Yasaqya 33:20 - NABUWWA KEE MALIKWA

²⁰ Siyon-qaley qiidih elle asak nenehiyya wagitay; Yarusalaam magaalay qiidih elle asak nenehiyya wagitay. Yarusalaamay amaanak tanihiyya namma inti siinik ablele. Yarusalaam, siraaqay elle daabisan ikkek kate waahiyya kinni. Tet akat mayaggiriqaay masalaca.

Yasaqya 33:20 ပူးပေါင်းရင်းမြစ်များ

Yasaqya 32:18

YALLIH mari isi buxal cisaabak amaanah xiineleeh; gadaamak affoofele.

Yasaqya 33:6

Tet doolatah digga akkele. Teetih dacayri akkele. Kas kee ixxiga keenih aceele. Kaxxa acwa akak 'yaanam, YALLA meysitak yassanabbeenimi.

Yasaqya 37:33

Tonna leemiik YALLI, Assuuriyah-malikit takku-waytam koh warsaah iyyamaa, ‹Assuuriyah malik ta magaala macula. Gaysê-baxa elle maqalaamisa. Gob luk a magaalal maxayyoowa. Tet adda cula'gidih xeet tittin bagul mahaa.

Yasaqya 4:5

Tohuk lakal YALLI, Siyon qale kee tet xaqul gaaboowe mari elle yani ikkel, laqo qamburre ruubeleeh, bar kaadu qer kee habug iyya ifu ruubele. Yallih nabna inkih tan magaala buuleleeh, umaanek tet waasele.

Yasaqya 54:2

Addat akak tan siraq farakka hayisay bagu bahsis. Akoota akak eyxeerra hayisay, edde daabisan biriitat meqe'nnah daabis. «Woh yoh matakka» maxcin.

Yasaqya 66:14

Aham akkih tablen waqdi ruffu axcetton. Qande kee qaafiyat akak geetton. Hay tonnal, YALLI isi naqoosa cataah naqboytit naqabu yaybulleem, kulli num aaxigele.

Yacedkel 48:35

Inkih tan magaalah gaso affara tattabak xexxaarah sagla alfih mitri akkele. Ta magaalah migaq tahak wadir ‹YALLI-akkel-yani› deqsitele» 'yaanam iyye Yalli.

Yacedkel 48:8

Rikeek heen baaxo kaadu ayrô-mawqak xabba haanamaay ayrô-culmah amma 'yaanam takke baaxoy Yuudâ cuduuduh elle yangaleenihiyya haysitelon. Tonnal xexxaarah kedoodah yeceen baaxoh gide akkele. Too baaxo kilbat le kabuk xabba haanamaay gabbi-qaxah amma 'yaanam, taban kee namma kiilomitri kee garab baguh akkele. Yallih Qibaadah Qari too rikeek heen baaxok gudel anele.