Yasaqya 34:2 - NABUWWA KEE MALIKWA

² YALLI kulli baaxoh doolata'lih qeebih yan. Kay bagcarra yakkeenimiik keenil oobeleeh, ken bayselem keenil yuckumeh yan; ken marih-qidimih bical yan.

Yasaqya 34:2 ပူးပေါင်းရင်းမြစ်များ

Yasaqya 10:5

YALLI iyyeemih: «Woyyow, Assuuriyat takku waytaama! Inqibe mara edde digaalu waa caxxih aftoh Assuuriya liyo. Yi bagcarra, gabat le caxxa keenik tan.

Yasaqya 13:5

Inkih yan baad baysaana'gidih, YALLA kee, isi bagcarra gabat le qaskar baad edde yaadiye xer baaxok yamaaten.

Yasaqya 13:6

YALLIH ayro amaatelek, boogisa! Qande le Dagelti baati edde baahu waa ayro xayih.

Yasaqya 26:20

«Yi ummatey, buxah addah cula; qarwak afa isinnit alifa. Yalli naqabuk xamacam fan dago gide kaak ombooqora.

Yasaqya 30:25

Sin naqboytiitit kaxxa sugudi yakku waah, ken kaxxa megdebwa taddigillu wayta saaku, kulli qaleela kee koomaamik lee darah oobele.

Yasaqya 61:2

YALLI, isi mara edde wadu waa wakti kee, isi naqboytit edde digaalu waa ayro temeetem warsa'gidih, yoo ruube. Rookat yan mara aytikumusa'gidiiy

Yasaqya 63:6

Bagcarrite waqdi inkih tan doolatwat eeqeteh ken askirise. Qabala keenik baaxok bagul caxe» iyye.

Yasaqya 65:12

Sin ellecabo tah teeti: Uma rabay ableh uma rabettoonum raq lem hinna. Sugdi-gadda sin abeyyo; tamah siinil baahu waama. Taham siinil 'kah baahu waam, siinih seeceeh yok cinteeniih sin lih yaabeh aabbe cinten. Yok foocal umaanet assen; yi yab cinteenih uf inten. Anu faxe waa gitittet gexxeenih tohum dooritten» 'yaanam siinik iyye YALLI.

Yasaqya 66:14

Aham akkih tablen waqdi ruffu axcetton. Qande kee qaafiyat akak geetton. Hay tonnal, YALLI isi naqoosa cataah naqboytit naqabu yaybulleem, kulli num aaxigele.

Yasaqya 66:16

Addunyal eneyya iyya mara gira kee seefit digaalele. Mango mara keenik qidele.

Ermiyaas 25:31

Usuk aba xongolok radah yan qalê-berri baaxô-maggaraqal antaabbele. YALLI ummattak inkih malkitele; keenik waamah isih keenil ackumele. Uma-maral rabi cokmi abele. Tahat yabtam YALLA› 'yaanam keenik inxic.

Ermiyaas 25:32

«Qagisay keenik intamaa, YALLAY Nabaamak Nabahiyya siinik iyyamaa, ‹Bala temeetek, wagita. Umaane fuluk axcuk baaxook baaxoh marat tabta. Baaxô-maggaraqak kaxxa caaco ugutta› keenik inxic» yok iyye.

Ermiyaas 25:33

Too saaku YALLI qide marih raysi addunyak a exxaay woo exxal qangalaylut raaqele. Too marah num marookita. Raysa keenik ugussaah ken taaguqem mageyan. Saqi dacah innah, elle ken qiden ikkel, elle yanoonay ken axcelon.

Yacedkel 36:5

«Yoo YALLAY Mulki lehiyya dariifal tan baaxooxah mara luk naqabut yaabah aniih, axcihiiy Edom lih naqabut yaaba. Yi baaxo been saaku farcatah rabakaay, iyyi maca nek abele 'yaanamah beeniih, saqi elle yaloole arooca isinnih haysiten.

Xafanya 3:8

«Abletton! Ablettoonuk qambaala meqehik! Anu ummat abte umaane ummatal diggoysu waah, ken umaaneh ken digaalu waa saaki yanih. Doolatwa kee malikwa inki aracal gaabossa heeh, yi naqbi le'nna ken aybulleem faxa. Inkih tan baaxo yi naqabuh obtu wayta girat cararele.

Zakariyya 14:3

Tohuk lakal YALLI dumî-dabaanal akah abak suge innah, too doolatwat qeebi abuh ugtele.

Yoosuwa 11:20

YALLI a mari inkitanuuk Israayil marih gabat akah yambaxeeniih; Israayil mari saabo ken akah cabsiisa innah, Israayil marih qeebit ken ugse. YALLI dumaak, «A marah maracmatina; qeebit selli hee ikkal macabina» 'yaanam Muusa amriseh yen.