Yasaqya 34:13 - NABUWWA KEE MALIKWA

¹³ Amoytittê-gaso kee gaso-maroh-edde-tan-magaalooli keenan le coox kee sissib aabukeleeh wakarwa kee inin dabaq akkele.

Yasaqya 34:13 ပူးပေါင်းရင်းမြစ်များ

Yasaqya 25:2

Magaala huna abte, YALLAW, suge wayteh innal cabte. Gasot maroh tan magaalay naqboytak waaso luk sugte abuuruh cabteh, huna abte. Marin marih kaxxa qarwa duma elle sugte magaala suge wayteh innal cabte. Too magaala tohuk wadir nammeyhaak way maxissimta.

Yasaqya 35:7

Liiqih sinam cararisak yen daqaarak kulli ikke dora akkele. Bakarbakar luk ten baaxol, mango dori racele. Wakri-dabaaqah sugte baaxol, qayso kee bayreey gorrob aabukele.

Ermiyaas 10:22

Toh too tiya'mmay, away xaagi yemeeteh yanik oobbeyay! Kilbat le kabuk kaxxa waxxaqa kee deero aba mari yamaate iyyaana'mmay too mari yamaatu waa waqdi, Yuudâ-magaalooli bacarih gacissa heelon. Oson elle sugen arac wakri guub akkele» 'yaanam keenik exce.

Ermiyaas 49:33

Caxor bacarih tan baaxoy num sinniih lac sinnihiyyah raaqele. Tohuk wadir sahdayti dabaaqah teetil magaca'mmay, alluwwâ-dabaq akkele. Tahat yabtam yoo YALLA» 'yaanam iyye.

Ermiyaas 51:37

Baabelon abuuruy wakarwa elle gactu waytahiyya abeyyo. Yable mari, ‹Ces wonnah, able wanninoy› akak iyyan rasu tet abeyyo. Sahdayti dabaaqah teetil magaca.

Ermiyaas 51:43

Baabelon-rasih-mandarittet tekkem yable mari hagga iyye. Bakarroytah tan baaxo tekkeh; sahda elle deedalta baaxo tekke. Safarah num tokke magexa.»

Ermiyaas 9:11

YALLI yok iyyemii, «Yarusalaam yiddigille abur abeyyo. Wakri dabaq tet abeyyo. Yuudâ-magaalooli abuuruy num sinniih lac sinnihiyya abeyyo» 'yaanam iyye.

Hosiqa 9:6

Ken baaxo bayisu waa saaku, yasillimu waa mari Masri baaxol gexeleeh, magaqah Moofu deqsita aracal ken aaguqelon. Oson duma yedderen qado-lakqo elle luk sugen arooca kee, dabaaqah edde sugen buxaaxi elle ten aroocal, keenik waaqex kee sissib aabukele.

Xafanya 2:9

Waara YALLAY Nabaamak Nabah, Israayil doore Dageltah yanihiyya kinniyooh; inni migaaqal xiibita'mmay, Qammon kee Mooyab deqsita marat duma Sodom kee Gomorra deqsitta namma magaala kee, too namma magaalal suggu 'ye marat tikka 'te baatih innah tan baati keenit abeyyo. Away elle yanin baaxo qasbo elle taabuke booxah raaqeleeh, waaqex elle yaabuke gubbi akkele. Abuuruy way tu elle suge wayta akkele. Yi ummatak carbik saaboh raqtem ken buubeleeh, sarra ken baaxo isinnih haysitelon» 'yaanam iyyah yan.

Malaaki 1:3

Qiiso kee Qiisok rade mara inqibe. Qaleela luk ten Qiisô-baaxo bayseeh, wakarwa dabaq abe» iyye.