Yasaqya 37:12 - NABUWWA KEE MALIKWA

¹² Yi kaxxa abbobti duma yan daban, Goodan kee Caaran kee Resef migaq luk ten magaalooli qeebit xabba heenih bayseeni'mmay, woo mari elle aamanuk suge yallitte keenih xiqtem mali. Talassar deqsitta'kkel suge Qadan mara seleh immay, too marih yalli kaadu tu keenih maxiqinna.

Yasaqya 37:12 ပူးပေါင်းရင်းမြစ်များ

2 Malikwa 18:11

Assuuriyah-malik Israayil-mara Assuuriya fan seewah bee. Sarrak keenik tu takkem Calac magaalal nookiseeh, gersi mara keenik Cabor weeqaytih garil Goodan deqsita rakaakayal nookise. Wohuk raqtem kaadu Meediya deqsita marih-magaaloolil nookise.

2 Malikwa 19:12

Yi kaxxa abbobti duma yan daban, Goodan kee Caaran kee Resef migaq luk ten magaalooli qeebit xabba heenih bayseeni'mmay, woo mari elle aamanuk suge yallitte keenih xiqtem mali. Talassar deqsitta'kkel suge Qadan mara seleh immay, too marih yalli kaadu tu keenih maxiqinna.

Yasaqya 36:18

Ciskiyyaahu, YALLI nee ayyaaqele iyyah immay kay yab maamanina. Aki baaxo mari yalla axcuk yaqbudem, ken baaxo Assuuriyah-malikih-gabak maay catte?

Yasaqya 36:19

Camat kee Arfadal suge marih yallitte ankel tan? Safarwayimil suge marih yallitte ankel tan? Samaariyah yalli keenih xiqem maay le?

Yasaqya 36:20

Ta mari yallah luk yen yallitte, anu a mara ibbixe saaku, keenih xiqtem mali. Hay tonnal, YALLI Yarusalaam catelem mannal siinit celta?» keenik iyye.

Yasaqya 37:13

A saaku Camat kee Arfad kee Safarwayim kee, tonnah kaadu, Heenaq kee Qiwwah malikwa ankel tanim kot celta? Ta saaku ta amoytittek num mayan» 'yaanam warkatal yuktubeh, farmoh kaah ruube.

Yacedkel 27:23

Caaran kee Kanne kee Qadan deqsitta magaaloolil yan mara kee, Sabak yemeete badaaqat-aba-mara kee, Assuur kee Kilmad magaalal yan mari inkih, badaaqat ko'lih abak yenen.

Yacedkel 28:13

Qadan bustaanay Yalli isim abehiyyah addal sugte. Qax amqinnaan luul qax koo yeymeeqe. Qisi kee anxaxinan kee kuclinan kee walqin bisu le bila xagaral le sartanat sugte. Dahabak bicsen duyye bilqah xagaral luk ten. Koo bicsen saaku, too duyye koh yeceen.

Qaamus 1:5

Damaskoh magaala akak culan gasoh afoofi aggiggileyyo. Awen Golo deqsitta'kkel dabaaqah yan mara bayseyyo. Beet-Qadan xiinisa abba kaadu bayseyyo. Suuriyah mara Kiir rasu seewah beelon› iyya» 'yaanam iyye.