Yasaqya 43:13 - NABUWWA KEE MALIKWA

¹³ «Tonna kinnuk, Yalli dumaak yooy, sarra yoo. Yi gabat tanim num mabukkusa. Anu abem korsa mari mayan» 'yaanam iyye.

Yasaqya 43:13 ပူးပေါင်းရင်းမြစ်များ

Yasaqya 14:27

YALLAY Nabaamak Nabahiyya taham abaamal gaba kaleeh; ummatta edde digaalu waa gaba fakeh immay, aham abe kaa kaltam matan.

Yasaqya 41:4

Taham inkih abteeh absissem iyyay? Sahdayti abto tamlikem iyyay? Toh yoo YALLA. Anu inki anyoh; qimbo yooy, ellecabol kaadu aneyyo.

Yasaqya 46:10

Sarra takku waytam dumal elle warseh suge. Sarrî-dabaanal takku waytam naharal elle sin iysixxigeh suge. Anu abam faxam akkele ikkal, raq matalla. Abeyyo inxicca excem abeyyo ikkal, fanat akak maasa.

Yasaqya 46:4

Anu anyooh; idoolitta 'teenih amô qidi bahtaanam fanah, sin dacrissam yoo. Sin tuklukem yooy; sin takkuqem yoo; umaanek sin cateyyooh sin dacriseyyo.

Yasaqya 47:15

Sin cutuk-beyah maqaanek ellecabo toh teeti. Qunxaaneey akke maalu akah acayuk, edde taqabak sugten sicri-abaa kee cutuk-beyah qaada toh teeti. Gira siinit gexxu wayta saaku, sin wadu duuda num keenit mayanaay; too saaku, sin cabba heeh isinni gexoh gexu waa mara akkelon» 'yaanam iyye.

Yasaqya 48:16

Tonna'mmay ta way kabba 'xicaay anu axcem oobbeya. Dumaak qellite sinni yaabah sin lih yaabak sugeeh; edde yabba axcem inkih nummak macsiisam yoo» iyye. A saaku YALLAY Mulki le isi Roocaaniyya yot heeh yoo ruube.

Yasaqya 57:15

Macaay inteenik, daga raaqa *kudduusuk yan Dageltay kulli way waarahiyya iyyaamah: «Elle anim daga raaqah kudduusuk yan araca'mmay, toh lih kaadu yoh rammitaah toobita mara lih anyo. Ken lih akah anim, kibaal kee niya keenit haa'gidi.

Daaniyel 4:35

Baaxol enna 'ta ummatta kay garil tu hinna. Qaraanal tan malayka kee baaxol tan ummatta inkih kay milkih gubat tan. Usuk faxeemil saduh gacu duuda num mayan. Usuk abem macah tekkeeh, iyyu duuda num mayan.

Hosiqa 2:10

Tet mareytiitik garil qasunuk tet cabeyyo'mmay, yi gabak num tet macata.

Hosiqa 5:14

Israayil kee Yuudâ marat lubak qeebi elle aba'nnal keenit abeyyo. Anu innih rike rikeh kurra ken heeh ken cabeyyo. Ken hirriigisu waa waqdi, num ken macata.

Miika 5:2

YALLI iyyeemih, «Beetlacam Efratey, Yuudâ-rasul tan magaaloolik inkih qunxa magaala kinnito. Takkay immay Israayil ummat xiinisu waa abba ku addak ayyaaqeyyo. Kay samad dumaak ugteeh, dumî-dabaanaak migaq-gexxo le marak ten» iyye.

Cabakkuk 1:12

Cabakkuk tohuk lakal iyyeemih: «YALLAW, atu dumaak yan Dagelta kinnitooh, waara Yalli koo. Kudduusuk yan Dagelta kinnito. Aqbudem kooy; yoo dacrissam koo. YALLAW, Baabelon mara sinaamak addak doorru hayteh nee edde digaalan qande keenit hayte.

Yoosuwa 2:2

Too bar Yerikô-malik Israayil marak tu takkem gibah temeetem yoobbe.