Yasaqya 32:11 - NABUWWA KEE MALIKWA

¹¹ A saaku farcaanak yan agabow, meysita! A saaku nagay yanim isik yakkale agabow, gadaamitettoonum ixiga! Sara isinnik kalay *qabuudut gaca.

Yasaqya 32:11 ပူးပေါင်းရင်းမြစ်များ

Yasaqya 15:3

Woo mari, gititteh addal, sartanah *qabuddat gaca. Magaalak maglallah yan arac kee qarwah amol yan mari weeqaah rookita.

Yasaqya 2:19

Usuk baaxo yasgayye'gidih yamaatu waa saaku, YALLA kee kay kaxxa nabnah meysih, ummat gablah addat tambooqorem kee booriimah addat tambooqorem akkele.

Yasaqya 2:21

YALLI baaxo yasgayye'gidih yamaatu waa saaku, ummatta kaa kee kay kaxxa nabnah meysih, gabla kee booriima le qaleelah bagut ambooqorelon.

Yasaqya 20:4

Assuuriyah malik woo namma rasuk carbit yibbixe mara qasunuk beele. Qunxaamaay kaxxam inkih gambi qassih, iba qassih, deega qassih beeloonuuh, Masri mari qaybit radele.

Yasaqya 22:12

Too ayro YALLAY Dagelta kinnih, Nabaamak Nabahiyya iyyemii, «Weeqaay boogisa. Amo isinnik moolaay sartanah *qabuddat gaca» 'yaanam siinik iyye.

Yasaqya 3:24

Qatri suruy ruubak elle yenen ikkel, xagar keenik abcele. Bagul luk yenen caleytih aftok, qax-umaane le akoota bagul heelon. Qax-meqe amô-xagooruy luk yeneenik, moolah raaqelon. Xagaral luk yenen qax-meqe sarih aftok, *qabuudut gacelon. Luk sugen qax-maqaaneh aftok, qax-umaaneh wacarriyelon.

Yasaqya 33:14

Siyon-qalel tan dambileelat kaxxa cunxo hayte. Yalla-maleela meysih axaxitte. «A giray muxuq intak iyyi yalliile? Daayiman urta girat carariyya iyyi faxa?» iyyan.

Yasaqya 47:8

«Hay, tut-baaqid-maleelay tut-carra-maleelay, siinih warisu waak, yok ankacisa. Isin, buxal farcatat yaniih ‹Tu nee maxagta› iyya maraw, ‹Nanu nanih; nek sa tu matan› bagul intaanaah ‹Baqolti nek marabta; xaylo nek qunxih macabaaritta› intan.

Ermiyaas 4:8

YALLIH bagcarray kaxxam gibdihiyya Yuudah-ummatta macabtak, rookitaay *qabuddat gacaay weeqaay boogisa, keenik inxic» iyye.

Ermiyaas 49:3

Qaay baateh tanik, Cesbon maraw, boogisa! Rabba deqsitta magaalah agabow, rookita! *Qabuudut gacaay rookita. Meekitay *emreereya. Macaay inteenik, isin yallah liton Milkom kee kay seeka kee kay makaabon inkih seewah siinik beelon.

Ermiyaas 6:26

YALLI isi marak iyyeemihii: «*Qabuudut gacaay gombod bagul ubruka. Sin bayisu waa num garciik siinit yemeeteh immay, inki baxay luk sugeenihiyya akak rabe xaleena elle weqta'nnal, weeqaay rookita» iyye.

Hosiqa 2:3

Siinik cintek, sara teetik kalla heeh, tooboke saaku qasunuk akah sugte'nnah, qasunuk tet heeyyo. Kafte baaxoy tu elle aabuke waytah innah tet heeyyo. Bakaarah rabele.

Ayyuqel 1:8

Baqli akak rabe qibnah innah, boogisaay rookâ-sartan sarita.

Qaamus 4:12

Hay, siinit abeh anim kaxxa digaala. Yooy sin Dagelta kinnihiyya cokmi siinil abam faxa'mmay, bical gacay suga» keenik iyya.

Xafanya 2:15

Tet addal yan mari kaxxam isit yakkaleeh, tu ken xage waytam yakkaleeni'mmay, takku waytam tamaha. Ken magaalah bis le magaala addunyâ-bagul matanam keenit celta. Tohu immay ken magaala abuuruy alluwwa dabqah lehiyya akkele. Xaqu akak gaceh gexa mari tah yable waqdi, abah yan wariggak gexxaamah hagga axcelon» iyye.