Yasaqya 44:3 - NABUWWA KEE MALIKWA

³ Macaay inteenik, bakaaritte baaxo allaggoyseyyo; kafinuk sugte baaxol lee darah ruubeyyo. Sin xaylol inni Roocaaniyya oobiseyyo; siinik radda 'ye marat barkat heeyyo.

Yasaqya 44:3 ပူးပေါင်းရင်းမြစ်များ

Yasaqya 27:3

«YALLI qinab-caxak iyyam le: ‹Qinabak dacayri anu abeyyo; amo teetik anu wagteyyo. Fiiruk geerah leek tet afqeyyo. Naqboyti gabak dacriseyyo. Bar kee laqoh tet dacriseyyo.

Yasaqya 32:15

Takkay immay sarra yan saaku, *Yallih-Roocaaniyya baaxol oobeleeh, bacarih tan baaxo baqurê-baaxo akkele. Baaxol niqmat gaceleeh mango murti orbele.

Yasaqya 32:2

Keenik kulli num caacok edde rebsiman reebu akkele. Kaxxa roobuk edde yaggarren reebu akkele. Bakarroytal geen darah gexxa leeh bis aallele. Caxa-sinniih reebu-sinni bacarik-bagul, silal le boolok baguk radda iraawoh bis aallelon.

Yasaqya 41:17

«Tu maleela kee masaakiina yaaquben leeh goranat gacta'mmay mageyan. Katla keenik bakaarah kaffa 'te'mmay yoh seecan waqdi, too bakaarak yooy YALLAH yani ken wadele. Yooy Israayil doore Dagelta kinnihiyya gibdaabina kee gadaamal ken macaba.

Yasaqya 48:19

Ramad siinik mangah baddi afih qiddeh gide akkuk yen. Migaq siinik baye maraarinnaay, baye haak mananniyo» iyye.

Yasaqya 48:21

YALLI isi ummatta bakarroytay lee sinnihiyyal bee saaku, bakaariti ken mahanna. Lee xixxaqak baguk keenih yeyyeeqe. Xixxaq namma ikkel heeh, too waqdi lee akak tewqe.

Yasaqya 49:10

Mabakaaritaanaay maqululan. Wahari le caacay kee ayrô-dahan ken mabiyaaka. Macaay inteenik, yoo YALLAY ken kicnahiyya foocat gacca 'yeh ken beeyyo; lee le buyyi fan ken beeyyo.

Yasaqya 55:1

YALLI iyyaamah, «Kee, bakar le maraw, lee akkel tanik, ama. Kee, lakqo sinni maraw, amay gaqambo gee liton; akuma. Amay, qinabak bicsen kamri kee can, limo sinnim gee liton; aquba.

Yasaqya 59:21

YALLI qagseh iyyaamah, «Dambik toobite mara lih haa qahdi ah kaana: inni baritto kee inni Roocaaniyya kot haa. Tonna leemiik tahak wadir ellecaboh ayro fanah, kooy ku xaylo kee keenik radu waa mara kaadu yi baritto oggolettoonuh, barsetton. Taham intam yoo YALLA» iyyah yan.

Yasaqya 61:9

Baadal tan ummattah addal, migaq le mara akkelon. Ken yable mari YALLIH barkat gee mara kinnoonum keenik aaxigelon.

Yasaqya 65:23

Cawal keenik mafoyyaata; abeenim foyya matakka. Macabaaritta, ken xaylo; anu barkat keenit heeyyo. Ken samad barkattoyseyyo.

Yacedkel 34:26

YALLI kaadu qagseh iyyeemih, «Barkat keenit heeyyooh yi qaleelay taahirih tanih xaqul dabaaqah ken heeyyo. Tokkel faxxiima uddur rob keenih ruubeyyooh, niqmat keenil oobiseyyo.

Yacedkel 36:27

Inni Roocaaniyya siinit heeyyo. Siinil ecee amri kee madqa duudusa mara sin abeyyo.

Yacedkel 39:29

Israayil marat inni Roocaaniyya heeyyo. Tahak wadir darre keenit macaba. Tahat yabtam yoo YALLAY Mulki lehiyya» iyye.

Yacedkel 47:8

Too waqdi yok iyyeemih, «A weeqayti ayrô-mawqa le kabuuk addah Ordon weeqaytu fan ooba. Tokkeek Rabe Bad deqsita bad fanah ooba. Rabe Bad fanah ooba waqdi, woo bad luk sugeh yan qasbo cabaah badliitah maraaqa.

Hosiqa 10:12

Qusba baaxo ubquruta keenik exce. Cakki ubquray, maqaane orbisita. Yoo sin YALLA fanah edde aduureh meqe wakti a saaku'mmay yol uduura. Yol tuduureenik, barkat siinit heeyyo» 'yaanam siinik iyye.

Ayyuqel 2:27

Too saaku Israayil maraw, sin lih aniyom yok aaxigetton. Anu YALLA kinniyooh, sin Dagelta kinniyom aaxigetton. Yok sa Yalla alle waytaanam aaxigetton. Ahaysa sinam sin mabursutta.

Ayyuqel 2:28

«Sarrak kulli maral inni Roocaaniyya oobiseyyo. Siinik lab-xaylo kee say-xaylo yi farmo sinaamah warsele. Idoola siinik soono sooniteleeh; furrayna siinik sirri innah tanim ablele.

Ayyuqel 3:1

YALLI iyyaamah, «Too ayroorah addat, Israayil kee Yuudâ marah luk sugen gaddaliino gacseyyo.

Ayyuqel 3:18

Too ayrooral qaleeli qinab cooxuk amaggele; laahi kulli qaleelal aloolele; Yuudâ baaxol inkih yan sanat buyitte racele. Yallih Qibaadah-Qarik obta lee Tikible Golol darah oobele.

Miika 5:7

Marin baaxooxal, mango marih addat yan Israayil maray saaboh raaqehiyya, YALLI ruuba naafi qayso akah doogisa innah, too marah tonnah doogiselon. Yalli ruuba rob coox akah doogisa innah doogiselon. Keenik dariifal yan mari barkat keenik geele. YALLA akke waytek sahdal kibaal mahannon.

Zakariyya 12:10

«Dawuduk rade mara kee Yarusalaam marat racmatta tacee roocaaniyya heeyyo. Dooqa ken absissa roocaaniyya keenit heeyyo. Yooy mudeenihiyya wagtoonu waan waqdi, inki baxa xale num woo baxih rabah rookah yassaalle'nna assaallelon. Naharsi-baxi akak rabe num kaxxa weeqah elle weeqa'nnal weeqelon.