Yasaqya 34:1 - NABUWWA KEE MALIKWA

¹ Baaxol enna 'ta doolatway, inkih yoo fanah ama! Xayyoowaay, axcem yok ankacisa! Baadal tan ummatey, yi yaabah ayti ucuya! Baaxo axcem yok taabbay; baaxô-bagul yan mari yi yab cubbusay. Addunya kee addunyak eweqqa 'tam yi yaabah ayti tacaay.

Yasaqya 34:1 ပူးပေါင်းရင်းမြစ်များ

Yasaqya 1:2

YALLI iyyeemih, «Sin lih yabtem, YALLAK; qaran kee baaxoy, ankacisa. Anu innih qarise urri yab yok cineh; xaylo yoo cinteh.

Yasaqya 18:3

Baaxô-bagul yan maraw ankacisa! Qaleh amol qalaamat ugsoonu waan waqdi wagita! Baanta yaaguroonu waan waqdi oobbeya!

Yasaqya 33:13

«Isin allal yan maraw, anu abem wagita! Garil yan maraw, yi cayla ixiga!» iyya.

Yasaqya 41:1

Yalli iyyaamah: «Isin xer baaxol yan maraw, tibba 'xicay yoo fan ama. Baadal tan ummatey, qusba qande haysita. Cokmi-buxal yaabittaanamih nasiib alletton. Gital nek yan num nable'gidih, fooca kee foocah cokmi-buxal nangooroway.

Yasaqya 43:9

Baadal tan ummatta inkih gaaboyseeh doolatwa tittal kobxisse. Too waqdi keenik iyyaamah: ‹Sugay ama isin yalla akak intan duyyey taqbudeenihiyyah addat sarra takku waytam naharal siinih warissem iyya?› inxicay ken esseray. ‹Taham akkele inneh neneeh tohum tekkeh› akak iyyaanam tenek, ‹Naabbu waynak neh warisa› keenik inxicay! Toh nummak sugtek, ‹Aleey oson yallah loonum nummat yabtah tan!› axcenno» 'yaanam iyye.

Yasaqya 48:16

Tonna'mmay ta way kabba 'xicaay anu axcem oobbeya. Dumaak qellite sinni yaabah sin lih yaabak sugeeh; edde yabba axcem inkih nummak macsiisam yoo» iyye. A saaku YALLAY Mulki le isi Roocaaniyya yot heeh yoo ruube.

Yasaqya 49:1

Xer baaxol geytima maraw, allahî-baaxoh ayyuntaw, ayti yoh 'cuya, yoo oobbeya. Aabukeemik dumal elle, YALLI yoo dooreeh, yoo meexe; inâ-bagut elle suge way yoo muggaaqisak yoo doore.

Yasaqya 63:1

Edom-rasuk Bosrâ-magaalak tamaatem iyyay? A qajaaqibih yan sartanay xarbat qassoowehiyyat gacteh, fooca fan annah nabna kee kaxxa qande luk tamaatem iyyaay? «Tah, yooy sahda waduh qande leeh, qadaalat luk yaabak yamaatehiyya kinni.»

Ermiyaas 22:29

Woyyow yi ummatey, woyyow yi ummatey! YALLI siinik iyyam oobbeya.

Ermiyaas 49:7

Edom giddinaamak YALLAY Nabaamak Nabahiyya iyyem ah teeti. «Edom mari luk yen kas cabeh innaa? Ken fayisak yen marih kas manke gexeeh? Oson luk yenen kas keenik kuuleh maay maacise?

Yacedkel 38:17

YALLAY Mulki lehiyya iyyeemih, «Atu, dumaak Israayilih tooboke inni nabuwwah afat, wakti gufa saaku Israayil marat qeebi aba num ruubeyyo akak exceh suge num kinnito» iyye.

Qobadya 1:1

Ah, Qobadya deqsita nabi Edom giddinaamak naharal edde yaabe yaaba. Toh YALLAY Mulki lehiyya kaa yuybulleeh, edde yaabeemi. YALLI isi farmoyta baadal tan ummatah ruubeeh; nanu kay farmo noobbe. Too farmoyti iyyemii, «Nee ugusay Edom marat qeebi abna'gidih nee beya» iyye.

Makaabon 5:3

Isin, malikwak, ankacisa! Baaxoh abbobtik, cubbusa. YALLAY Israayil doore Dagelta kinnihiyyah faylah argideyyo; kaa saariseyyo.

Makaabon 5:31

YALLAW, ku naqboytit ta marih rabah rabtay. Ku kacnoytit tawqe ayroh innah ifay» 'yaanam axcuk saare aben. Tohuk lakal morootom sanatih gide woo baaxol amaan gace.