Yasaqya 44:11 - NABUWWA KEE MALIKWA

¹¹ Yaqbuden duyye bicsa mara kee yaqbude mara inkih, qaybit radelon. Macaay inteenik, too duyye gabak bicsa mari, sahda kinnoonuh! Yakkeenimik amma 'yeenih abeenim nagay wagtoonay inxicay. Too waqdi, kaxxa cunxo keenit radeleeh, inkitanuuk qaybit radelon.

Yasaqya 44:11 ပူးပေါင်းရင်းမြစ်များ

1 Malikwa 18:40

Eliyyas too waqdi, «Baqal-nabuwwa ibbixaay baaha. Num keenik gexe kalay ken baaha» iyye. Ummatta woo nabuwwa inkih tibbixeeh; too waqdi Eliyyas, Kisyon-weeqaytu fan beyya ken heeh, weeqayti-garil ken qidsiise.

Yasaqya 1:29

Too saaku, Yallih aftok xeet kee cooxuk bicseenim elle taqbuden ikkel dooritten garsa kee bustaanat nadaamitetton.

Yasaqya 42:17

Xeet kee coox yaqbudeeh elle yeemeneeh; gabak bicsen duyyek, ‹Ni dageltit siini› iyya mari, qaybit radeleeh, kaxxa wacarriy ken abbixele.»

Yasaqya 44:9

Yallih aftoh yaqbuden duyye bicsa mari foyyâ-mara. Oson kaxxam ruffu edde iyyan duyye tuxxiq sinniimi. A duyyeh sumaaqita mari, tu aaxige waah tu'mabul sinni mara kinnon. Tonna-leemik tahamat wacarriye lon.

Yasaqya 45:16

Xeet kee cooxuk yaqbuden duyye bicsa mari ahat wacarriyak maacisele. Yakkeenimiik qaybit radelon.

Yasaqya 65:13

YALLAY Mulki le tah yubleeh too way tannah siinik iyya. «Yi naqoosa maqululta; faxeenim maaqok akmelon; siinih gactek qululetton. Yi naqoosay yoh taamitta leê-waytih mabakaaritta; siinih gactek bakaaretton. Yoh taamitta yi naqoosa ruffa axcele, tassa axcele; siinih gactek gamoometton; wacarriyih gamoometton.

Ermiyaas 10:14

Tah inkih abalih, sahda xangi maleelay tut rade wayta tekke. Yalla axcuk yaqbuden duyye dahabak bicsa mari wohut wacarriyele. Oson bicsan yalla akak iyyan duyye anqaasah elle rabaanam ikkal, rooci leeh ufuy lem hinna. Ta duyye deedala'kkalah, tu xiqtam hinnaay tanim hinna; Yallih digaala tamaate saaku, baatu wayta duyye.

Ermiyaas 51:17

Tah inkih abalih sahda xangi maleelay tut rade wayta tekke. Yalla axcuk yaqbuden duyye dahabak bicsa mari wohut wacarriyele. Oson bicsan yalla akak iyyan duyye anqaasah elle rabaanam ikkal, rooci leeh ufuy lem hinna.

Hosiqa 13:2

A saaku inkinnah woo umaanet bisoh gexak gexaanaah, isinni gabak lakqok bicsen duyye yaqbuden. Too duyye gabâ-naggaarinna keenik leh yan mari bicissa haah, sarrak yaqbudeenih. «A duyyeh sadgat aba» iyyan. Laahi ceeloy gabak bicseenihiyya fugtan! Sahdayti isi gabak bicse ceelo wadir mannal fuguta?