Yasaqya 43:28 - NABUWWA KEE MALIKWA

²⁸ Tonna leemiik yi marak abbobtih yan mara qaybik qideyyo. Yaqkuubuk rade mara bayseyyo; Israayil-mara buruten mara abeyyo.

Yasaqya 43:28 ပူးပေါင်းရင်းမြစ်များ

2 Samuwel 1:21

«Gilbowaq qaleelaw, rob siinil rade waay! Rob kee buqre ken booxaaxal able waynay. A abaaro akah axceemih akah abamaa, agiira le goobwa wanna maleh raqte. Tohum qax-umaane kinnih waaga mali. Saawuluk gob saliid duugo geyah mayan.

1 Aydaad 24:5

A namma marih addat inkihii, Qibaadâ-Qarih abbobti kee, awliyah yan mari yeneeh; tohuk gexxaamah ken gabal taama haanamak naharal aboonu waan taamah saami caxxa qiden.

2 Aydaad 36:17

YALLI Baabelon-malikiy qeebit ken selu waahiyya keenit ruube. Too malik furrayna sella keenik heeh Yallih Qibaadah-Qarih addal sugte furraynah agantah sella keenik hee. Qunxa num takkuu, idoolite num takku, lab-num takkuu, say-num takku, num keenik macabinnaay, numuh keenik maracmatinna. Yalli makkook ta malikih gabal ken hee.

Yasaqya 24:6

Tonna-leemiik Yallih-abaaro addunyal obte. Tet bagul yan mari akah biyaakitam, isinnih aben umaane. Addunyâ-bagul yan mari isih abe umaanek gexxaamah, bayak maaciseleeh dago mari raaqele.

Yasaqya 34:5

YALLIH seef qaraanal tanim baysek lakal, Edom maray baati elle amrisehiyya too seefit bayele.

Yasaqya 47:6

Anu inni marat oomeh, marin mara ken abe. Sin gabal ken hee'mmay, keenih maracmatinniton. Idoolal kinni-way, duude waan quukay keenik naba keenil hayten.

Yasaqya 65:15

Anu dooreeh meexe mari, ‹Umaaney woo marat tekke siinit takkay› 'yaanam axcuk ceelalloh sin haysitelon. Yoo YALLAY Mulki lehiyya sin qideyyooh, sin seleyyo. Yi naqoosay yoo takdumek migaq keenik korse liyo.

Ermiyaas 24:9

Baadal enna 'ya mari keenit tekkem yaabbu waa waqdi, kaxxa wariggah wariggitelon. Sinam elle tasuule mara ken abeyyo. Anu ken baadisu waa baaxol, sinam ken migaq xagak gersi mara bursutele. Titta abaara mari, «Woo marat tekkem siinit takkay» axcuk abaaroh ken haysiteloonuh, keenit tekkem missila akkele.

Ermiyaas 52:27

Ribla deqsita arac elle geytimam, Camat rasu. Tokke ken baahen saaku, malik ken qidsiiseh. Yuudâ mara seewah elle beenim tonnak ten.

Yacedkel 5:15

«Yi naqabu kee bala siinil obtam yableeh anu sin digaalam yable mari, siinik sakkiteleeh; sahda bursuttaah anqaasah elle rabta mara akketton. Siinit tekkem gersi marah sarrah kas akkele.

Daaniyel 9:11

Israayil mari inkih gitah taniimiy atu nee tuybulleehiyya maaqileh ku xinto intam abu cineeh ku yab cineh. Nanu dambi lem kol bahne. Tonna leemiik atu ku xintoy Muusay ku naqasuh yanihiyya baahel tunkuttube abaaro nel oobisse.

Daaniyel 9:12

Nee kee ni abbobtik abeyyo intem abteh. Yarusalaam magaala a addunyah bagul enna 'ta magaaloolik inkih digaalah lafteh.

Daaniyel 9:14

YALLAW, ni Dageltaw, ni digaalah bical gacteeh, kulli way cakkik tanim abtaamih sabbatah, nee digaalteh. Nanu atu aba intem cinneh.

Zakariyya 5:3

Too waqdi malaykatti yok iyyeemih, «Ama table xambabbaqut yan warkat, a addunyal obtu wayta bala elle tunkuttube warkata. Tama warkatak exxak teenal tan kutbe intaamah, ‹Garqa abta garoqti a baaxol bayele› intaah, gersi exxal tan kutbe kaadu, ‹Xiibitak diraabat yaaba mari kaadu a baaxol bayele› 'yaanam inta.

Zakariyya 8:13

Yuuda kee Israayil maraw, duma yan saaku allî-baaxoh mari titta abaara waqdi, ‹Yuuda kee Israayil tibbixe bala sin tabbaxay› 'yaanam tittak axcuk sugen. Takkay immay a saaku tohuk sin cateyyo. Toh axcuk suge mari, ‹Yalli Yuuda kee Israayilit hee barkat siinit haay› akak inxicca iyyan barkat siinit heeyyo. Tonna kinnuk agiira takkeeniih meysi cabtaanam siinil tan» iyye.