Yasaqya 33:1 - NABUWWA KEE MALIKWA

¹ Sinam baysew, woyyow kot takku waytaamow! Ku baati tekkeh masuginna'mmay ahaysa akkele. Sinam ganak sugte'mmay, koo gana mari masuginna. Takkay immay sinam edde ganak ten wakti gaba kalla heeh, sinam koo edde ganta wakti amaateleeh, sinam edde bayisak ten wakti gaba kalla haa waqdi, baati kot akkele.

Yasaqya 33:1 ပူးပေါင်းရင်းမြစ်များ

Yasaqya 10:12

Tonna-leemiik, Yalli Siyon-qale kee Yarusalaamal abah yaniimik gaba kalu waa saaku, Assuuriyah malik abah yan tirtiraay leh yan kaxxiina kee hidak gexxaamah kaa digaalele.

Yasaqya 14:25

Assuuriyah maray yi baaxol yanihiyya bayseyyo; inni qaleh amol keenit aaqiteyyo. Inni mara Assuuriyah marih xukkok ayyaaqeyyo; fillal keenik suge quuka keenik kaleyyo.

Yasaqya 17:14

Bari yakke waqdi cunxo sinaamat qideloonuuh; maaci maacisa waqdi masugan. Ni baaxo buuba marih ellecabo tamah teetiiy; tamah keenit akkele.

Yasaqya 21:2

Kaxxam uma wacyi yol oobeeh; ublem, ganoleelay gano abtahiyya. Qamalleelay sinam radda uble. «Qeelam maraw, qeebih gaba qida. Meediyah maraw, magaalat maro haa. Is sinaamal bahte umaane teetik gacseyyo» iyye anay oobbe.

Yasaqya 24:16

Baaxô-maggaraqak saareh-anay nel rada. «Qadaalat kee cakki le Dageltah fayla takkay» inta xongolo nel radah oobbe. Sarrak ganoleelay sinam gantahiyya uble. Too waqdi, «Woyyow yi nabsow, woyyow yi nabsow, unsumuumeh maana! Ganoleela uxih sinam gantah matanaa!» 'yaanam exce.

Yasaqya 31:8

«Assuuriyah mari seefit ambaxele'mmay, toh sahdayti bicse seef hinna. Ken mari too seefik kudele. Ken furrayna naqoosay dirkih tamsiisaana akkele.

Yasaqya 48:8

«Yaaminen mara hinnitoonum aaxigeh. Qunxaaneey akke qamalleela kinnitoonum aaxigeh. Aham akah aabbe wayteeniih xaagu akah gee wayteenim tohu» 'yaanam iyye.

Yacedkel 39:10

Too silac girâ-bocoh haysiteloonuuh; tohuk gexxaamah bocô-goranah coox elle yan booxa magexaanaay, garbok bocoh coox mayargiqan. Ken warare mara warareloonuuh, ken buube mara buubelon. Tahat yabtam yoo YALLAY Mulki lehiyya» iyye.

Xafanya 3:19

Xukko siinit abe mara, edde digaala uddur xayih; maxeeriiy, ahaysa xayih. Kos iyya maray boola le edde wadu waa uddur xayih; maxeeriiy, ahaysa xayih. Fixixiseh suge mara le baaxo fanah gacseyyo. Sinam keenit abta qaybik, nagay ken saytunuseyyooh kaxxa mara ken abeyyo. Qaybi yibbixe baaxooxal, migaq akak yaabben maray faylisaana ken abeyyo. Tohum edde abu waa wakti, maxeeriiy, ahaysa xayih.

Makaabon 1:7

Sarrak Adoonibedek iyyeemih, «Malcina tabanih malikiy iba kee gabak kaxxa-gili akak kalehiyya anu maaqo elle akme miizih gubal yok radda maaqoh buluula onkoysak akamuk yeneeni'mmay; anu keenil baahem a saaku Yalli yok gacseh yan» 'yaanam iyye. Sarrak woo num Yarusalaam magaala fan beeniih; tokkel rabe.

Makaabon 9:23

Tohuk lakal Yalli, Abimalik kee Seekem marih fanat tittin way ruubeeh; tohuk gexxaamah kaat makoyteenih.