Yasaqya 37:19 - NABUWWA KEE MALIKWA

¹⁹ Too mari Yallih aftoh luk suge duyye keenik carriseenih foyya abeenim numma. Takkay immay woh sahdayti isi gabak xeet kee cooxuk bicse duyye ikkal Yalla hinna.

Yasaqya 37:19 ပူးပေါင်းရင်းမြစ်များ

2 Samuwel 5:21

Filistiin-mari kude waqdi, Yallih aftok aqbuduk sugen duyye elle cabeenih kuden. Sarra too duyye Dawud mari gabat luk gexen.

Yasaqya 10:7

«Assuuriyah malikih tu gactek, isi bagul malseemih amol yaniih, mango baaxo baysam faxak yani'mmay,

Yasaqya 17:8

Isinni gabak bicsen aroocay sadgat elle abaanahiyyal kibaal haak maraaqan. Tonnah kaadu Aseera deqsittaamay yaqbudeenihiyyah astah heenih sugen gurumuuda kee, qaydarus elle qeerisan aroocal kibaal haak maraaqan.

Yasaqya 2:8

Ken baaxol xeet kee cooxuk bicsen duyyeeyay yaqbudeeni kibuk tan. Too duyyey isinni gabak bicseenihiyya yaqbudeenih, gabat oren duyyeh gomboh radan.

Yasaqya 26:14

Mayanin, alqo, boodo oobeeniih; Mayaduuran; kabrik muugutan. Ken digaalteh ken bayisse'kkal, aysa rooci keenil magaca. Ahak wadir ken kassam matan.

Yasaqya 41:24

Cubbussa hayteenik, Yallah liton duyyeey, is tuh tanim hinna; tu abtu madudda. Ken dooritak yaqbude mari umâ-yabulih tanim yekke.

Yasaqya 41:29

Cubbussa hayteenik, tah deedala'kkal tanim hinna. Too duyye abtam mali. Deedalaay baditi'kkal tuxxiq lem hinna.»

Yasaqya 41:7

Gaba naggaarinna le num dahab bicsa numuh aytikuma yecee. Yaqbuden ceelo gabah orra heeh yaysororooce num, bismaarat aatakuk tittat xakbisa numuk, ‹Meqe'nnal abtah tanik tama'nnal ab› 'yaanam iyya. Woo yaqbuden ceelo rade wayta'gidih, soolisaanaah bismaarat xakbisan.

Yasaqya 44:17

Wohuk raqte bocoh tu gactek, yaqbuden ceelo akak bicissa haah, foocal akak qibaadah gomboh radan. Dooqah too ceelo kallacaanaah, «Yi dagelti kook, yoo wad» 'yaanam iyyan.

Ermiyaas 1:16

Qagissa heeh yok iyyemii, ‹Yi mari umaanet asa. Yoo cabba heenih yalla axcuk yaqbudeenimih qaydarus ruubaanaah; isinni gabak bicsen duyyeh qibaadat gacen. Tohuk gexxaamah ken digaaleyyo.

Ermiyaas 10:11

Too duyye yaqbude marak intaanamah, «Isin taqbuden duyye qaran kee baaxo magininna. Tonna immay isih bayak maaciseleeh, baaxo bagul maraagta» keenik inxica.

Ermiyaas 16:20

Sahdayti isi Dagelta isi gabak bicsam, bictam hinna'mmay, ni abbobti toh abak sugte. Gabak bicsen duyye Yalla matakka› 'yaanam axcelon» exce.

Ermiyaas 2:11

Too mari dumaak yalla 'yeenih aqbuduk sugen duyyey isinni gabak bicseenihiyyal uxih yaamineeniih, akak makorsitinnon. Isin yi maraw, siinih tu gactek yooy naba Dagelta kinnihiyya cabba hayteenih tu xiqe sinniimih qibaadat gacten.

Daaniyel 11:8

Oson yalla 'yeenih yaqbuden duyyeey birtak bicsen ceeloola kee, dahab kee lakqok bicsen duyye Masri fan dannabah beele. Tohuk lakal dago sanootah Suuriyah malikit qeebi maaba.

Daaniyel 5:23

qaraanal yan Goytak giddih tan taamah taamitteeh; kay qarik dannabah orbisen kobbaayiy kee sacnittel, koo kee ku xintoh miracwaay ku agabu kee caggô-gubbih caggoh ginnaaqot lito agabu, qinabak bicsen kamri tooqoben. Too waqdi yalla axcuk dahab kee lakqooy nacaas kee biriitaay coox kee xeetik bicissen duyyey tu aabbe waytah tu able waytah tu aaxige waytahiyya faylisse. Yallay koo wadaah koo qidaah atu abba haytem inkih gabat lehiyya massakaxxinnito.

Hosiqa 8:6

Israayil mari yaqbudem, num gabak bicse duyye ikkalah Yalla hinna. Samaariyal yan mari yaqbude daheltih ceelo bututtukku heelon.