Yasaqya 33:24 - NABUWWA KEE MALIKWA

²⁴ Too saaku ni marih addat biyaakita num mageytima. Wokkel woo saaku dabaaqah sugu waa marih dambik Yalli qafu abele.

Yasaqya 33:24 ပူးပေါင်းရင်းမြစ်များ

2 Aydaad 30:20

YALLI, Ciskiyyaahu abe dooqa oggoleh. YALLI wohuk qafu keenih abeeh, tu keenil mabaahinna.

Yasaqya 1:5

Yalli faxe waamak macah aade waytan? Uxih digaalak macayyinnitoonuu? Moyya siinik uxih bakaq leeh; afqado kee misinkaca ahaydumah siinik muurinna.

Yasaqya 30:26

Alsa ifuh ayroh innah gaceleeh, ayro kaadu ifuh malcina adda dumak lafitta axcele. Malcina ayroh ifuy yesgelleenihiyyah bis aallele. Aham takku waytam, YALLI isi mara abeh yan biyaakak edde qaffoysu waa saaku.

Yasaqya 40:2

*Yarsalaam xaylo lih yaaba; racmatta luk ken lih yaaba: ‹Mango biyak siinit yekke, mango waktih biyaakitten; aysa, biyak akket yaade. Abba hayten dambih inkih, dudda luk sin 'kah digaale; aysa dambik qafu geyten› 'yaanam inxica, warisa» 'yaanam iyye sin Dagelti.

Yasaqya 44:22

Abten dambi kee umaane qamburreh innah siinik eyseerreh. Sin waddem yook, tonna kinnuk yol uduura» iyye.

Yasaqya 58:8

Toh abteenik, qusba-mano, saaku tawqe ayroytah innah, siinil ifele; liton dalek xayih uretton. Liton qadaalat sin dacriseleeh, anu liyoh an nabnat kulliimik sin dacrisele.

Ermiyaas 30:17

Wadir edde sugten maqaaneh sin gacseyyo. Naqboytiitih siinik yan mari, ‹Oson dumaak baaxot qiden mara ikkal, sahda keenit waytam mali› siinik iyyaana'mmay, anu abten mudumuk sin urseyyo. Liton dale siinik qaffoyseyyo. Tahat yabtam yoo YALLA» 'yaanam iyye.

Ermiyaas 50:20

Too saaku, Israayil kee Yuudâ-marak saaboh raaqe maray Baabelon malikih gabak rooci edde catehiyyah qafu abeyyoomuh sabbatah, dambi le mari ken baaxol masuga. Duma abeenim keenih cabeyyo. Tahat yabtam yoo YALLA» 'yaanam iyye.

Zakariyya 12:8

Yooy YALLA kinni Yarusalaamal yan mara too ayro dacriseyyooh; gacca 'yaah, kaxxa boola keenik le num Dawud gide qandek aallele. Dawuduk rade mari yoo kee yi malaykattih innah ken miraacisele.