Yasaqya 34:6 - NABUWWA KEE MALIKWA

⁶ Sadgatah qidan saqa edde yasguuden gilel, qabala kee xayti elle raaqa gurrah, YALLI a mara edde qidu waa seefih bagul, qabal kee xaytak mangom raaqele. Macaay inteenik, YALLI Bosrâ-magaalal sadgatah ken qideleeh; Edom baaxol ken asguudeleeh, selele.

Yasaqya 34:6 ပူးပေါင်းရင်းမြစ်များ

2 Samuwel 1:22

Yonaatan luk yen macaxi numut radek, wadak manannaay; radek, qidak yene'kkal. Cayla-leelah yen kay naqboytit qidak yen. Saawul-seef selli hee week wadak mananna.

1 Aydaad 1:44

Belaq rabe saaku, Bosra deqsitta magaalal yooboke Derac deqsita numih baxay migaaqah Yobab deqsitahiyya kay lakal dardaare.

Yasaqya 29:2

isin faxe qiid abtaanamah, Yalli, «Anu a magaala biyaakiseyyo» 'yaanam iyyah yan. «Yarusalaam boogiseleh, rookitele. Sadgat elle aban aracal qabal elle caxita innah, magaalal qabal caxitele.

Yasaqya 34:5

YALLIH seef qaraanal tanim baysek lakal, Edom maray baati elle amrisehiyya too seefit bayele.

Yasaqya 63:1

Edom-rasuk Bosrâ-magaalak tamaatem iyyay? A qajaaqibih yan sartanay xarbat qassoowehiyyat gacteh, fooca fan annah nabna kee kaxxa qande luk tamaatem iyyaay? «Tah, yooy sahda waduh qande leeh, qadaalat luk yaabak yamaatehiyya kinni.»

Yasaqya 63:3

«Amah, ummattat inkih qinab xayloh innah eeqete. Toh, innih dibuk abe'kkal, baadal tan ummattak inkih, num yo'lih maabinna. Enneeqebbe waqdi keenit eeqeteeh, ken qabal sara yok bayseh.

Yasaqya 65:12

Sin ellecabo tah teeti: Uma rabay ableh uma rabettoonum raq lem hinna. Sugdi-gadda sin abeyyo; tamah siinil baahu waama. Taham siinil 'kah baahu waam, siinih seeceeh yok cinteeniih sin lih yaabeh aabbe cinten. Yok foocal umaanet assen; yi yab cinteenih uf inten. Anu faxe waa gitittet gexxeenih tohum dooritten» 'yaanam siinik iyye YALLI.

Ermiyaas 12:12

Baaxo inkitanuuk bayisu waa mara ruubeyyo. Carbi keenit abu waa mara keenit ruubeyyo. Sinam buubu waa mari, gitah bakarroytah tan fayya le aroocaak gacak, wararah keenit amaatelon. Ahaysa amaan mageyan.

Ermiyaas 25:34

Baaxoh abbobtih yan maraw, weeqa boogisa. Rookitaay gombod bagul ubruka. Sin edde yasguudoonu waan uddur yemeeteh. Yasguuden maruwih innah maasayya maasayyah sin kuramkurelon.

Ermiyaas 46:10

Immay ta ayro, YALLAY Dagelta kinnih Nabaamak Nabahiyyah ayro kinni. Ta ayro YALLI cane edde gacisa ayro. Ta ayro YALLI isi naqboyta edde digaala ayro. Kay seef saabo cabba haanam fanah ken selele. Ken qabalak cayya 'yam fanah ken selele. Macaay inteenik, YALLAY Dagelta kinnih Nabaamak Nabahiyya, kilbatak Fuurat weeqaytih xaqul tan baaxol sadgatah ken qidele.

Ermiyaas 49:13

Bosrâ-magaalat baati akkeleemih inni migaaqal xiibita. Umâ-yabulih tanim teetit akkeleeh, num sinniih lac sinni abuuruh raaqele. Sahda teetil anqaasele. ‹Bosrat tekkem siinit takkay› axcuk abaaroh tet haysitelon. Tet dariifal tan gaandoodi abur akkele. Kulli waqdi abuuruh raaqele. Tahat yabtam yoo YALLA» 'yaanam iyye.

Ermiyaas 49:7

Edom giddinaamak YALLAY Nabaamak Nabahiyya iyyem ah teeti. «Edom mari luk yen kas cabeh innaa? Ken fayisak yen marih kas manke gexeeh? Oson luk yenen kas keenik kuuleh maay maacise?

Ermiyaas 50:27

Qaskar keenik sela. Saqi innah ken usguuda. Baabelon mari bayele. Keenit digaala edde takku wayta wakti yemeeteh» iyye.

Ermiyaas 51:40

Anaqti innah, ken elle yasguudoonu waan arac ken beeyyo. Wadar innah, ken elle yarciidoonu waan arac ken beeyyo. Illi innah, niyya keenit elle aboonu waan arac ken beeyyo. Tahat yabtam yoo YALLA» 'yaanam iyye.

Yacedkel 21:10

Kaa abak yenen arbaqiyyat sinam qidimih bical yan. Kaat abeenih yanin duugoh cankaxi innah liliq iyya. Yi marak maabina 'yeeniih digaalooli keenit tekkeeh; tohuh akah maaduurinnon. Ruffu 'yaanam gaba kalteh.

Yacedkel 35:8

Qaleelah amo sahda raysak kibbiimeleeh; carbit rabu waa marih ginaada koomaami kee goloolaay daqor buulele.

Qaamus 1:11

Kaadu qagissa heeh iyyemii, «Aham YALLI iyyaama. ‹Edom mari fiiruk geerah dambi le taama abeenih; tohuk gexxaamah ken digaaleyyom digga le. Israayil ummatay ken toobokoh tanihiyya admoh qidan dubaalih gurral qiden. Racmatta sinni qidimih ken qiden. Way cabe waan naqabu afqadot keenih heen.

Xafanya 1:7

Mulki le YALLIH cokmih ayro xayih immay kay foocal tibba 'xica. YALLI too ayroh masgaada bicseeh, Yuudâ mara buubu waa marah seeco abeh.