Yasaqya 42:14 - NABUWWA KEE MALIKWA

¹⁴ YALLI iyyemii, «Mango dabaanah tibbat sugeeh ableeh aabbeemik tibba axcuk, tu elle gacse'kal suge. A saakuh tu gactek, abini wakti yemeeteh lacawat tan barrah innah iihisah, deero aba.

Yasaqya 42:14 ပူးပေါင်းရင်းမြစ်များ

Yasaqya 30:18

Tonna'mmay YALLI, tohuh, isi niqmat siinil oobisam faxaah; kaadu siinih racmata'gidih ugtele. Macaay inteenik, YALLI cakki le Dagelta kinni. Kaal kibaal haa mari ruffu iyya mara.

Yasaqya 57:11

Yoo akah hawwenteenih yot darre akah cabteenim, isin akak meysittaanam macaay? Yok akah meysite waytaanam mango wakti tibba siinik exceemi innaa?

Yasaqya 64:12

Hay, YALLAW, tah inkih net akkih tibba intaa? YALLAW, tu neh axce'kal, duude waynam nel maay oobissaa?

Yasaqya 65:6

«Ken umaane yi garil tan; yi foocal tan; maktuubuk tan. Anu ahak, way tibba maxca. Ken abtol ken digaaleyyo. Keenih taguude digaalah digaale ken liyom digga.

Ermiyaas 15:6

Yoo cinteeniih; isinni uma taamat wadir tuduuren. Tonna leemiik gaba siinil qideh sin bayseyyo. Wadirih siinih xuwaawam maaba.

Ermiyaas 4:31

Lacaw edde yemeete barrah xongoloh innah tanim yol radda. Naharsi-baxa xalta barra abta xongoloh bis le xongolo yol radda. Toh Yarusalaam mari abah yan weqweqsinto. Gaba deerih loonuuh, ‹Baati net tekkeh, bayneh nan! Nee selu waa mari mamaatat yan› iyyan».

Ermiyaas 44:22

A saaku sin baaxo abuuruh raqteeh num teetil mayanam matablaanaa? A saaku tet yable mari akak nadaamitah inna le. Titta abaara mari, ‹Woo magaaloolit tekkem siinit takkay› iyyaanaah, abaaroh tet haysiten. Toh akah tekkem maca siinit celtaah? Isin abak sugten makri kee uma-taamay YALLI xiqe waahiyya, tohuh, siinit tekkem ixiga.