee yallay reebu sinaamah yakkehiyya mayan» iyyah yan.

Yasaqya 44:8 ပူးပေါင်းရင်းမြစ်များ

2 Samuwel 22:32

Naamine YALLAK sah gersi Yalli mayan. Nee dacrissam Yalla; kaak sa reebu mannu.

Qedra 1:2

Too warkat axcuk yeneemih, «A warkatal yan amri taceem, yooy Kooris migaq leeh, Fursi-malik kinnihiyya. YALLAY qaraanal yan Dagelta kinnihiyya inkih yan baadak abba yoo abeeh; Yuudâ-rasuk Yarusalaam magaalal kay Qibaadah-Qari xisaamih abbootan yoh yecee.

Qedra 8:22

Kaadu keenik exceemih, «Anu dumah yan saaku Malikik, ‹Ni Dagelti isil yaamine marat barkat haah, darre isit caba mara fan mawagitaay, ken digaalah› 'yaanam exceh sugeemih sabbatah, sarra qaskaray faaris amok qeebi abtahiyya gital umeynitik nee dacrissa'gidih ‹Neh ucuya› 'yaanam, malikik axcem wacarriy yol tekke» exce.

Yasaqya 17:10

Toh macah sabbatah akkeleemih inteenik, Yallay, kaxxa qale akah eleelitan innah aleelo siinih yakkeeh sin wadahiyya, hawwenteenih. Kaa cabba hayteenih, taahirik yan cooxu axcuk, isinni gabak coox tuysubukeenih, marin baaxok baahen coox tuysubuken.

Yasaqya 26:4

YALLIH dacayri daayiman tan; daayiman amo nek wagtele. Kulli waqdi YALLA naaminay, YALLAL eemena; kibaal kaal haa.

Yasaqya 30:29

Takkay immay Yallih ummatey, isin ruffa axcetton. Qiddi bar abak yenen saare abetton. YALLA elle yaqbuden qalel, YALLA saarissaana'gidih, fooxima gabat luk tawqen waqdi, farcatah yassallen inna assalletton. Israayil-ummat dacrisa Dageltih-qale yamaate mari farcatah yassalle inna assalle lon.

Yasaqya 41:23

Hay, yalla kinnitoonum siinik elle naaxaguh, ‹Sarra takku waytam neh warisa› keenik inxicay. Umam takkuu, meqem takku, siinik meysinna'gidih, ‹Tuk teena abay› keenik inxicay.

Yasaqya 42:9

Duma edde yaabeeh, akkele akak excem tekkeh tan. Taway sarra takku waytam, takkeemik dumal edde yaabe» 'yaanam YALLI iyye.

Yasaqya 43:10

YALLI iyyemii, «Yoo taaxigeeni'gidiiy yol taamineeni'gidiiy Yalli dibuk yoo kinniimih sumaq takkeeni'gidih, sin dooreeh inni naqoosa sin abe. Qimbooy ellecabo mayyuuy, tohoysa yok sa Yalli mayan.

Yasaqya 43:11

YALLI dibuk yooy; yok kalah Yalli mayan; yok sah wadoot akak geytan Yalli mayan.

Yasaqya 43:12

Takku waytam naharal elle siinih warseeh; toh tekke saaku, wadootuh siinih temeeteeh sin waddem yooy; tohum inkih toysoobbem yoo ikkal, ama sinam taqbude duyyey gabak bicseenihiyya hinna. Tonnal, yok sa Yalli ane waamah sumaq yok siini» 'yaanam iyye.

Yasaqya 43:9

Baadal tan ummatta inkih gaaboyseeh doolatwa tittal kobxisse. Too waqdi keenik iyyaamah: ‹Sugay ama isin yalla akak intan duyyey taqbudeenihiyyah addat sarra takku waytam naharal siinih warissem iyya?› inxicay ken esseray. ‹Taham akkele inneh neneeh tohum tekkeh› akak iyyaanam tenek, ‹Naabbu waynak neh warisa› keenik inxicay! Toh nummak sugtek, ‹Aleey oson yallah loonum nummat yabtah tan!› axcenno» 'yaanam iyye.

Yasaqya 44:2

YALLAY sin yuklukeeh ina bagut sin giney sin catahiyya siinik iyyam le. Siinik iyyamaa: «Yaqkuubuk rade maraw, mameysitinaay, yi naqoosa kinniton. Kiciyyo maray anu doorehiyya kinniton.

Yasaqya 44:6

YALLAY Nabaamak Nabaah Israayil ummat wade malikik yanihiyya iyyamaa: «Qimbo yooy ellecabo yoo; yok sah Yalli mayan.

Yasaqya 45:19

Anu dibuk tan ikkel sin lih mayaabinniyo; abam faxam siinik maaqurinniyo. Yaqkuubuk rade marak, ‹Yoo akah gorrisa› excem foyya hinna. Anu YALLAAY; edde yaabam, numma le yaaba. Cakki baxxaqqa haa Dagelta kinniyo» 'yaanam iyyah yan.

Yasaqya 46:9

Dumî dabaanal tekkem kassa mahaytaana? Toh kassa haay, yok sa Yalli mayanam ixiga. Yook sah yi bis lem matana.

Yasaqya 48:3

«Takku waytam xer dabaanal elle warseh sugeeh, akkele akah exce'nnah tekke. Tohum, garciik cube waan waqdi, akah takke'nnah abeeh, tekkeh.

Yasaqya 48:5

Tohuk gexxaamah aham takku waytaamat dumaak yaabeh suge. Tohumu, takkeemik dumal naharal akah yaabem, ‹Ah amrisseeh neh abtem, nanu naqbude duyye› axce waytaana'gidi.

Ermiyaas 10:7

Inkih tan ummatih Malikow! Nabna koh taguudek, koo assakaxxe waytam iyyaay? Addunyal kasah dareeman mara kee addunyal tan reeda le malikwak inkih ku bis lem matan.

Daaniyel 2:28

Takkay immay Yallay qaraanal yanihiyya sirrih tanim yableeh yaybulle. Yalli, atu xiinit sugte waqdi, sarra yan saaku takku waytam koo yuybulleeh yan. Tublem aham teeti:

Daaniyel 2:47

Tohuk lakal kaadu iyyemii, «Ku Dagelti yallittek naba Dageltaay; malikwâ Malik kinnih; sirrih tanim taybulleem kaa» iyye. «Woh elle aaxigem, sirrih taniimik adda yoh warisseh» kaak iyye.

Daaniyel 4:25

Sahdak koo baxseloonuuh; alluwwa lih dabqih gacetto. Malcina sanatih gide laahi innah qayso akamuk, gubbik bagul xiinetto. Qaraanak ooba naafi xagar kok arqusele. Too waqdi sahdayti le abbootan tamlikem, Yallay inkih daga raaqahiyya kinnim aaxigettooh, tet kaadu isih faxe marah yacayu waam aaxigetto.

Daaniyel 6:22

Yi Dagelti a lubooka tu yol baahe wayta'gidih, af keenik taxee malayka ruube. Yalli woh akah abem, anu qellat baahe weeh kol umaamat ase weem aaxaguk yeneemih sabbata, malikow» kaak iyye.

Ayyuqel 2:27

Too saaku Israayil maraw, sin lih aniyom yok aaxigetton. Anu YALLA kinniyooh, sin Dagelta kinniyom aaxigetton. Yok sa Yalla alle waytaanam aaxigetton. Ahaysa sinam sin mabursutta.

1 Samuwel 2:2

YALLAY taahirik yanik sah yalli mayan. YALLIH bis lem matan. Nee dacrissam Yalla; kaak sa reebu mannu.