Yasaqya 43:21 - NABUWWA KEE MALIKWA

²¹ Ta mara anu inni caagidih gine. Yi fayla abu waa mara yakkeeni'gidih, ken gine» iyyah yan.

Yasaqya 43:21 ပူးပေါင်းရင်းမြစ်များ

Yasaqya 42:12

Xer rasul yan mari YALLA faylisaay kaa yaynabay; YALLA saarisaay kaa yaynabay.

Yasaqya 43:1

Tonna'mmay ta saaku hay, YALLI siinik iyyam le; Israayiley, sin yuklukeeh inki mara sin abe Dagelti siinik iyyam le. Toh macaay inteenik, «Sin waddem yook, mameysitina. Migaaqal siinih seeceeh; yi mara kinniton.

Yasaqya 50:7

Ken xaafi yol baaham mali; YALLAY Mulki le yoo cataah; toh abaluk, tu edde mawaa. Ableemil inkih asbiruk, aabbeemil inkih asbiruk, takkay axceh edde xiina. Faxe xaafu yot aban way, qaybi akah yoo mayabbixa.

Yasaqya 60:21

Ummatta cakkik-tan-taamah taamitele; baaxo kulli way kenim akkele. Liyoh an qax-maqaane keenil elle tambulle'gidih, ken bicisseeh ken daabissem yoo.

Yasaqya 61:3

Siyoonul yan maray rookitahiyyah rufto kee farci acee'gidiiy moyyat heen gombodih aftok, qaxa-le-kalabta haa'gidiiy arkaay niyâ-digloh aftok gad kee saare ken absiisa'gidih yoo ruube. A mari cakkit yan mara deqsiteloonuuh; YALLIH nabna kee qaxa yaybulleeni'gidih YALLI isih yuysubuke kaxxa cooxih innah gacelon.

Ermiyaas 13:11

Saro xagarat sartanah elle haan gurral, anu Israayil kee Yuudâ-mara innim abeeh, innil ken xayyooseh suge. Ken akah abem, yi migaq xagak yoo yassakaxxeenih faylisaana'gidi. Takkay immay oson woo mara makkinnoonuuy, yi yaabat maqal mahaysitinnon› 'yaanam yok iyye» iyye.

Ermiyaas 33:9

Yarusalaam anu rufto kee kunnaba kee migaq-gexxo elle geya magaala akkele. Kulli baaxoh mari, anu Yarusalaam marah abe maqaane kee Yarusalaamal yan mara gaddaleela elle abe'nna yaabboonu waan waqdi, hagga axceloonuuh axaxitelon» 'yaanam iyye.

Malaaki 3:17

YALLAY Nabaamak Nabahiyya iyyeemih, «Too mari yi mara. Anu gaba qidu waa saaku, too mari yi intit fayya le mara akkeleeh; abba isi baxay kay yab yoobbehiyya akah racmata innah, anu too marah racmateyyo.