Yasaqya 41:1 - NABUWWA KEE MALIKWA

¹ Yalli iyyaamah: «Isin xer baaxol yan maraw, tibba 'xicay yoo fan ama. Baadal tan ummatey, qusba qande haysita. Cokmi-buxal yaabittaanamih nasiib alletton. Gital nek yan num nable'gidih, fooca kee foocah cokmi-buxal nangooroway.

Yasaqya 41:1 ပူးပေါင်းရင်းမြစ်များ

Yasaqya 1:18

YALLI qagseh iyyeemih, «Tahaysa yol amaay, tahat itta lih yaabenno. Isin abten dambit kaqalteenih immay anu woo dambik sin kaqliseh cankaxi qidih innah sin heeyyo. Dambik abteenimih mangah xagar siinik yoomeh yani'mmay, qado illi xagoorih innah akak gacetton.

Yasaqya 11:11

Too ayro YALLI qagisak isi-qandet isi-maray baatik-saaboh-raaqehiyya le baaxol gacsele. Assuuriya kee Masriiy; Fatros deqsita aracay Masrik gabbi-qaxat raaqahiyya kee Kuusuuy; Qeelam kee Baabelon baaxooy; Camat kee baddi dariifal tan baaxooxak ken baahele.

Yasaqya 34:1

Baaxol enna 'ta doolatway, inkih yoo fanah ama! Xayyoowaay, axcem yok ankacisa! Baadal tan ummatey, yi yaabah ayti ucuya! Baaxo axcem yok taabbay; baaxô-bagul yan mari yi yab cubbusay. Addunya kee addunyak eweqqa 'tam yi yaabah ayti tacaay.

Yasaqya 40:31

YALLAL kibalsita maray kibaal kaal haak kaa qambaala qusba qande haysitelon; gabilleemi'nnal haadelon. Qaafiyatah danan yakken; yardeenimih cawal maaban. Abaanamah ibi-gexo, 'kak mataqban; maboolaatan.

Yasaqya 41:5

«Allî-baaxoh mari anu abem yubleeh, too way cunxiteeh, axaxiteh. Sarra gaabowwa 'yeenih yemeeten.

Yasaqya 43:26

Duma tekkeemit maro foocal yabnay inxica. Edde taniinim gita tekkek, yoh qaddoysa.

Yasaqya 43:9

Baadal tan ummatta inkih gaaboyseeh doolatwa tittal kobxisse. Too waqdi keenik iyyaamah: ‹Sugay ama isin yalla akak intan duyyey taqbudeenihiyyah addat sarra takku waytam naharal siinih warissem iyya?› inxicay ken esseray. ‹Taham akkele inneh neneeh tohum tekkeh› akak iyyaanam tenek, ‹Naabbu waynak neh warisa› keenik inxicay! Toh nummak sugtek, ‹Aleey oson yallah loonum nummat yabtah tan!› axcenno» 'yaanam iyye.

Yasaqya 48:16

Tonna'mmay ta way kabba 'xicaay anu axcem oobbeya. Dumaak qellite sinni yaabah sin lih yaabak sugeeh; edde yabba axcem inkih nummak macsiisam yoo» iyye. A saaku YALLAY Mulki le isi Roocaaniyya yot heeh yoo ruube.

Yasaqya 49:1

Xer baaxol geytima maraw, allahî-baaxoh ayyuntaw, ayti yoh 'cuya, yoo oobbeya. Aabukeemik dumal elle, YALLI yoo dooreeh, yoo meexe; inâ-bagut elle suge way yoo muggaaqisak yoo doore.

Yasaqya 50:8

Anu Yalla xaqut liyooh; umaamat ase wee numuy qellat baahe wee kinniyom, Yalli isih yok aybulleele. Tu yok waytam sugay iyya? Yok tu waytah, tastikiyem, maa maraay? Talliilem iyyaay? Wayto yok waa mari yenek, nee beyoonay cokmi-buxah.

Cabakkuk 2:20

YALLAH tu gactek, elle yanim taahirik yan qariy qaraanal yani. Addunyal enna 'ya mari kay foocal tibbi iyyoonay.

Zakariyya 2:13

Ummatey, YALLI isi dabaaqay taahirik yanihiyyak yamaateh yanik, kay foocal tibba 'xica.