Yasaqya 33:9 - NABUWWA KEE MALIKWA

⁹ Baaxo kafteeh, coox laqaymuume. Lubnaan garbo kafte. Saronuy qaxmeqe-baaxoh sugte bakarroyta tekke. Basan rasu kee Karmel qalel yan cooxuk ayyuufi luuqa.

Yasaqya 33:9 ပူးပေါင်းရင်းမြစ်များ

Yasaqya 10:34

YALLI, caxa godmat elle yargiqen innal, ken argiqele. Cooxuk inkih yayse Lubnaan cooxih innah radelon.

Yasaqya 14:8

Yinnikisse malikih rabah, saagan coox kee Lubnaan baaxol tooboke sariida ruffu 'teh, ‹Ahaysa atu rabteh ikkal, nee yargiqe mari mayan› iyyen.

Yasaqya 2:13

Lubnaanal tan sariida kee Basan rasul tan garsa baysele.

Yasaqya 24:1

YALLI addunyâ-bagul tanim foyya abeleeh, kaxxa baatih baysele. Baad bayseleeh tet bagul yan mara fixixisele.

Yasaqya 29:2

isin faxe qiid abtaanamah, Yalli, «Anu a magaala biyaakiseyyo» 'yaanam iyyah yan. «Yarusalaam boogiseleh, rookitele. Sadgat elle aban aracal qabal elle caxita innah, magaalal qabal caxitele.

Yasaqya 3:26

Magaala gasoosah afal yan mari rookiteleh weeqeleeh, oson elle sugen magaala, qasunuk heen barray baaxok bagul daffeytahiyyah bis aallele.

Yasaqya 35:2

Birro kaxxa ubkah aabukele. Bakarroytah ten baaxo farcatah qililisele. Too baaxo Lubnaan le nabna geeleeh, Karmel kee Saaron deqsitta baaxo le qaxa geele. Sahda YALLAY ni Dageltah yanihiyyah-nabna kee qaxa ablele.

Yasaqya 37:24

Farmo elle rubte maral Yallih-qayto ruubak sugte. ‹Faras-gaariirat gacca inneh, yoo kee yi qaskar Lubnaan qaleelay fayya le awaquk sugne. Lubnaan qaleelak kaxxa fayya le qaleela awaquk sugne› yaanam inte. ‹Teetil yen kaxxa coox irgiqeh. Qax muquk ten *sariida ragidik irgiqe. Qalek kaxxam xer ikkel tan kaxxa garbo fanah gufeh en.

Yasaqya 65:10

Yol xayyoowam faxa marah, ‹Gadaama› deqsitta golo lac nookisa arac akkele. Saron migaaqah le booxa saq yaloole arac akkele» 'yaanam axcuk YALLI yaabe.

Ermiyaas 50:19

Israayil mara le baaxoh gacseyyo. Ahak sarra ken laa Karmel kee Basan rasul aloolele. Efrayim kee Gilqad rasul taabuku wayta darok isinnih faxeenih gide akmelon.

Hosiqa 4:3

Tohih sabbatah baaxo kafele. Baaxô-bagul sugga 'tem inkih boolaatak boolaatele. Alak alaakulleyti inkih ambaxele. Kimbir kee kullum selliimele» iyye.

Qaamus 1:2

Qaamus iyyeemih, «YALLI, Siyoonuk lubak xongoloh innah tan xongoloh xongoleeh, Yarusalaamak kaxxa xongoloh xongole. Woo xongolo tontoobbe waqdi, saqi alooluk suge qayso inkih kafte. Karmel qaleh amol coox kee anxaxuk sugtem inkih kafte» 'yaanam iyye.

Miika 7:14

Ummat inteemih, «YALLAW, saqi-loynah innal, isi mara dacris. Isi maray isih doorittehiyya dacris. Nanu elle nanim garboh tan baaxo'mmay niqmatak tan baaxo dariifal nek tan. Dumî-dabaanal akah abak sugne innah, Basan kee Gilqad rasuy niqmatak yanihiyya fan genxeh caynay nee inxic.

Naacum 1:4

Bad kee weeqaytu YALLI «Kafa» iyya saaku kafta. Basan rasul tan qayso kee Karmel qalel yan coox YALLI «Kafa» iyya saaku kafa. Lubnaan qaleelal yan qobor YALLI isih faxa saaku kafsa.