Yasaqya 42:15 - NABUWWA KEE MALIKWA

¹⁵ Qaleela kee koomaami abur abeyyo; caxa kee qayso elle mataabuka. Illaltah sugte baaxo kafseyyo; doritte elle sugte baaxo kafseyyo.

Yasaqya 42:15 ပူးပေါင်းရင်းမြစ်များ

Yasaqya 41:15

Caffa darok edde meexan af le birtay qusbahiyya sin abeyyo; qaleela aggiggilettoonuuh bututtukku heetton. Koomaami bullaaqeh gacsetton.

Yasaqya 44:27

Afak exce qangarat, bad kee daroori kafsa Dagelta kinniyo.

Yasaqya 49:11

Inkih yan inni qaleela booxa abeyyo; yi ummattah edde gexan gita bicseyyo.

Yasaqya 50:2

Anu inni mara wada'gidih gexe saaku, yi mari isi aracal akah suge weem macaa? Keenih seece waqdi, inki num kinni-way tu yol magacsinna. Anu ken catam yaffare Dagelta maay kinniyo? Ken wadaamih cayla mayyu innaa? Tonna hinna'mmay, badak ‹Badow, kaf› 'yaanam afak excek, bad kafsa Dagelta kinniyo. Lee darah elle gexak sugte baaxo bakarroytah gacsa Dagelta kinniyo. Woo leeh addat suge kullum gubbil raaqa waqdi, abicaah, lee wayya heeh bakaarah raba.

Ermiyaas 4:24

Qaleela wagga hee waqdi, qaleeli kaadu dillibitah uble. Koomaami kabuk kabul koramkorah uble.

Yacedkel 38:19

Too saaku Israayil rasul ibak gibdi baaxoh angoyyi akkelem inni bagcarray gibdihiyyah addat aybeleeleqeyyo.

Yacedkel 38:20

Kullunta takkuu, kimbir takku, naba ala takku, qunxa ala takkay, baaxol ibah gexxa 'tam takku, a baadal enna 'ya bani-adanti takku, yi meysik gexxaamah axaxitele. Qaleeli radele. Boolal bokokele. Magaaloolit maroh tan gasoosa addigillele.

Caggay 2:6

Kaadu qagseh kaak iyyeemih, « ‹Xayi waktih addat uxih qaran kee baaxooy bad kee bacari asgayyeyyo.

Zakariyya 10:11

Kaxxa gibdaabina keenil yakku waa badak adda gacca 'yeenih gexaanam faxan waqdi, yooy YALLAH yani woo badih haffo keenih aatukeyyo. Baddi haffo soolele. Niil weeqaytuy adda le kafinuk cabeyyo. Assuuriyah yooboke mari le kaxxiina ken cabsiiseyyooh, rammita mara ken abeyyo. Masri maray kaxxa qande le, qande cabsiiseyyo.