Yasaqya 37:18 - NABUWWA KEE MALIKWA

¹⁸ YALLAW, Assuuriyah-amoytitte nummah baadal tan doolatwa bayisseeh; ken baaxooxa abur abeenih caben.

Yasaqya 37:18 ပူးပေါင်းရင်းမြစ်များ

2 Malikwa 15:29

Fekac malikih suge dabaanal, Assuuriyah malikiy migaaqah Tiglat-Fileeser deqsitahiyya Qiyon kee Aabil-Beet-Maqka kee Yanowac kee Kedes kee Caxor deqsitta magaalooli kee, tonnah kaadu, Gilqad kee Galiil kee Naftaali marih baaxo Israayilik raaqiseh. Woo baaxol suge mara Assuuriya fan seewah bee.

2 Malikwa 16:9

Malik Tiglat-Fileeser, Acad kaah ruube farmol, qaskar luk Damasko gaaduh yemeeteeh magaala qeebit raaqise. Sarrak woo magaalah mara Kiir baaxo fan seewah bee. Malik Raaxin qideh.

2 Malikwa 17:24

Assuuriyah-malik, Baabelon kee Kuut kee Qiwwa kee Camat kee Safarwayim deqsitta magaaloolik sinam beyya heeh, Israayil-mari akak yiskiliqen Samaariyah-rasul tan magaaloolil nookise. Tonnal too mari Samaariyah-rasul tan magaalooli isinnih raqsiteenih, elle nooken.

1 Aydaad 5:26

Tonna leemiik Israayil doore Dagelti, Assuuriya deqsitta baaxoh malikiy Ful deqsitahiyyat ken baysaamih fayxi hee. Woo malik kaadu Tiglat-Fileeser deqsita migaaqal amixxiguk yen. Too waqdi Ruuben-kedo kee Gaad kedoh yooboke mara kee Manassê-kedoh yooboke marak garab seewah beenih, Calac kee Cabor kee Haara kee Goodan deqsita weeqayti garil tan baaxol ken gacsen. A saaku fanah tokkel yanin.

Yasaqya 49:17

Sin xaylo xayi saaku amaateleeh, sin bayisak suge mari gexele.