Yasaqya 32:6 - NABUWWA KEE MALIKWA

⁶ Macaay inteenik, duquruk yab saaha mali. Aaminnaanimil malsaanam taamah le. Tonna leemik, YALLA cina num yakkeeh; YALLIH giddinaamak, qellat le yaabat yaaba. Qulula mara mayaskama; bakaarita mara mayafqa.

Yasaqya 32:6 ပူးပေါင်းရင်းမြစ်များ

Yasaqya 10:2

Tu maleelah le cakki mataaxigan. Ken cakki ken geyi mahaytan. Xukko elle tan marah cakki mabtan. Gubun kee qayxiixah im gita maliinot beytan.

Yasaqya 10:6

Assuuriyah-mara, Yalla-maleelay yoo bagcarrissehiyya edde digaaluh ruubeyyo. Ummatta radoonuuy ken garqoonuuy, tonnah kaadu, gital sugte guddaafah innah taqqa keenit iyyoonuh ken ruubeyyo.

Yasaqya 26:10

Dambileelah meqem abta way, tonnal qadli kinnim mabartan. Cakkit-gexah yan marih-baaxol, umam aban; dambi lem baahan. YALLI le misliino kee heebat macubbusan; toh mayaaxigan.

Yasaqya 3:15

Yi ummat xukkot tabbixeeni'mmay, masaakiinah yan marat taaqiteenim cakkik manton. Aham siinik intam, yoo YALLAY Dagelta kinnih, Nabaamak Nabahiyya» keenik axcele.

Yasaqya 31:2

YALLI kas leeh; bala oobissem kaa. Usuk iyyem aba. Tonna-leemiik sarri-leelal gaba qideleeh, umaane aba marah cato yakke maral kaadu gaba heele.

Yasaqya 59:13

Kooy ni Dagelta kinnihiyyal makneeh, koo kataye cinneeh kok nexxeere. Sahdat elle xukkutan inna malisnaah; edde nacsubem, hoxaay; edde yabnam, diraaba. Tah inkih abne» 'yaanam iyyan.

Yasaqya 59:7

Tu baahe wee mara sissikuk qiddaanah, bagi siinik xuwaw mali. Umaanek sa tu mamalissaanaah, elle gexinnaan ikkel baaxo abur kee baatî-gadda abteenih cabtan.

Yasaqya 9:17

Tonna leemiik Yalli furraynak num keenik asillimi mahannaay, ken qayxiixa kee gubuunuk numuh maxuwaawinna. Macaay inteenik, oson inkih Yalla maloonuuy, uma marah yaniiniih; oson edde yabba 'yaanam inkih umaane. Tohuh, Yallih naqbi maxamcaay, ken edde digaaluh ruube gaba wadir magacsa.

Ermiyaas 13:23

Data num le bisu korsam mabicta. Kabqî-xagaral tan baraabarwa kattam bicta? Mabicta. Tonnah hay, siiniy umam abitto bartehiyya meqem abu maduuda.

Yacedkel 34:18

Meqe qayso yakmeemih cayye waa illi siinit yan. Akme waamat taqqa 'teenih gexxan; sila le lee taaqubeeniih, isinnih aaqube waytan lee darraqossan.

Daaniyel 12:10

Mango ummatta amqiyyiruk taahirroowele. Uma mari tahat maradaay, akah sugen umeynitih raaqelon. Ahat raddu waytam, kas le mara.

Qaamus 8:6

Caffa kee daro tittat esgella hayneh sinaamat xaamenno. Mago edde lino masaakiinay mago tagdiyu teffere woo magoh aftok ninni naqoosa abenno. Woo mago ibat lon kabeelih limo gide takkem kinni-way, ninni naqoosa ken abenno› 'yaanam intan.

1 Samuwel 24:13

Dumî-mari missilah, ‹Uma marak umam tawqe› 'yaanam axcuk neh sugen. Tonna-leemik anu innih koo maxaga.