Yasaqya 41:12 - NABUWWA KEE MALIKWA

¹² Sin gibangibita mara gorrisetto'mmay mageyta. Qeebi siinit abak suge mari a addunyah bagul ankulluke weeh innah gacelon.

Yasaqya 41:12 ပူးပေါင်းရင်းမြစ်များ

Yasaqya 17:14

Bari yakke waqdi cunxo sinaamat qideloonuuh; maaci maacisa waqdi masugan. Ni baaxo buuba marih ellecabo tamah teetiiy; tamah keenit akkele.

Yasaqya 29:8

Satqite numuy soonot maaqok cayyehiyyah bis le. Woo num xiinik ugta waqdi, woo cayi edde abem soonok sugta. Bakaarite numuy soonot leek cayyehiyyah bis le. Woo num woo xiinik uguta waqdi, woo bakaarat edde suga. Mango maray mango baaxok yemeeteh Siyon-qalet qeebi abu waahiyyat, takku waytam tamaha.

Yasaqya 34:12

Teetil sugte abbobti bayeleeh elle reedaanam maraqta.

Yasaqya 49:25

Takkay immay YALLI, «Toh tekkeemi» 'yaanam iyya. «Sin lih aaminnaan mara lih anu aameyyo. Qaskar gabat yan casbi mari asillimele. Racmatta sinni malik seewah orbisem gabak kaak kalelon. Sin xaylo umaanek anu cateyyo.

Xafanya 3:19

Xukko siinit abe mara, edde digaala uddur xayih; maxeeriiy, ahaysa xayih. Kos iyya maray boola le edde wadu waa uddur xayih; maxeeriiy, ahaysa xayih. Fixixiseh suge mara le baaxo fanah gacseyyo. Sinam keenit abta qaybik, nagay ken saytunuseyyooh kaxxa mara ken abeyyo. Qaybi yibbixe baaxooxal, migaq akak yaabben maray faylisaana ken abeyyo. Tohum edde abu waa wakti, maxeeriiy, ahaysa xayih.