Yasaqya 35:2 - NABUWWA KEE MALIKWA

² Birro kaxxa ubkah aabukele. Bakarroytah ten baaxo farcatah qililisele. Too baaxo Lubnaan le nabna geeleeh, Karmel kee Saaron deqsitta baaxo le qaxa geele. Sahda YALLAY ni Dageltah yanihiyyah-nabna kee qaxa ablele.

Yasaqya 35:2 ပူးပေါင်းရင်းမြစ်များ

1 Aydaad 16:33

YALLI baad xiinisuh amaatele. Xiinisa'gidih yamaatu waa ayro, garbo kee coox inkih qililsele.

1 Aydaad 5:16

Gaad deqsitta kedo elle sugtem, Gilqad kee Basan kee too rasuk dariifal tan baaxo kee, inkih tan Saron deqsitta baaxoy saq elle yaloolehiyya.

Yasaqya 25:9

Aham takku wayta saaku kulli num, «YALLI ni Dagelta kinnih, kibaal kaal hayneh, nee wadeh. Yalli kaa kinnih, kaa naamineh. Nee waddem kaa kinnuk, nafriceemiiy wallinnaama» axcelon.

Yasaqya 27:6

Ahak sarra tamaate ayroora Yaqkuubuk samad daabimele. Israayilik ummat saadele; caxâ-miri baad duudusele.

Yasaqya 32:15

Takkay immay sarra yan saaku, *Yallih-Roocaaniyya baaxol oobeleeh, bacarih tan baaxo baqurê-baaxo akkele. Baaxol niqmat gaceleeh mango murti orbele.

Yasaqya 33:9

Baaxo kafteeh, coox laqaymuume. Lubnaan garbo kafte. Saronuy qaxmeqe-baaxoh sugte bakarroyta tekke. Basan rasu kee Karmel qalel yan cooxuk ayyuufi luuqa.

Yasaqya 35:10

YALLI wade mari Siyon fanah aduurele; Siyon fanah qililisak africuk aduurelon. Too saaku aben farcatah kulli waqdi africelon. Cisab kee nadaama mayablan.

Yasaqya 40:5

YALLI le nabna kee migaq, ambulleeleeh, qaddoowele; ummat inkih tet ablele. Taham YALLI isih iyyeemi; dumaak xagna akah culeemi» 'yaanam inte ta xongolo.

Yasaqya 40:9

*Yarsalaamah warsa numow, meqe xaagu teetih waris. Fayya le qale fan gexay, amol bukka akak inxicay, ta xaaguy ayti doogisa, warisay, awadah inxic. Siyoonuh, anay fayya haay, a xaaguy ayti doogisa, teetih waris; awadah 'cuy. Fayya hay, anay fayya haay, teetik 'xicay, mameysitin. Yuudâ-magaaloolih marak, «Sin Goyti yamaateh» inxic.

Yasaqya 41:19

Bacarih tan baaxol *sariddo kee tikibleey cebakaay madeeraay wagar kee saagan aysubukeyyo; kaxxa cooxuy iraawo yeceehiyya aysubukeyyo.

Yasaqya 49:13

Qaraanow, farcatah qililis; baaxoy, wallit; qaleelay, ifricay qililisa! Macaay inteenik, YALLI isi marat niya heeh yanih, isi maray biyaakitahiyyah xuwaawe.

Yasaqya 6:3

Tittah seecak yeneeniih, «YALLAY Nabaamak Nabahiyya *kudduusuk yan. YALLAY Nabaamak Nabahiyya *kudduusuk yan. YALLAY Nabaamak Nabahiyya *kudduusuk yan. Kay nabna inkih tan addunya duddah» iyyen.

Yasaqya 60:13

Yi qariy taahirik yanit qax-maqaane haana'gidiiy too qari elle yan magaalah migaq fayya haana'gidih, Lubnaan rasuk nabam meqe coox koh baahelon.

Yasaqya 60:19

Ahaysa laqo ayroh ifut faxxu waytam mantu; bari kaadu alsah ifut faxu waam mali. Yoo YALLI way-baruge-sinni-ifu koh akkele; nabna ku Dageltak geetto.

Yasaqya 60:21

Ummatta cakkik-tan-taamah taamitele; baaxo kulli way kenim akkele. Liyoh an qax-maqaane keenil elle tambulle'gidih, ken bicisseeh ken daabissem yoo.

Yasaqya 61:3

Siyoonul yan maray rookitahiyyah rufto kee farci acee'gidiiy moyyat heen gombodih aftok, qaxa-le-kalabta haa'gidiiy arkaay niyâ-digloh aftok gad kee saare ken absiisa'gidih yoo ruube. A mari cakkit yan mara deqsiteloonuuh; YALLIH nabna kee qaxa yaybulleeni'gidih YALLI isih yuysubuke kaxxa cooxih innah gacelon.

Yasaqya 66:10

Yarusalaam magaala kicna maraw, tet lih ifrica. Tet rufto sin rufto takkay. Teetih qaadak suge maraw, taway tet lih ifrica.

Yasaqya 66:14

Aham akkih tablen waqdi ruffu axcetton. Qande kee qaafiyat akak geetton. Hay tonnal, YALLI isi naqoosa cataah naqboytit naqabu yaybulleem, kulli num aaxigele.

Hosiqa 14:5

Israayil mara, qabar le baaxo rob elle doogisa'nnal doogiseyyo. Qobor innah wir axcelon. Lubnaan rasih cooxih innah, qande le daabisiyyah ken daabiseyyo.

Cabakkuk 2:14

Bad kibuk akah yan innah, baaxol yan mara kaadu YALLIH nabnah ixxiga duudele.

Zakariyya 10:7

Israayil mari carbil celeema akkele. Qinabak bicsen kamri yooqobe marih innah farcaanak gacelon. Keenik rade mari taham kassiteleeh; too waqdi YALLI ken kaxxa abbobtih xiqem kassitak ruffu axcelon.

Yoosuwa 19:26

Allam-melek kee Qamqad kee Misyal deqsitta magaalooli ten. Ayrô-culma le kabuk Karmel kee Sicor-Libnat deqsitta namma magaala guffa haak ten.