Yasaqya 36:2 - NABUWWA KEE MALIKWA

² Assuuriyah-malik, Laakis-deqsitta-magaalak qaskar-abbah-yan-num Yarusalaam fan ruube. Too num mango qaskar gabat hayya heeh gexeeh, daga-raqta-dorak lee akak tamaate caraata elle obta'kkeh xaqul, «Sara kaqlisa marih Booxa» deqsita arac fan beya gital soole.

Yasaqya 36:2 ပူးပေါင်းရင်းမြစ်များ

1 Malikwa 20:2

Too waqdi Israayil-malikih yen malik-Acabay woo magaalal yenehiyyah farmo ruubeeh iyyemii,

2 Malikwa 18:11

Assuuriyah-malik Israayil-mara Assuuriya fan seewah bee. Sarrak keenik tu takkem Calac magaalal nookiseeh, gersi mara keenik Cabor weeqaytih garil Goodan deqsita rakaakayal nookise. Wohuk raqtem kaadu Meediya deqsita marih-magaaloolil nookise.

Yasaqya 36:8

«Anu malik Sanceerib afak sin lih yaabu waa. Isin xoxbisa mara akah geyteenik, namma alfih faras siinih baahu waa.

Yasaqya 7:3

YALLI, Yasaqyak iyyeemih, «Ku baxay Siir-Yasub deqsita gabat luk gexay Malik Acadat ongoorow. Daga raqta dorak bicsen caraatak obta lee edde taade aracay, «Sara kaqlisa marih Booxa» deqsita arac fan beya giti qaxal yanihiyyal, kaa geetto.

Ermiyaas 34:7

Usuk too farmo warsa'gidih yemeete waqdi, Baabelon-malikih-qaskar Yarusalaam magaala tabbixe'gidih, qeebi teetit abak sugte. Tohuk kalah tan Yuudak namma magaalay gaso maroh edde taniih, migaaqah Laakis kee Qadeeka deqsittahiyyay tohum fanah antixibbixe'kal sugtehiyya yabbixeeni'gidih, qeebi edde abak sugen.

Miika 1:13

Laakis magaalal yan maraw, faarisit gaari xakabaay, edde kuday isillima. Israayil mara abah tublen dambi ken kataatak abteeniih, Yarusalaam mara dambit asissen.

Miika 1:9

Samaariyah mara yabbaxu waa biyak, caba biyak hinna. Yuudâ mara kaadu too bis le biyak abbixele. Baati yi mari elle yan Yarusalaamak culma gufele» iyye.