Yasaqya 43:19 - NABUWWA KEE MALIKWA

¹⁹ Away qusbaamay bicsam faxahiyya liyok, wagita; taway tohih abtoh addat ani'mmay, wagita. Bacarih tan baaxot gita bicseyyooh; bakarroyta le baaxooxal daroori abeyyo.

Yasaqya 43:19 ပူးပေါင်းရင်းမြစ်များ

Yasaqya 30:25

Sin naqboytiitit kaxxa sugudi yakku waah, ken kaxxa megdebwa taddigillu wayta saaku, kulli qaleela kee koomaamik lee darah oobele.

Yasaqya 32:2

Keenik kulli num caacok edde rebsiman reebu akkele. Kaxxa roobuk edde yaggarren reebu akkele. Bakarroytal geen darah gexxa leeh bis aallele. Caxa-sinniih reebu-sinni bacarik-bagul, silal le boolok baguk radda iraawoh bis aallelon.

Yasaqya 33:21

YALLAY Misliino le tokkel ni amo wagtele. Mango weeqaytuy darah gexahiyya le magaala akkele. Takkay immay kaxxa maraakib elle magexa.

Yasaqya 35:1

Bacarih tan baaxoy bakarroytah tanihiyya ruffu axcele. Lee sinniih qayso sinni bacarih tan baaxo agda akkele. Birro kulli ikkel aabukeleeh, wir axcele.

Yasaqya 41:18

Bakarroytah sugte koomaamik lee darah akah obta innah abeyyo. Goloolak buyyitte darah oobiseyyo. Bacarih sugte baaxo illalta abeyyo. Buyyittek caxitte lee kafinuk sugte baaxol darah oobele.

Yasaqya 41:19

Bacarih tan baaxol *sariddo kee tikibleey cebakaay madeeraay wagar kee saagan aysubukeyyo; kaxxa cooxuy iraawo yeceehiyya aysubukeyyo.

Yasaqya 42:9

Duma edde yaabeeh, akkele akak excem tekkeh tan. Taway sarra takku waytam, takkeemik dumal edde yaabe» 'yaanam YALLI iyye.

Yasaqya 48:5

Tohuk gexxaamah aham takku waytaamat dumaak yaabeh suge. Tohumu, takkeemik dumal naharal akah yaabem, ‹Ah amrisseeh neh abtem, nanu naqbude duyye› axce waytaana'gidi.

Yasaqya 48:6

Anu edde yabba exceeh, akkele inxicca excem inkih tekkeh. Anu akkele akak excem, akkele'kkal raaqe waytam taamineenimi. Away kaadu qusbaamay duma akke waytehiyya siinih warsa. Daanisaamay isin aaxige waytaana siinih warsa.

Yasaqya 49:10

Mabakaaritaanaay maqululan. Wahari le caacay kee ayrô-dahan ken mabiyaaka. Macaay inteenik, yoo YALLAY ken kicnahiyya foocat gacca 'yeh ken beeyyo; lee le buyyi fan ken beeyyo.

Yasaqya 51:3

Macaay inteenik, Siyon-magaalay abuuruh raqtehiyyah xuwaaweyyooh, niqmatak tan baaxo abeyyo. Bacari tekkeh sugte baaxo, Qadanal anu innih uysubuke bustaanih innah, gacele. Too waqdi ummat ruffu axceleeh africele. Yoo fayliseloonuuh, candu yoh gacselon.

Ermiyaas 23:7

YALLI kaadu iyyeemih, «Ummat, ‹Waara YALLAY Israayil ummat Masrik yeyyeeqehiyyah migaaqal xiibinna› 'yaanam duma axcuk akah sugen innah, m'iyyaanay; ahak wadir, ‹Waara YALLAY Israayil ummat kilbat le kabut raqta baaxo kee wohuk kalah tan baaxo fan baadissaay wokkek wadir ken gacissa heehiyyah migaaqal xiibinnah nan› edde iyyoonu waan ayroora amaatele. Tahak wadir isinni baaxol nookiselon» iyye.

Ermiyaas 31:22

Imaan-maleelay, ahaysa namma kalbi caba. Dumah akke waytem bicsam faxa. Toh macaay inteenik, barra labhaytu dacrissu wayta wakti baaheyyo» 'yaanam iyye.

Ermiyaas 31:9

Namma intik ximo keenik amaatuk aduurelon. Anu ken miraacisa way dooqa abak amaatelon. Gitah darah gexxa leek xaqut-xaqut ken beeyyo. Saytun gitay adaf sinnihiyyat ken beeyyo. Toh keenih akah abu waam, Israayil marak abba kinniyooh; Efrayim yol naharsi-baxih gide» 'yaanam iyye.