Yasaqya 37:4 - NABUWWA KEE MALIKWA

⁴ Assuuriyah-malik waara Yalla xaafa'gidih, qaskarak abbah-yan-num ruube. YALLAY ku Dagelta kinnihiyya a xaafu yoobbem takkeeh; tohuh ken digaalele. Tonna'mmay ni marak raaqe marah dooqa ab› » 'yaanam farmoh kaah ruube.

Yasaqya 37:4 ပူးပေါင်းရင်းမြစ်များ

2 Samuwel 16:12

YALLI yot tekke umaane yubleh, a umaaneh aftok maqaane yol oobisam takkeh» keenik iyye.

2 Malikwa 17:18

Tohuk gexxaamah YALLI Israayil-mara yinqibeeh isi garik ken xiiriyeh. Keenik raqtem, dibuk Yuudâ-mara.

2 Malikwa 19:4

Assuuriyah-malik waara Yalla xaafa'gidih, qaskarak abbah-yan-num ruube. YALLAY ku Dagelta kinnihiyya a xaafu yoobbem takkeeh; tohuh ken digaalele. Tonna'mmay ni marak raaqe marah dooqa ab» 'yaanam farmoh kaah ruube.

2 Aydaad 28:19

YALLI, Malik Acad sabbatah, Yuudâ-mara sinaamak gaca mara abe. Malik Acad YALLAL imaan sinni num sugeeh; isih leh yan umaane Yuudâ-marat tabseeh; too mari kay gita kataatak suge.

2 Aydaad 34:21

Keenik iyyeemih, «Gexay yoo kee Yuuda kee Israayil ummattal tanim naaxige'gidih, YALLAL fayu yoh essera. A kitaabal taniimih maqna nagay ismitay ama. Ni kaxxa abbobti a kitaabal yan Yallih yab abe weenimih sabbatah, YALLAK naqbi nee geeh yan.

Yasaqya 1:8

Yarusalaam, gubbil xisen daboyta kee cabcab elle yooboke aracal xisen seenan-qari kee naqboytit maraasiye magaalah innah, dubuk tekke.

Yasaqya 1:9

YALLAY Nabaamak Nabahiyya, Yarusalaamal yekkeh yan wararak marak garabak rooci cate waamal, Yarusalaam magaala Sodom kee Gomorrak kaxxih, inkitanuuk baye rarte.

Yasaqya 10:20

Too ayro, Israayil marak raqte saabo, ken bayse maral kibaal mahaysitta. Oson nummaak kibaal elle hoonu waanam, YALLAY Israayil doore Dagelta kinnihiyyay *kudduusuk yani.

Yasaqya 10:22

Away Israayil mari mangah baddi afih qiddeh gide yakkeemih dago mari aduurele. YALLAY Dagelta kinnih, Nabaamak Nabahiyya inkih tan baaxooxat «Abeyyo» iyye baati elle inxicci 'ye innal abe leemih sabbatah, Israayil-ummattat «Abeyyo» iyye baati bical taniih; a baati keenih elle taguude innal keenit akkele.

Yasaqya 11:11

Too ayro YALLI qagisak isi-qandet isi-maray baatik-saaboh-raaqehiyya le baaxol gacsele. Assuuriya kee Masriiy; Fatros deqsita aracay Masrik gabbi-qaxat raaqahiyya kee Kuusuuy; Qeelam kee Baabelon baaxooy; Camat kee baddi dariifal tan baaxooxak ken baahele.

Yasaqya 36:13

Tohuk lakal woo qaskar abba sollu 'yeh, anay fayya haak Qibraan afat, «Kaxxam naba malikih yan Assuuriyah malik siinik iyyam oobbeya!

Yasaqya 36:18

Ciskiyyaahu, YALLI nee ayyaaqele iyyah immay kay yab maamanina. Aki baaxo mari yalla axcuk yaqbudem, ken baaxo Assuuriyah-malikih-gabak maay catte?

Yasaqya 36:20

Ta mari yallah luk yen yallitte, anu a mara ibbixe saaku, keenih xiqtem mali. Hay tonnal, YALLI Yarusalaam catelem mannal siinit celta?» keenik iyye.

Yasaqya 37:17

YALLAW, ayti yoh ucuyaay yaaba yab yok oobbey. YALLAW, net takkem ubul. Sanceerib, kooy waara Yalla kinnihiyyak abe xaafuh inxicca iyyem inkih oobbey.

Yasaqya 37:31

Yuudâ-rasul baatik saaboh raaqe mari, daabinte-caxay xaylo xaltaah buxux akak baaxot cule akkele.

Yasaqya 37:32

Macaay intek, Siyon-qale kee Yarusalaam magaalah addak baatik saaboh raaqe mari anele. Taham YALLAY Nabaamak Nabahiyya keenih le kaxxa kacanuk gexxaamah abele.

Yasaqya 37:5

Nabi-Yasaqya Ciskiyyaahu ruube farmo kaa gufte waqdi,

Yasaqya 41:14

Yalli iyyemii: «Israayil ummatey, qunxaah boola le marah tantoonum siinik aaxigeh immay cato akak geytaanam, yooy kudduusuk yan sin Dagelta kinnihiyya kinnuk, mameysitina. Sin wadeeni, yooy kudduusuk yan sin Dagelta kinni.

Yasaqya 46:3

Yalli iyyamaa: «Yaqkuubuk rade maraw! Yi marak saaboh raaqe mara kinnitoonuk, yoo oobbeya! Tooboken saakuuy akke, sin akkuquk amo siinik wagitak suge.

Ermiyaas 26:19

Malik Ciskiyyaahu kee Yuudâ-mari, Miika toh iyyeemih kaa maqidinnon. Malik Ciskiyyaahu YALLAK meysita numuk teneeh, a magaala YALLI bayse waa'gidih YALLA kallace. Too waqdi YALLI kaadu keenil oobise raare bala keenik raaqiseh. Taway nanu kaadu too malikik kaxxih, kaa qide waynaama. Kaa qidnek, umaane ninnih ninnil bahnem deqsitele. Tonna-leemik ta num cabnaama» iyyen.

Ermiyaas 42:2

nabi Ermiyaasal yemeeteeniih, kaak iyyeenimih, «Ku maganak rabe marak saaboh raaqe mara kinninooh; YALLAY ni Dageltah yani neh kallacta'gidih nemeetek; nek oggolaay macinin. Duma manguk sugne'mmay a saaku dago mari nek raaqeh yanik, raaqe marah dooqa neh ab.

Daaniyel 2:18

Keenik iyyeemih, «Nee kee kalah tan tu-taaxago cattimna'gidih, Yalli a soonoh maqna nee yayballayuh, qaraanal yan Yalla kallaca» keenik iyye.

Ayyuqel 2:17

Yallih Qibaadah-Qarih adda akak culan culma kee sadgat elle aban aracak fanal, seekay YALLIH naqoosah-tani YALLAL weeqak dooqa abtaama. «YALLAW, isi marah xuwaw. Sahda nel asuule kalaay, sahda, ‹Sin Dagelti ankel yan?› axcuk elle qangaasalta mara nee maabin» axcuk dooqa abaanama.

Qaamus 5:15

Umam inqibaay, meqem ikcina. Cokmi maroh addal, cokmi qadaalatat akah yakke'nnah aba. Tonnal YALLAY Nabaamak Naba Dagelta kinnihiyya Israayil ummatak baatik saaboh raaqe marah yamqem takkeh. Keenih racmatam takkeh.

Qaamus 7:2

Too qanayti too baaxol ubukku 'teh anxaxxowwa 'tam inkih selli haam uble. Toh uble waqdi, dooqa abeeh exceemih, ‹YALLAW, Mulki le Dageltaw, ummat bahte dambik qafu keenih ab. Israayil ku ummataay; dago mara kinnoonuuh; tohuk gexxaamah ahak elle raaqan inna maloonuk, qafu keenih ab› 'yaanam dooqah exce.

Yoosuwa 14:12

Tonna'mmay ta saaku kok faxaamahaa, woo saaku gibak elle nuduure ikkel, YALLI ‹Koh aceeyyo› axcuk qahdi yoh akah cule baaxoy qaleela mangohiyya yoh taceem kok faxa. Qanaakim akak iyyan maray kaxxa masu kee xexxar lehiyya buxah elle yanim, tokke kinnim, gibah genxe saakuuk atu isih toobbeh ten. Too mari elle yan magaalat maroh gasoosa tan. YALLI yoo elle cateleeh; anu qeebit baaxok ken ayyaaqeyyo'mmay, ken baaxo yoh ucuy» 'yaanam iyye.

1 Samuwel 12:19

Sarrak Samuwelik, «Rabe wayna'gidih ku maganah ku Dagelta neh kallac. Duma abne dambik kalah kaadu, ‹Malik neh reedis› YALLAK inne waqdi, YALLIH garil dambi lem bahnem away ninnik neexege» iyyen.

1 Samuwel 12:23

Yoh tu gactek, kulli way dooqa siinih abeyyo. Dooqa siinih abe waam YALLAL dambi baaheemik loowinta. Tonnah kaadu abeh meqem kee gitah tanim sin barseyyo.

1 Samuwel 14:6

Yonaatan woo furraynuy kaa'lih yanik iyyemii, «A *Filistiiniy diini-maleelah tanihiyya elle tani'kke fan nee bey. YALLI nee catam takkehik, dagnah faxeh gide nakke'mmay YALLI isih faxek, keenik nee aysiisele» iyye.

1 Samuwel 17:26

Dawud isi garil suge marak iyyeemih, «A Filistiin num qideh, Israayil mara a migaq-sinnak currih yayyaaqu waa numuh maca aceelon? A Filistiiniitih diini mali fiiruk iyya yekke waqdiiy; waara Yallih qaskarat qeebi aba'gid akah yemeetem?» iyye.

1 Samuwel 17:36

Lubokwa kee gersi alluwwa qideeh; a Filistiin-numuy diini aalle waah, waara Yallih qaskarih migaq baysahiyyak toh abeyyo.

1 Samuwel 7:8

Too waqdi Samuwelik, «YALLAY ni Dageltah yani, Filistiin-marak nee cata'gidih neh xaqtam macabin» kaak iyyen.