Yasaqya 44:13 - NABUWWA KEE MALIKWA

¹³ Yaqbuden ceelo caxxak bicsa num kaadu woo caxxa bahha haah yamittireeh elle yaysaroorocu waa aracat asta akak haa. Sarrak woo caxxa coox edde bicsan birtat missoysaah, sahdayti ceeloy qaxmeqehiyya akak bicsa. Tohuk lakal qarik addal haa.

Yasaqya 44:13 ပူးပေါင်းရင်းမြစ်များ

Yasaqya 41:7

Gaba naggaarinna le num dahab bicsa numuh aytikuma yecee. Yaqbuden ceelo gabah orra heeh yaysororooce num, bismaarat aatakuk tittat xakbisa numuk, ‹Meqe'nnal abtah tanik tama'nnal ab› 'yaanam iyya. Woo yaqbuden ceelo rade wayta'gidih, soolisaanaah bismaarat xakbisan.

Yasaqya 44:14

Too ceelo akak bicsaanam *sariidak yirgiqen caxxa akkiiy, *sublaytok yirgiqen caxxa akkiiy, wonna hinnay, saagantok bicsen caxxa akkek bicsan. Duyye bicsa num woo caxa doorru haah, meqe'nnal tambem fan qambaala. Ta cooxuy yaqbuden ceelo akak bicsaanahiyyak garabak naharak dariyyu qidda heenih taabukem fan qambaalaanam takkeh.

Yacedkel 8:10

Adda culeh wagte waqdi, gidaarak bagul Israayil mari yaqbude duyyeh tasaawiriiy, caraamak tan alluwwa kee, kalah kaadu, garbah baaxok bagul gexxa alluwwah tasaawir uble.

Yacedkel 8:11

Too saaku too duyye aqbuduk sugte Israayil idoola, Safán-Yaadanya deqsita num edde anuk, tokkel malcina-tabanih num akkuk yenen. Kulli num keenik qaydarus elle ruuban girgira gabat luk yen. Too girgiraarik qer awaquk yen.

Yacedkel 8:12

Too waqdi Yalli yok iyyeemih, «Ama Israayil idoola sirrit abta taama tablem hinna? Tasaawirik kibuk yan qarih addat duyye yaqbuden. Oson tah akah abaanam, ‹YALLI a baaxo cabeh ikkal, nanu sirrit abnam nek mayabla› 'yaanama» yok iyye.

Makaabon 18:24

«Yaa? Maca waytaanaa yok intaanaa? Sek kee bicsiteh an yallitte inkih yok beyten way, maca waytan mannal yok intan? Maca luk raaqeh?» 'yaanam keenik iyye.