Yasaqya 35:8 - NABUWWA KEE MALIKWA

⁸ «Taahirik yan gita» deqsita giti too baaxol awqele. Taahirik ane sinni mari gitah wokkek magaca. Woo gita gactu waytam, woo gitih mara. Too gita gaca maraay tu-iggimaane le marah agantah mabadisa.

Yasaqya 35:8 ပူးပေါင်းရင်းမြစ်များ

Yasaqya 11:16

Yalli, isi-marak saaboh raaqe marah, duma Israayilih Masri rasuk akak yawqen gita elle bicse innal, keenih kaadu Assuuriyah rasuk akak yawqen gita bicsele.

Yasaqya 19:23

Too ayro, Masri mara kee Assuuriyah marih fanat kaxxa giti gacele. Too namma rasih marak mariiy maral safarah gexeleeh, ken namma rasih mari titta lih YALLA aqbudelon.

Yasaqya 30:21

Edde gexxan gitak guri kabul afkune kee, migdi kabul afkune takken waqdi, kay xongolo aabbettoonuuh, «Giti ah kaak; akkek gacay gexa» 'yaanam axcih aabbetton.

Yasaqya 33:8

Kaxxa gitittel lac mayanaay num mayana. Meysih, num woo gitittet magexa. Sitta elle geenim makot cabte; magaalooli yibbixeenih; yassakaxxen num mayana.

Yasaqya 4:3

Too wakti baatik saaboh raaqe maray Yarusalaamal yani, taahirik yan mara akkele. Too maray Yalli Yarusalaamal raaqaana'gidih doore, migooqa akak tunkuttube mara.

Yasaqya 42:16

Inti maleela duma edde gexe wayte gitat beeyyo; duma aaxige waak sugen gitat ken beeyyo. Diteh sugte baaxo ifu keenih bahsiiseyyo; umuk suge gita saytun-gita abeyyo. Abu waam tamahaay; duuduse'kkal fanat ken macaba.

Yasaqya 43:19

Away qusbaamay bicsam faxahiyya liyok, wagita; taway tohih abtoh addat ani'mmay, wagita. Bacarih tan baaxot gita bicseyyooh; bakarroyta le baaxooxal daroori abeyyo.

Yasaqya 51:10

Bad kafisseeh adda xer badak gudek gita teyyeeqem koo. Woh akah abtem, isih waddam faxxa mara badak tabissa'gidi.

Yasaqya 52:1

Siyon maraw, uguta! Isinni qande kee nabna haysita. Yallih maray *taahirik yani kinnitoonuk, meqe sartanat gaca. Ahak wadir diini-maleela kee nadaasa-leela sin gasoh afak maculta.

Yasaqya 52:11

YALLIH Qibaadah-Qarih-duyye quukah beya maraw, wokkek eweqay gexa. Nadaasah tanim gabah maxaginaay, taahirik gacay gexa.

Yasaqya 57:14

YALLI iyyaamah, «Gita yi marah fiyaay bical keenih haa. Adaf keenil takke duyye giti afak keenik kala» 'yaanam iyyah yan.

Yasaqya 60:21

Ummatta cakkik-tan-taamah taamitele; baaxo kulli way kenim akkele. Liyoh an qax-maqaane keenil elle tambulle'gidih, ken bicisseeh ken daabissem yoo.

Yasaqya 62:10

Magaalah afoofik eweqa; magaala fan yaduure marah gita bicisa. Gita nagay bicisaay xeet akak kala. Asta-yakku-waa-qalam baadal-tan-ummattah haysita.

Yasaqya 62:12

Too mari migaaqah, «Yallih ummattay *taahirik tani» deqsitelon. Tonnah kaadu, «YALLI wade ummatta» deqsitelon. Siyon-magaala, «Yalli faxa magaala» deqsiteleeh, «Yalli ahak sarra cabe sinni magaala» deqsitele.

Ermiyaas 31:21

Akak gexxen gital asta haay caba. Woo gita cubbusay raaqa. Taduuren saaku, too astal, akak temeeten gita kassa heetton. Israayil maray kiciyyohiyyaw, isinni magaalooliy cabteenihiyyah uduura.

Yacedkel 43:12

Qibaadâ-Qarih xinto ah teeti. Qaleh amol Qibaadâ-Qari kee too qarih dariifal yan arac saytuniih, elle yani'nnaak Yallih taamah haysitelon» iyye.

Yacedkel 44:9

Tohuk gexxaamah, yoo YALLAY Mulki lehiyya sin aysixxigeemih: faxe allî-baaxoh maray solot sinni takkuu, yi yab cina mara takku, yi Qibaadah-Qari cule waanama. Tonnal yan allî-baaxol maray Israayil marih addal yanihiyya kinni-way cule waama» iyye.

Ayyuqel 3:17

«Too saaku Israayil maraw, anu YALLAY sin Dageltah yani kinniyom yoh aaxigetton. Anu elle anim, Siyon qaley taahirik tani kinnim aaxigetton. Yarusalaam taahirik tan magaala akkeleeh; afak temeete qaskarih gabat maradda.