Yasaqya 37:37 - NABUWWA KEE MALIKWA

³⁷ Assuuriyah malik tah yuble waqdi, isi qaskar luk wokke cabeh, Nanawê magaala fan yuduureh, sarra elle raaqe.

Yasaqya 37:37 ပူးပေါင်းရင်းမြစ်များ

2 Malikwa 19:1

Malik-Ciskiyyaahu a yab akah yoobbe innaak, sara isik qanxiseeh sartanah *qabuddat gacca 'yeh YALLIH Qibaadah-Qari gexe.

2 Aydaad 32:1

Ciskiyyaahu Yallah ahim baguuk abak sugek sarra, Assuuriyah malikiy Sanceerib deqsitahiyya Yuudâ-rasu warare. Gaso maroh edde ten magaaloolit maro hayya heeh sarrak, qaskarak, «Woo magaalat maroh tan gasoosak iggilaay addah cula» iyye.

Yasaqya 31:8

«Assuuriyah mari seefit ambaxele'mmay, toh sahdayti bicse seef hinna. Ken mari too seefik kudele. Ken furrayna naqoosay dirkih tamsiisaana akkele.

Yasaqya 31:9

Ken malikiy ken dacayrih yene cunxot bayele. Carbi-abbobti meysik gexxaamah, carbi qalaamatih sinbil baaxot qideenih cabelon. Ahat yabtam, yoo YALLAY Siyon-qaleh amol solal girah innah urahiyya.

Yasaqya 33:19

Ahaysa woo maray kaxxiinah qubbuy axcuk yenehiyya matablan. Isin aaxige waytaanaah edde rada waytan afat yaaba marin mara tahaysa matablan.

Yasaqya 37:7

Toh lih kaadu kok iyyaamah, ‹Assuuriyah-malikil roocaaniyya ruubeyyo. Too waqdi asmat sinni xaagu aabbeleeh, isi baaxo fanah aduurele. Tokkel seefit kaa qidsiiseyyo› kok iyyah yan, kaak inxica› 'yaanam farmo baahe maral ruube.

Yoonas 1:2

«Kaxxa magaalah tan Nanawê-magaala gexaay; tet marih umaane ableh anik, tet marat takku waytam keenih waris» iyye.

Yoonas 3:3

Too waqdi Yoonas Yallih yab yoobbeeh, Nanawe fan gexe. Woo magaala kaxxam naba magaalak teneemih sabbatah, adda teetik taboonuh sidiica ayro beyak ten.

Yoonas 4:11

Hay, Nanawê magaalah addal bool kee labaatanni alfih numuy meqem kee umam baxse waahiyya yaniih, tonnah kaadu mango saqi elle yanik, anu mannal teetih qaade waah?» kaak iyye.

Miika 5:6

Too macaxi nee cateleeh keenik aysele. Nimrud elle suge Assuuriyah marih baaxo abbixeloonuh qande luk ken xiiniselon» [axcuk tirtirisa mari yan.] Takkay immay Assuuriyah mari baaxo nek yabbixe'gidih yemeetek, ken gabak nee waddam, YALLI ruubu waa abba.

Naacum 1:1

Yalli Nanawê magaalah giddinaamak ruube farmo ah teeti. Elkos deqsita aracal yooboke Naacum deqsita nabil, Yallih wacyi oobeeh; Naacum yublem a kitaabal yuktube.

Xafanya 2:13

YALLI Assuuriyah ummat isi qandet baysele. Nanawe deqsitta magaala abur abbay bakarroyta cabele.