Yasaqya 34:14 - NABUWWA KEE MALIKWA

¹⁴ Dubaala kee yanguli dabaq akkele; dabeeli ceelo le ginnitte elle xongolta arac akkele. Bar gexxa alluwwa guubuh elle gacta'gidih wokke amaatele.

Yasaqya 34:14 ပူးပေါင်းရင်းမြစ်များ

Ermiyaas 49:33

Caxor bacarih tan baaxoy num sinniih lac sinnihiyyah raaqele. Tohuk wadir sahdayti dabaaqah teetil magaca'mmay, alluwwâ-dabaq akkele. Tahat yabtam yoo YALLA» 'yaanam iyye.

Ermiyaas 50:39

Tohuk wadir bacarih tan baaxoh alluwwa kee, yangulwa kee inin dabaq akkele. Sahdah tu gactekiiy, wadiriik adok adoh amma 'yaanam dabaaqah teetil magacta.

Ermiyaas 51:37

Baabelon abuuruy wakarwa elle gactu waytahiyya abeyyo. Yable mari, ‹Ces wonnah, able wanninoy› akak iyyan rasu tet abeyyo. Sahdayti dabaaqah teetil magaca.

Malaaki 1:3

Qiiso kee Qiisok rade mara inqibe. Qaleela luk ten Qiisô-baaxo bayseeh, wakarwa dabaq abe» iyye.