Yasaqya 44:6 - NABUWWA KEE MALIKWA

⁶ YALLAY Nabaamak Nabaah Israayil ummat wade malikik yanihiyya iyyamaa: «Qimbo yooy ellecabo yoo; yok sah Yalli mayan.

Yasaqya 44:6 ပူးပေါင်းရင်းမြစ်များ

Yasaqya 33:22

YALLI ni cokmaabe; madqa isih neh yayyaaqe. Ni malik kaa; nee waddu waytam kaa.

Yasaqya 37:16

«YALLAW, Israayil dooreh, Nabaamak Naba Dageltaw, ku dardaarinnih korsi galwa leemik daga raqta. Addunya xiinissam kooy; kook sah Yalli mayan. Qaran kee baaxo gintem koo.

Yasaqya 37:20

Tonna'mmay ta saaku YALLAW, ni Dageltaw, ta numih gabat rade nee kal. Ta numih gabak nee teyyeeqek, kok sa YALLAW, Yalli ane waam, baadal tan doolatwa inkih aaxigele» 'yaanam dooqah iyye.

Yasaqya 40:18

Yallat missowtam maay tani? Yallih ceelo iyyi yaaxige? «Anna ceela, woo gurral yan» intu duddah, intam iyya?

Yasaqya 41:14

Yalli iyyemii: «Israayil ummatey, qunxaah boola le marah tantoonum siinik aaxigeh immay cato akak geytaanam, yooy kudduusuk yan sin Dagelta kinnihiyya kinnuk, mameysitina. Sin wadeeni, yooy kudduusuk yan sin Dagelta kinni.

Yasaqya 41:21

YALLAY Yaqkuub-Malikih-yani, gabak bicsen duyye yaqbude marak iyyemii; «Intaanam faxxaanamat marô-foocal yaabay! Sumaaqah litoonum uybulluyay!

Yasaqya 41:4

Taham inkih abteeh absissem iyyay? Sahdayti abto tamlikem iyyay? Toh yoo YALLA. Anu inki anyoh; qimbo yooy, ellecabol kaadu aneyyo.

Yasaqya 42:8

Yalli kaadu tonnah iyyemii; «Anu YALLA kinniyo; YALLI yi migaaqa. Inni nabna faxinnaanimit tabsa Dagelta hinniyo; Innih liyo fayla xeet kee cooxuk bicissa heenimiy yaqbudeenihiyyah yacee Dagelta hinniyo.

Yasaqya 43:1

Tonna'mmay ta saaku hay, YALLI siinik iyyam le; Israayiley, sin yuklukeeh inki mara sin abe Dagelti siinik iyyam le. Toh macaay inteenik, «Sin waddem yook, mameysitina. Migaaqal siinih seeceeh; yi mara kinniton.

Yasaqya 43:9

Baadal tan ummatta inkih gaaboyseeh doolatwa tittal kobxisse. Too waqdi keenik iyyaamah: ‹Sugay ama isin yalla akak intan duyyey taqbudeenihiyyah addat sarra takku waytam naharal siinih warissem iyya?› inxicay ken esseray. ‹Taham akkele inneh neneeh tohum tekkeh› akak iyyaanam tenek, ‹Naabbu waynak neh warisa› keenik inxicay! Toh nummak sugtek, ‹Aleey oson yallah loonum nummat yabtah tan!› axcenno» 'yaanam iyye.

Yasaqya 44:24

YALLAY qimbol sin gineeh sin wadehiyya kaadu iyyemii: «YALLI yooy; kullim tuklukem yoo. Mango qaran fidissem dibuk yoo. Baaxo gine saaku num yo'lih masuginna.

Yasaqya 44:8

Takkay immay yi ummatey, isin mameysitinaay cunxo sin abbixe waytay. Dumaak siinih warseeh, sin oysoobbeemil yi sumaq siini. Yok sa Yalli maay yan? Mayan. Anu aabbe wee yallay reebu sinaamah yakkehiyya mayan» iyyah yan.

Yasaqya 48:12

YALLI kaadu qagseh iyyemii, «Isin Israayil maray anu akah seecehiyyak, yoo ankacisa. Anu inki anyoh; Qimbo yooy ellecabo yoo.

Yasaqya 48:17

YALLAY sin wadahiyya iyyam le. Israayil doore Dageltay *Kudduusuk yani siinik iyyamaa: «Anu YALLAAY; sin Dagelta kinniyo; Sin taagah meqe gita sin yaybulleeh, edde gexxan gita siinih ascasse.

Yasaqya 54:5

Macaay intek, baqli innah koo dacrissam, koo gine Dagelta; YALLAY Nabaamak Nabahiyyah tanim kaa. Koo waddam, Israayil doore Dageltay kudduusuk yanihiyya; inkih tan addunya xiinissam kaa.

Yasaqya 59:20

YALLI iyyaamah, «Dambik toobite marah kalalu kee cato yakke'gidih, wadeeni Siyon fan amaatele» iyya.

Yasaqya 63:16

Ni abba koo. Ni kaxxa abbobti Abraahim kee Israayil nee maaxaginna. Takkay immay YALLAW, ni abbay kulli way nee wada kinnito.

Ermiyaas 10:1

Israayil maraw, YALLI siinik iyyam oobbeya.

Ermiyaas 50:34

Takkay immay ken cattu waytam, inki celemi. Maa celemiiy inteenik, YALLAY Nabaamak Nabahiyya. Keenit tekkeemih adda isih wagtele. Baabelon mara amaan waysiisele'mmay, gersi mara inkih amaanah xiinisele» iyye.

Malaaki 1:14

Yi sadgatah yaguude nagay yan lac allih, ‹Too lac sadgatah aceeyyo› axcuk, xagana yoh culek sarra, ayma le saq baahaah yoo duquurusam yakkale numul yi abaaro oobele. Addunyâ-malik yooy; baadal tan ummat inkih yok meysitta. Tah intam yoo YALLAY Nabaamak Nabahiyya» iyye.