Yasaqya 37:23 - NABUWWA KEE MALIKWA

²³ Atu xaafteeh qayto edde abtem iyya takkale? Kaxxiinah amo qaraanal elle haytem iyyaay? Caddi akah abe waytem, iyya kot celta? A ceele-waytam akak axcuk sugtem, Israayil doore Dageltay *kudduusuk yanihiyya kinnim mataaxiga'nnaa?

Yasaqya 37:23 ပူးပေါင်းရင်းမြစ်များ

2 Malikwa 19:22

Atu xaafteeh qayto edde abtem iyya takkalee? Kaxxiinah amo qaraanal haak tanim iyyaay? Ceele wayta umaane akak intem iyyaay? A ceele-waytam akak axcuk sugtem, Israayil doore Dageltay saytuniih, *kudduusuk yanihiyya kinnim mataaxiga'nnaa?

2 Malikwa 19:4

Assuuriyah-malik waara Yalla xaafa'gidih, qaskarak abbah-yan-num ruube. YALLAY ku Dagelta kinnihiyya a xaafu yoobbem takkeeh; tohuh ken digaalele. Tonna'mmay ni marak raaqe marah dooqa ab» 'yaanam farmoh kaah ruube.

2 Aydaad 32:17

Assuuriyah malik kaadu YALLAY Israayil doore Dagelta kinnihiyya elle xaafa warkat yuktube. Iyyemii, «Mango baaxoh yallitte isi mara yok macatinnaay, tonnah kaadu, Ciskiyyaahuh yalli isi mara yi gabak macata» 'yaanam yuktube.

Yasaqya 10:12

Tonna-leemiik, Yalli Siyon-qale kee Yarusalaamal abah yaniimik gaba kalu waa saaku, Assuuriyah malik abah yan tirtiraay leh yan kaxxiina kee hidak gexxaamah kaa digaalele.

Yasaqya 10:17

Yallay Israayil ifuh yani girah innah akkele. Israayil doore Dageltay *kudduusuk yanihiyya habug inta giray inki ayroh addat eqeb kee sibaasib cararissa akkele.

Yasaqya 10:20

Too ayro, Israayil marak raqte saabo, ken bayse maral kibaal mahaysitta. Oson nummaak kibaal elle hoonu waanam, YALLAY Israayil doore Dagelta kinnihiyyay *kudduusuk yani.

Yasaqya 12:6

Siyoonul geytima maraw, qililisa; ruffa 'xica. Israayil doore Dageltay *kudduusuk yanihiyya yan. Ni fanat tanim kaa kinni. Nabna leeh, muxxo lem kaa» 'yaanam axcuk too-ayroora Yallih mari Yallih migaq fayliseleeh, saarisele.

Yasaqya 17:7

Too ayro sinam, Yallay kulli num ginahiyya fan wagteleh; Israayil doore Dageltay *Kudduusuk yanil kibaal haysitelon.

Yasaqya 2:11

Sahdâ-kaxxiina kee anaani gaba edde kalta wakti amaatele. Too ayro nabna luk raqtu waytam, dibuk YALLA.

Yasaqya 37:4

Assuuriyah-malik waara Yalla xaafa'gidih, qaskarak abbah-yan-num ruube. YALLAY ku Dagelta kinnihiyya a xaafu yoobbem takkeeh; tohuh ken digaalele. Tonna'mmay ni marak raaqe marah dooqa ab› » 'yaanam farmoh kaah ruube.

Yasaqya 41:14

Yalli iyyemii: «Israayil ummatey, qunxaah boola le marah tantoonum siinik aaxigeh immay cato akak geytaanam, yooy kudduusuk yan sin Dagelta kinnihiyya kinnuk, mameysitina. Sin wadeeni, yooy kudduusuk yan sin Dagelta kinni.

Yasaqya 41:16

Qaraanal siisah innah ken fikiikisetton; silayti qaraanal ken beele. Caaco baaxol ken fuluulukusele. Toh tabloonu waytan waqdi, YALLAT ruffa axcetton. Israayil doore Dageltay *Kudduusuk yanihiyya assakootetton. Tahat yabtam yoo YALLA» 'yaanam iyye.

Yasaqya 43:14

YALLAY sin wadahiyya iyyam le. Israayil doore Dageltay *Kudduusuk yani siinik iyyamaa: «Sin taagah, Baabelon fan amri ruubeh an. Oson inkih dabbô-mara akkeloonuh, ken maraakibiy kaxxam edde yakkaleenihiyyat kudelon.

Yasaqya 43:3

Macaay inteenik, YALLAY sin Dagelta kinniih sin wadahiyya yoo. Israayil doore Dageltay *Kudduusuk yanihiyya yoo. Isin currih tawqeeni'gidih, Masri-mara sin gidyatah ecee. Kuus kee Saba sin aftok ecee.

Yasaqya 5:15

Kulli num keenik qaybit radeleeh, gaca mara akkelon. Kaxxiina leela aqunxeele.

Yasaqya 5:21

Kaxxa kas lem isik yakkaleeh, kaxxam bagi cubbih is dareema maraw, woyyow, siinit takku waytaamow!

Ermiyaas 48:42

Mooyab mari yot missoowaanam faxak suge'mmay, ahaysa doolat mayakkan.

Yacedkel 28:2

«Bani-adantow, Suur magaalah malikik intaamah: YALLAY Mulki lehiyya kok iyyaamah, ‹Kaxxiinah qaffuddaah yalla is takkale. «Yalla kinniyooh bad maroh edde yan korsil an» 'yaanam inta. «Kasah Yallih innah an» intaah, Yalla is celsissa'mmay, sahdaytu kinnito ikkal Yalla hinnito.

Yacedkel 28:9

Hay, koo qidoonuh yamaaten saaku, anu Yalla kinniyo keenik maay axcettoo? Koo qidu waa mari kol yamaatu waa saaku, Yalla hinnitoy bani-adantu kinnitom koh ambulleele.

Yacedkel 35:13

Tirtirisak yi giddinaamak edde yabten yab kee ceele-waytoy inteenihiyya siinik oobbeh.

Yacedkel 39:7

Yi migaaqay taahirik yani Israayil ummatay yi ummatah tanihiyyah addal akah yamixxige'nnah abeyyo. Tahak wadir ceele-waa migaq yoh abaanam maqansiisa. Tohuk wadir gersi baaxol yan mari inkih, anu Israayil rasul taahirik yan Dagelta kinniyom yok aaxigelon.

Daaniyel 7:25

Yallay inkih daga raaqahiyyak aaminnaanim axceleh, Yallih ummattat xukkutele. Muusa keenih yecee xinto kee qiddi ayroora elle suge wayte'nnal korisam keh gabbateleeh; wakti kee waktitte kee waktik garab gide isi amrih gubat heele.

Daaniyel 8:11

Qaran qaskarih Mirac lih kinni way qeebi abam faxeeh, kulli ayro kaah abak sugen sadgat abe kaleh. Yallih Qibaadah-Qari nadaasa abe.

1 Samuwel 17:26

Dawud isi garil suge marak iyyeemih, «A Filistiin num qideh, Israayil mara a migaq-sinnak currih yayyaaqu waa numuh maca aceelon? A Filistiiniitih diini mali fiiruk iyya yekke waqdiiy; waara Yallih qaskarat qeebi aba'gid akah yemeetem?» iyye.

1 Samuwel 17:36

Lubokwa kee gersi alluwwa qideeh; a Filistiin-numuy diini aalle waah, waara Yallih qaskarih migaq baysahiyyak toh abeyyo.