Yasaqya 36:16 - NABUWWA KEE MALIKWA

¹⁶ Qagseh yab bisoh beyak iyyemii, «Assuuriyah malik siinik iyyemii, ‹Bica yo'lih abaay edde tanin ikkek eweqay gaba yol ucuya. Toh abteenik, kulli num siinik is qinabih xaylo akmele. Sin *subla siinih xalta xaylo akmetton; isinni qelwak lee aaqubetton.

Yasaqya 36:16 ပူးပေါင်းရင်းမြစ်များ

2 Samuwel 8:6

Sarrak Damaskoh-rasih addal isi qaskar hee. Tohuk wadir too mari kay gubat gaceeh gabbara kaah agdayuk raaqe. Dawud qeebi elle abinnaan ikkel YALLI nasri kaah yecee.

1 Malikwa 4:20

Yuuda kee Israayil mari mangah arrooqih gide akkuk yeneeniih, isinnih elle faxen innal akamukuuy aaqabuk farcaanak yenen.

1 Malikwa 4:25

Usuk suggu 'yem fan, Israayil kee Yuudah yooboke mari amaanah xiinak suge. Kay dabaanal Israayil kee Yuudâ rasul suggu 'ye mari amaanah yeneeh; numtin amol qinab-xalta-caxa kee *sublayto luk yenen.

2 Malikwa 18:31

Qagseh yab bisoh beyak iyyemii, «Assuuriyah malik siinik iyyemii, ‹Bica yo'lih abaay, edde tanin ikkek eweqay gaba yol acuya. Toh abteenik, kulli num siinik is qinabih xaylo akmeleeh, isinni *sublak kaadu sublâ-xaylo akmettoonuuh, isinni qelwak lee aaqubetton.

2 Malikwa 5:15

Too waqdi isi mara is lih hayya heeh Eliisaq fan gexeeh kaak iyyemii, «Tawayaay Israayil ummat taqbude Yallak sah Yalli mayanam eexegeh. Tonna'mmay Yallih numow, a mattaco yok oggol» iyye.

Yasaqya 36:17

Sarra sin baaxoh bis le baaxo sin beeyyo. Too baaxol darok cayyetton. Qinabak bicsen kamri kibuk elle yan baaxo. Gaqambo kee qinab xala coox kibuk elle yan baaxo.

Miika 4:4

Kulli num isi buqre kee isi bustaanih garil amaanah xiineleeh; akak meysitaanam matan. Tah abtu waytaamih xagana cultem, YALLAY Nabaamak Nabahiyya.

Zakariyya 3:10

Too ayro kulli num siinik qinab coox kee salfa le caxâ-miru xala cooxih gubal gacca 'teenih, cuggaaneh siinik yan marah qibnaytiinoh isinni buxal xigla abettoonuuh; amaanah xiinetton. Tah intam yoo YALLAY Nabaamak Nabahiyya› 'yaanam iyyah yan» iyye.

1 Samuwel 11:3

Too waqdi Yaabes magaalah abbobti kaak intemii, «Inkih tan Israayil baaxoh farmo rubnam fan, malcina ayroh gide neh sugaay; too malcina ayrot catoh num neh amaate wayya heek, too atu inteemit orbenno» kaak iyyen.

1 Samuwel 25:27

Ku maganak away koh baahe duyye yok ibbixaay ku marah ucuy.