Yasaqya 32:2 - NABUWWA KEE MALIKWA

² Keenik kulli num caacok edde rebsiman reebu akkele. Kaxxa roobuk edde yaggarren reebu akkele. Bakarroytal geen darah gexxa leeh bis aallele. Caxa-sinniih reebu-sinni bacarik-bagul, silal le boolok baguk radda iraawoh bis aallelon.

Yasaqya 32:2 ပူးပေါင်းရင်းမြစ်များ

Yasaqya 12:2

Wadeenah yok tanim Yalla; toh aaxigeh; digga liyo. Kaa aamineh, tuk mameysita. Qande akak geem YALLA kinni; kay dacayrih guba edde anim. YALLAY yoo wade kaa kinni. Faylisam YALLAY yoo wada>> 'yaanam axcetton.

Yasaqya 16:3

Farmoh ruuben mari Yuudâ-marak iyyoonu waanamah, «Abnam neh warisa; abtaanam nek inxica. Carra dahan elle yani'kkel xamcin iraawo qidda caxah innah, nee cataay; ku silaalol silaalinnay nee inxic. Nanu dabbô-mara kinninok, num nee akak gee waa ikket nee uqur.

Yasaqya 25:4

Baaciteeh yossomme marah reebu kinnito, Dageltaw. Gadaama kaa tabbixe way gabat tu sinni miskintuh reebu kinnito, Dageltaw. Too maray ayro carrissah caaco kee rob qayyaawise, reebissah, ken silaalissa. Xuwaw maleelah umaane kaxxa caacoy xeet taggileh inna le'mmay tu mabahta.

Yasaqya 28:17

A magaala edde massowtu waytam, qadaalata. Sekexih gexxaamak cakki kee qadaalat tet sooliseyyo. Diraabay isin elle taamineenihiyya bayseyyo. Isin uqurah liton arac weeqi duufut beele.

Yasaqya 41:18

Bakarroytah sugte koomaamik lee darah akah obta innah abeyyo. Goloolak buyyitte darah oobiseyyo. Bacarih sugte baaxo illalta abeyyo. Buyyittek caxitte lee kafinuk sugte baaxol darah oobele.

Yasaqya 43:19

Away qusbaamay bicsam faxahiyya liyok, wagita; taway tohih abtoh addat ani'mmay, wagita. Bacarih tan baaxot gita bicseyyooh; bakarroyta le baaxooxal daroori abeyyo.

Yasaqya 43:20

Dubaali yoo assakaxxeleeh, wakri kee inin yi assakaxxiyyat gacele. Yoo akah yassakaxxoonu waanam, bacarih tan baaxo lee abeyyooh, Israayil maray innih dooriteh bakarroyta le baaxooxal daroori abeyyo.

Yasaqya 44:3

Macaay inteenik, bakaaritte baaxo allaggoyseyyo; kafinuk sugte baaxol lee darah ruubeyyo. Sin xaylol inni Roocaaniyya oobiseyyo; siinik radda 'ye marat barkat heeyyo.

Yasaqya 7:14

Tonna'mmay YALLI asta isih sin aybulleele. Baxuwwah tan barra aadiqeleeh, lab-baxa xaleleeh, too awki migaaqah Ammaanuwel deqsitele.

Yasaqya 9:6

Macaay inteenik, awki neh yooboke. Baxi neh yontocowwe. Usuk abbootan gabat le. Migaaqah «Qajiibik yan Fayisi», «Nabaamak Naba Dagelta», «Waara Abba», «Amaan Yamliki» 'yaanam kaah axcelon.

Ermiyaas 33:14

YALLI iyyemii, «Israayil kee Yuudâ marah, niqmatat ken xiiniseyyoomuh duma culeh an xagna duudusu waa ayroora amaatele.

Zakariyya 13:7

YALLAY Nabaamak Nabahiyya iyyeemih, «Seefow, ama illi loynay yoh taamitahiyyat rad. Seefow, kaa qid; illi fixixele. Qunxa illit qeebi abeyyo.