Yasaqya 40:3 - NABUWWA KEE MALIKWA

³ Allak radda xongolo tan; «Bacarih tan baaxol YALLAH gita missoysaay bicisa. Ni Goyti akak yamaate'gid, sinam elle dago baaxol edde yamaatu waa gita makok gacisaay bicisa.

Yasaqya 40:3 ပူးပေါင်းရင်းမြစ်များ

Yasaqya 35:8

«Taahirik yan gita» deqsita giti too baaxol awqele. Taahirik ane sinni mari gitah wokkek magaca. Woo gita gactu waytam, woo gitih mara. Too gita gaca maraay tu-iggimaane le marah agantah mabadisa.

Yasaqya 40:4

Fayya kee ramma le baaxo saytunoowak missoowele. Qaleela kee koomaami inkih ramma axceleeh missoowele. Boodaada le'kke maraqtaay; xeet le'kke bacari akkele.

Yasaqya 43:19

Away qusbaamay bicsam faxahiyya liyok, wagita; taway tohih abtoh addat ani'mmay, wagita. Bacarih tan baaxot gita bicseyyooh; bakarroyta le baaxooxal daroori abeyyo.

Yasaqya 49:11

Inkih yan inni qaleela booxa abeyyo; yi ummattah edde gexan gita bicseyyo.

Yasaqya 57:14

YALLI iyyaamah, «Gita yi marah fiyaay bical keenih haa. Adaf keenil takke duyye giti afak keenik kala» 'yaanam iyyah yan.

Malaaki 3:1

YALLAY Nabaamak Nabahiyya siinik iyyaamah, «Gita yoh bicsa'gidih, inni farmoyta ruubeyyo. Tohuk lakal isin faxak sugten YALLI garciik isi Qibaadah-Qari amaatele. Isin assexeeruk sugten farmoytay yi qahdit yaabu waahiyya amaatelem digga le.