Yasaqya 32:7 - NABUWWA KEE MALIKWA

⁷ Xuwaw sinni anaani-leela umaanet assa. Tu maleela edde baysan dirab kee masaakiina cakki edde waysiisan malat gacan.

Yasaqya 32:7 ပူးပေါင်းရင်းမြစ်များ

Yasaqya 1:23

Ku addal abbobtih yan mari qamallitte yekkeeniih, siftâ-kataysiisih yanin. Oson kulli way guqul yakmeeniih, cokmi-aracal qayxiixah le cakki mayaaxigaanaay; gubuunut tekkeemih adda mawagtan.

Yasaqya 11:4

Masaakiinah cakkik-yan-cokmi ackumele. Tu-maleelah cakkik-tan-mekla abele. Iyyem akke leh: digaala elle amrise mari diggalsimeleeh umeynit ambaxele.

Yasaqya 26:10

Dambileelah meqem abta way, tonnal qadli kinnim mabartan. Cakkit-gexah yan marih-baaxol, umam aban; dambi lem baahan. YALLI le misliino kee heebat macubbusan; toh mayaaxigan.

Yasaqya 29:21

Cakki-bagul-yan-maral diraabah-sumaaqita-mari bayele. Cokmi-buxal, cakki-le-mara cakki-waysiisa-mara baati qambalta. Qellat-sinni-mara-cakki-gee-kala-mari bayele.

Yasaqya 5:23

Guqul taagah tablen umeynit gexxay intaanaah, qellat sinni mara cakki gee kaltan.

Yasaqya 55:7

Umeynit edde yanin uma gitak yaduuroonay; baguh yacsuben umaane caboonay. YALLA kinni ni Dageltal yaduuroonay. Toh abeenik, keenih racmateleeh, qafu keenih abele.

Yasaqya 59:15

Yaaminen mari mayanaay; umaanek waasiminnaan numuk amot gacen. YALLI aham yubleeh, qadaalat ane waam yuble waqdi faxe cineh.

Yasaqya 61:1

Masaakiinah yayse-xaagu warsa'gidih YALLAY Mulki le yoo dooreh isi Roocaaniyya yot hee. Tonna luk niya akak tiddigille mara niya haa'gidiiy seewah been marak curri aba'gidiiy casbit yan mara casbik ayyaaquuy YALLI yoo dooreeh farmoh yoo ruube.

Ermiyaas 18:18

Too waqdi ta mari iyyeemih, «Ermiyaasak tuk teena abnam nel tan. Nek faxxintaah nel tanim neh warissa seeka taniih, kasloytiitiy fayu neh yacee kaadu linoh. Yallih farmo neh warissaamak kaadu nabuwwa tanik, Ermiyaas tiyak tuk teena innaama. Usuk axcinnaanim aabbe waynaama» iyyen.

Daaniyel 12:10

Mango ummatta amqiyyiruk taahirroowele. Uma mari tahat maradaay, akah sugen umeynitih raaqelon. Ahat raddu waytam, kas le mara.

Miika 2:1

Miika kaadu iyyeemih, «Deerih gacca 'yeh umam acsubuk xiina maraw, woyyow siinit takku waytaamow! Toh abtoonu duddaanamih sabbatah, maaci maacisa waqdi, xayih bar acsubuk xinten umaanet assan.

Miika 2:11

A mari faxam dirab keenil yecee nabiy ken duquurusa. ‹Qinabak bicsen kamri kee kamri darah innah siinih caxitele› keenik iyya nabi faxan» 'yaanam siinil gacse.