Yasaqya 33:18 - NABUWWA KEE MALIKWA

¹⁸ Duma luk sugten kaxxa cunxo luk maraqtan. «Marin baaxoh maray gabbara nek beyak yenehiyya maca abe? Nee gibitak yen mari mayanaa? Amo xer qarwa nek loowak yen mari maca abe?» 'yaanam axcelon.

Yasaqya 33:18 ပူးပေါင်းရင်းမြစ်များ

2 Malikwa 15:19

Migaaqah Tiglat-Fileeser deqsita numuy Assuuriyak malikih yenehiyya Israayil rasu warare. Manacem soddom kee affara alfih kiilo lakqok kaah yecee. Too lakqo kaah akah yeceem, woo malik cato kaah yakke'gidiiy, tonnah kaadu, kay abbootan diggoowaah, nagay cayla baaha'gidik ten.

2 Malikwa 18:14

Too saaku Malik-Ciskiyyaahu Assuuriyah-malikiy Laakis magaalal yenehiyyah farmo ruube. Too farmol iyyemii, «Umam bahtem yoo kinnim innik eexegeeh; atu faxinnaanim koh aceeyyok, ahaysa ku maganak qeebik yok sol» 'yaanam kaak iyye. Malik Sanceerib tohul gacsemii, «Hay tonnal, lakqok tabna alfih kiilo takkem kee, dahabak kaadu alfih kiilo takkem yoh rub» 'yaanam kaal gacse.

2 Malikwa 18:31

Qagseh yab bisoh beyak iyyemii, «Assuuriyah malik siinik iyyemii, ‹Bica yo'lih abaay, edde tanin ikkek eweqay gaba yol acuya. Toh abteenik, kulli num siinik is qinabih xaylo akmeleeh, isinni *sublak kaadu sublâ-xaylo akmettoonuuh, isinni qelwak lee aaqubetton.

Yasaqya 17:14

Bari yakke waqdi cunxo sinaamat qideloonuuh; maaci maacisa waqdi masugan. Ni baaxo buuba marih ellecabo tamah teetiiy; tamah keenit akkele.

Yasaqya 54:14

Cakkik tan maqaane xinto kok akkele; xukko kee cunxok amaan akketto.

1 Samuwel 30:6

Dawud maray xaylo seewah akak beenihiyya kaxxam bagcarriteenih yeneenih; Dawud xeetit qidaanam faxak yenen. Tonna-leemik kaxxa gadaama Dawud tibbixe. Takkay immay YALLAY kay Dagelta kinnihiyya kaa cateh, agiirite.