Yasaqya 44:23 - NABUWWA KEE MALIKWA

²³ YALLI isi taama abeh yanik, qaraanow ifric; ifricay qililis. Baaxoy kaadu ifricay qililis. Qaleela kee garbol yooboke cooxow, ifricay qililisa. YALLI Israayil ummat wadeh; isi qax-maqaane Israayil ummattat aybulleele.

Yasaqya 44:23 ပူးပေါင်းရင်းမြစ်များ

1 Aydaad 16:31

Qaran kee baaxoy ifric; tassa xic! YALLI malik kinnim baxxaqisaay, kulli baaxol yan marah warisa.

1 Aydaad 16:32

Bad kee rooci leemiy badal tanik, ifrica isin, qililisa farcih. Buqre-aba buqre elle abtah tan baaxooy tet bagul geytintaamak kaadu inkih, isin tassa xicaay ruffa xica.

1 Aydaad 16:33

YALLI baad xiinisuh amaatele. Xiinisa'gidih yamaatu waa ayro, garbo kee coox inkih qililsele.

Yasaqya 12:5

Usuk abe kaxxa taamah YALLA faylisa; saarisa. Muxxo le Yallih abina inkih yan baad oysobbeya.

Yasaqya 26:15

Ni baaxo kaxxa rasuh hayte; YALLAW, tet kaxxa rasuh hayte. Baaxo dumak baguh teymeggeh. YALLAW, atu litoh tan nabna, baadal doolatwa takkeemik, aaxaguk maacisele, YALLAW.

Yasaqya 43:1

Tonna'mmay ta saaku hay, YALLI siinik iyyam le; Israayiley, sin yuklukeeh inki mara sin abe Dagelti siinik iyyam le. Toh macaay inteenik, «Sin waddem yook, mameysitina. Migaaqal siinih seeceeh; yi mara kinniton.

Yasaqya 43:7

Yi migaaqal yaaxigen maray anu uklukeeh yoo yaynabeeni'gidih akah ginehiyya inkih gacseyyo» iyye.

Yasaqya 46:13

Anu akah exce innah, cakki edde geytimu waa ayro xayih. Yi wadu baahu waa ayro xayih. Yarusalaam edde wadu waa ayro xayih. Israayil ummatah yi qax-maqaane aceeyyo» iyyah yan.

Yasaqya 49:13

Qaraanow, farcatah qililis; baaxoy, wallit; qaleelay, ifricay qililisa! Macaay inteenik, YALLI isi marat niya heeh yanih, isi maray biyaakitahiyyah xuwaawe.

Yasaqya 49:3

Annah axcuk yo'lih yaabe; «Yim kinnito; yi naqasu. Ku migaq Israayil kinni; akah tantom, koo akah doorem, liyoh an qaxa-maqaane kol elle tambulle'gidi» 'yaanam axcuk yo'lih yaabe.

Yasaqya 52:9

YALLI isi magaala umaanek wadeh yaniih, isi ummattat niya heeh yanik, Yarusalaam magaalay abuuruh sugtek, away satta le gaditte ab.

Yasaqya 60:21

Ummatta cakkik-tan-taamah taamitele; baaxo kulli way kenim akkele. Liyoh an qax-maqaane keenil elle tambulle'gidih, ken bicisseeh ken daabissem yoo.

Yasaqya 61:3

Siyoonul yan maray rookitahiyyah rufto kee farci acee'gidiiy moyyat heen gombodih aftok, qaxa-le-kalabta haa'gidiiy arkaay niyâ-digloh aftok gad kee saare ken absiisa'gidih yoo ruube. A mari cakkit yan mara deqsiteloonuuh; YALLIH nabna kee qaxa yaybulleeni'gidih YALLI isih yuysubuke kaxxa cooxih innah gacelon.

Ermiyaas 31:11

YALLI, Israayil-mari away edde yan xixxibaanek ayyaaqele. Caylaleelâ-gabak ken ayyaaqele.

Ermiyaas 51:48

Qaran kee baaxo kee baaxoh addal tanim inkih, kilbat le kabuuk bayisak yamaate num Baabeloonut qeebi abah yablen waqdi, kaxxa ruftoh ruffa axcelon.

Yacedkel 35:14

«Tonna-leemiik yoo YALLAY Mulki lehiyya siinik axceemih, isin Israayil maray yok sah numtin mara akke waahiyyat kaxxa baati tekke saaku, farcatah akah gacca 'ten innah, anu kaadu inkih yan baad akah ifricca 'ya baati siinit abeyyo. Seeqir qaleela kee inkih yan Edom rasu num sinniih lac sinni bacarih tan baaxo abeyyo. Anu YALLA kinniyom too saaku kulli num aaxigele» iyye.

Yacedkel 36:1

Yalli iyyeemih, «Bani-adantow, Israayil qaleelat takku waytaamat yab. Yoo YALLAY Mulki lehiyya ken lih yaaba yab ankacisa keenik inxic. Israayil naqboytit kaxxiinat, ‹A qaleeli niimi› 'yaanam iyyen.

Yacedkel 36:8

yi Israayiliy, qaleela ayyuufa siinih baaheleeh, caxâ-miru siinih xalele. Ahaysa isinni baaxo xayuk gacetton.

Yacedkel 39:13

Woo baaxol enna 'ya mari woo raysa aaguqelon. Oson toh abeenimih sabbatah, yi nabna ayballayu waa ayrot, oson migaq geelon. Tahat yabtam yoo YALLAY Mulki lehiyya» iyye.