Yasaqya 35:10 - NABUWWA KEE MALIKWA

¹⁰ YALLI wade mari Siyon fanah aduurele; Siyon fanah qililisak africuk aduurelon. Too saaku aben farcatah kulli waqdi africelon. Cisab kee nadaama mayablan.

Yasaqya 35:10 ပူးပေါင်းရင်းမြစ်များ

Yasaqya 1:27

Yalli qadli kee cakki leemih sabbatah, Yarusalaam kee tet addal yan maray toobite waddiimele.

Yasaqya 30:19

Isin Yarusalaamal yan marak ahaysa ruffa inteenih maweqtan. Yalla kallactan waqdi, siinih amqeleeh; cato kaal essertan waqdi, sin catele.

Yasaqya 35:2

Birro kaxxa ubkah aabukele. Bakarroytah ten baaxo farcatah qililisele. Too baaxo Lubnaan le nabna geeleeh, Karmel kee Saaron deqsitta baaxo le qaxa geele. Sahda YALLAY ni Dageltah yanihiyyah-nabna kee qaxa ablele.

Yasaqya 41:14

Yalli iyyemii: «Israayil ummatey, qunxaah boola le marah tantoonum siinik aaxigeh immay cato akak geytaanam, yooy kudduusuk yan sin Dagelta kinnihiyya kinnuk, mameysitina. Sin wadeeni, yooy kudduusuk yan sin Dagelta kinni.

Yasaqya 41:16

Qaraanal siisah innah ken fikiikisetton; silayti qaraanal ken beele. Caaco baaxol ken fuluulukusele. Toh tabloonu waytan waqdi, YALLAT ruffa axcetton. Israayil doore Dageltay *Kudduusuk yanihiyya assakootetton. Tahat yabtam yoo YALLA» 'yaanam iyye.

Yasaqya 60:20

Rooka gaba kok edde kalta wakti amaatele. Yoo YALLI way baruge sinni ifu koh akkele; ayro kee alsah ifuk fula koh ifisak sugeyyo.

Yasaqya 61:7

Ahaysa wacarriy kee qaybik-radiyyak assaaqetton; luk sugten gaddal namma afah yaduure gadda geettoonuuh, qililisetton. Tonnal isinni baaxol assamaaqat xiinetton; amurruqe sinni rufto geetton.

Yasaqya 65:18

Toh aaxaguk ruffa 'xica; daayiman isin kulli way tassa 'xicay qililisa. *Yarsalaam kaadu xiseyyo; farcat le magaala akkele. Tet maray tet addal yani africuk africiseyyo.

Yasaqya 65:19

Yarsalaam akcine liyo; inni marat ruffa axceyyo. Tahaysa weeqi mayakka; tet addal booge matakka; matantabbaay num mayabba.

Yasaqya 9:3

YALLAW, ken teyderreh mango mara ken abetto. Kaxxam ruffu ken heetto. Sahda buqrek daro orbissa waqdi kee dannabah orbiseenim kurrasitan waqdi elle wallitan gurral, ku foocal wallitelon.

Ermiyaas 30:19

Wokkel yan mari Yallah candu gacseleeh farcih qililiselon. Anu keenit hayu waa barkatah andarrelon; yi barkatah sahda tassakaxxe mara akkelon.

Ermiyaas 33:11

sahda qililo elle abah aabbetton. Digibih sinam elle digirah abletton. Anu keenih abe maqaaneh candu gacsaana'gidih, yi Qibaadah-Qari sadgat baaha mara abletton. Sadgat baahan waqdi, yi Qibaadah-Qarih addal, ‹Ummatey, YALLAY Nabaamak Nabahiyya faylisa! YALLI maqaane le Dageltak, candu kaah gacisa! YALLIH kacni mayambaxak, tohul candu kaah gacisa› 'yaanam axcuk, candu yoh gacselon. Ken baaxo fanah ken gacissaay gaddaloola ken abba heemih candu yoh gacselon. Tahat yabtam yoo YALLA» 'yaanam iyye.